اللجوء الديني هو الحل

بصوا بقى الموضوع ده بجد عشان فيه ناس نصابة لازم تاخد على قفاها و فيه ناس مضحوك عليها لازم تفوق شوية.

عجبني مقال على فيس بوك واحد معرفة، منقول من موقع إسمه الحق و الضلال، و هو موقع إخباري مسيحي !!!.

المهم هاخد المقال نقط، و أعلق عليها.

وفي الأخر هضيف بعض الحاجات منقول عن شخص شاهد و شارك في مثال زاي الموضوع المعروض!!!، و إلي فيه مخ و عين ، ياريت مخه يتنور و عينه تنفتح!!!.

و أحب أضيف حاجة، عشان كل لما أكتب حاجة تتعلق بلنصابين، بتوصلي تعليقات ملهاش أي لازمة، و بوجع دماغي بس لازم زاي ماقلت النصابين تاخد على قفاها، و المخدوعين يفوقوا شوية.

الخبر تحت عنوان : بيزنس المؤتمرات "المشبوهة " لأقباط المهجر "!!!!، ( و أحب أضيف من أولها إن البابا شنودة قال إنه ملهوش أي علاقة بيهم و إن رأيهم لا يعد رأي الكنيسة المصرية!!!، و هنعرف إيه سبب تصريحه ده!!!).

ناس هايصة وناس لايصه
(هذا المثل ينطبق على كل مؤتمرات العار التى تعقد فى بعض الدول الأوربية ، أو فى أمريكا ).
فبين لحظة وأخرى نفاجئ بعقد مؤتمر ، لبحث مشاكل الأقباط  
فنقرأ أسماء تتكرر إستضافتهم ، تارة فى بيروت ، وتارة فى أمريكا ، ومؤتمر أخر فى تورنتو ، ورابع فى بروكسل ، وخامس فى الهند ، وسادس فى اليابان ، وسابع فى طهران!!!. 
وتعقد هذه المؤتمرات ، ثم يعودوا المشاركين فيها بعد أن يمضوا بضعة أيام فى التنقل والإستجمام من الفنادق الساحرة إلى المطاعم الفاخرة 
وفى النهاية يتم الحصول على المكافأة ، وهى شيك يتم تحصيله باليورو ثمنا لحضورهم.


لغاية دلوقتي و عادي، إيه إلي فيها عندنا برضوه مسؤولين بيعملوا كده!!!، قلت مسؤولين؟؟؟، أه !!!، طيب هما أقباط المهجر مسؤولين عن أقباط الداخل؟؟؟، معرفش بس إجابة البابا شنودة كانت واضحة!!!.
يعني كل مؤتمراتهم خاصة بيهم!!!.

ويبدأ المؤتمر ، عادة ليردد فيه الحاضرون نفس النغمات ، ونفس الخطب النارية .. ثم ينتهى المؤتمر .. ولا نعود نسمع عنه شئ حتى يأتى مؤتمر أخر .. ودعاوى جديدة لنفس الوجوه ، وبيزنس جديد ، وشيكات تصرف ، والأوضاع فى مصر تزداد سوء كل يوم ، والمتاجرة بمشاكل الأقباط تحولت إلى بيزنس .. فهناك من يدفع للمنظمة التى تدعو للمؤتمر .. وتقوم المنظمة بالدفع للمدعوين وحجز الأماكن فى الفنادق الفاخرة ، وتحرير الشيكات .. وزغردى ياللى مانتش غرمانة .. فما هو السر؟!! .. هل هذه المنظمات ليس لديها مشاكل مع حكومات هذه الدول .. ولماذا تدعو هذه المنظمات لمثل هذه المؤتمرات بالخارج ، دون الإعلان عن أى أهداف تم تحقيقها أو إنجازات شعر بها الأقباط المضطهدين فى مصر .. بل أن معظم هذه المنظمات يعلم القاسى والدانى أنه ليس الهدف هنا التحدث فى الخارج عن مشاكل الأقباط ،.. والأقباط يغسلون أيديهم ويطهروها من هذه المنظمات المتاجرة بألامهم وأحزانهم.


العملية كلها بيزنس عادي، ده الإمم المتحدة بجلالة قدرها بتاجر بمشاكل الناس و مصايبهم، مش عاوز شوية ناس تقلد على صغير!!!.

منذ بضعة ساعات .. عقد مؤتمر من إياهم ، بالعاصمة "أمستردام"دعى إليه أقباط المهجر بهولندا .. وهو ما زعمت الجهات الإعلامية أنه "المؤتمر القبطى العالمى الرابع" .. التابع لأقباط المهجر .. تحت عنوان "مصر بين الدولة المدنية والدولة الدينية" .. والذى تنظمه الهيئة القبطية الهولندية بالعاصمة "أمستردام" .. وإفتتحه رئيس الهيئة القبطية الهولندية - ، وحملت كروت الدعوة بعض الأسماء "وائل الإبراشى .. خالد منتصر .. نبيل شرف الدين .. مايكل منير .. ممدوح نخلة .. مدحت قلادة .. نجيب جبرائيل .. شريف دوس" .. مع الإحتفاظ بالألقاب لكل هذه الأسماء .. وربما أسماء أخرى لا نعرفها ، وليس لنا هنا أى تعليق على هذه الشخصيات ، أو هناك خصومة بيننا وبين هذه الأسماء .. ولكن مجرد الشئ بالشئ يذكر .. ** لنا سؤال بسيط .. يقولون أن هذا هو "المؤتمر القبطى العالمى الرابع" .. يعنى هذا أن هناك ثلاثة مؤتمرات عقدت سابقا .. فهل أحد من الأقباط الذين يتعرضون للقمع والقهر والإرهاب ، كما يتعرضون لحرق كنائسهم ، وتهجيرهم من منازلهم .... قد سمع عن هذه المؤتمرات؟!!! ، 

• هل المؤتمرات الثلاثة التى عقدت سابقا برئاسة "؟؟؟؟؟" رئيس هذه المنظمة ، حققت أى نتائج ملموسة للدفاع عن قضايا الأقباط فى صعيد وقرى ومدن مصر  
• هل إستطاعت هذه المؤتمرات سواء فى "بروكسل" ، أو فى "واشنطن" ، أو فى أى دولة أوربية .. منع الظلم عنهم ، أو وقف الممارسات العدائية ضدهم؟!! .. 
• هل هذه المؤتمرات أصدرت توصيات سابقة أحالت دون حرق منازل الأقباط وخطف بناتهم ، وترويع الأسر فى لحظات من أصعب ما يمكن أن يواجهها إنسان غير قادر على مواجهة هذا الإرهاب الممنهج والمخطط من قبل جماعات إسلامية متطرفة دون وجود أى سقف يحميه ، وأى قوة تدافع عنه فى أى مكان فى العالم ، سوى قوة الصلاة وتضرعهم إلى الله ، هذه القوى الظلامية دأبت على إستغلال أولاد الشوارع فى شحنهم للهجوم على الأقباط فى كل أنحاء الدولة .. فى اللحظة التى يتعامل الأمن مع هذه الأحداث الإجرامية بسيناريو متكرر .. يترك الجناة حتى ينفذوا جريمتهم ، ثم يتدخل على طريقة "خالتى هنا ولا سافرت" .. وبعد أن يكونوا حققوا المراد ، يتم عقد جلسات الصلح العرفية .. إذن
•  هل تغير هذا السيناريو فى يوم من الأيام؟!! .. بالقطع لم يتغير ، وإذا لم يتغير هذا السيناريو .. فما الهدف من توجيه دعوات لعقد مؤتمرات بالخارج .. 
• هل هذه المؤتمرات ضمن سيناريو مخطط وممنهج لإدانة مصر أمام العالم الغربى والإتحاد الأوربى وأمريكا ؟!!! .. 
• هل هناك شعور من القيادات المصرية بتجنب مثل هذه الأحداث الطائفية ، تجنبا لمبدأ الإدانة العالمية للسياسة أو المنهج الذى تصر السياسة المصرية على إتباعه ..

بل هو أكثر من ذلك .. أعتقد لا هذا ولا ذاك .. وأن المسألة لا تتعدى كونها نوع من الإتجار فى دماء الأقباط ، فقد صار الأقباط بما يتعرضوا له ، هم السبوبة للسفر والتربح ، وكسب مزيد من المنح والهدايا ، وعقد المؤتمرات ، وكل مدعو يقول كلمتين ، ثم يحمل شيكه باليورو ، ويعود محمل بالهدايا والذكريات وليالى الأنس .. بينما "أبو مينا ، وأم بطرس ، والأخت دميانة ، والإبن ريمون ، والجد أبو فتحى ، والأطفال بيشوى وسارة وكيرلس" مازالوا يصرخون طالبين النجدة .. فى الوقت الذى ننطلق فيه بعض الأصوات الحنجورية ، بعمل دولة قبطية عاصمتها القدس ، ورئيسها أحد نشطاء أقباط المهجر ، وبدلا من مواجهة هؤلاء الأقباط لحكوماتهم التى تحرض الغوغاء لحرق منازل الأقباط وتهجيرهم وإهانتهم. 

حق الكاتب إنه يقول رأيه، بس أنا شلت أسامي بعض الشخصيات ، و الأسامي ديه موجودة في المقال الأصلي!!!
بس الحكاية هنا إن المدعوين ، منهم المعروف و منهم غير المعروف!!!، وفيه منهم من هو مكافح من أجل القضية!!، قضية إيه؟؟؟.

يقول "؟؟؟؟؟؟؟" .. أن الهيئة أطلقت وثيقة بعنوان "عام من شهداء الثورة" .. وتكشف الوثيقة ما حدث فى مذبحة الأسكندرية فى مطلع عام 2011 ، والتى كان النظام السابق وراءها ، وعلى علم بها .. وذكرت الوثيقة قتل مئات من المصريين فى هذا العام التى إنطلقت منه الثورة ، فقد شهد الكثير من الأحداث ، منها أحداث "محمد محمود" ، وأحداث "ماسبيرو" ، وأحداث "مجلس الوزراء" .. الذين راحوا من أجل مطالبهم للثورة المصرية الرائعة .. وهنا يبدو أن اللغز ، والهدف من دفع هذه الأموال بدأ ينكشف ، فهناك خلط فى الأوراق ، بين شهداء كنيسة "القديسين" الذين سقطوا ومزقت أشلائهم ، وهم خارجون من الصلاة بعد قداس رأس السنة الميلادية .. لم يكن هناك ذنب إقترفوه ، ولا قاموا بمقاومة السلطات ، ولا قاموا بحرق مبنى "المجمع العلمى" ، ولا قاموا بمنع رئيس الوزراء من دخول مكتبه ، ولا قاموا بالتبول على مبنى وزارة الداخلية ، ولا أسقطوا شعار الشرطة ، ولا مارسوا أى نوع من أنواع البلطجة .. ولكنهم مارسوا شعائر الصلاة المسيحية .. وخرجوا فرحين مهللين من الكنيسة لتلقاهم أيادى الغدر والخساسة والقذارة والندالة ، لتحصد أرواحهم .. كما حصدت قبل ذلك أرواح شباب نجع حمادى بعد خروجهم من الصلاة ... نعم ، هناك فرق بين من قتلوا عن عمد ، وعن إصرار وتربص لكونهم أقباط يمارسون شعائرهم الدينية ، وبين من قتلوا فى فوضى وهجوم على بعض الأبنية وحرقها ، والتعرض للشرطة والجيش ، فلا يجب أن نخلط هذه الأوراق ، بين من إستشهد وهم يحمل صليبة ، ومن قتل وهو يحمل زجاجات المولوتوف.


ماإنت كنت ماشي كويس، من حقك إنك تقول فيه إضطهاد ، و سلخ كمان.
و من حقك تقول إن فيه ناس إتقتلت عشان هما مسيحيين !!!!، بس يا سيدي العزيز الناس إلي إتقتلت في الثورة بلطجية من وجهة نظر المجلس العسكري و ماحوله!!!، إنما دول إلي ضحوا بنفسهم عشان واحد زيك يكتب مقال دلوقتي، و عشان واحد زايي يعلق عليه!!!.

وبالطبع سوف ينطلق الحضور فى المؤتمر للتصفيق الحاد لكلمة رئيس المؤتمر ، الذى لا يدرى أن هناك ألاف من الأسر المسيحية يصرخون من الإضطهاد والظلم ، ولا يجدون من يسمعهم .. ويبدو أن رئيس المؤتمر لا يعلم الظروف التى تمر بها مصر ، ويمر بها الأقباط .. فقد أكد فى مؤتمره المشبوه أن القضية القبطية تمر بمنعطفات خطيرة.   فى حين قال د "؟؟؟؟" .. سكرتير عام الهيئة القبطية الهولندية .. أن مذبحة "ماسبيرو" شهدت تطهيرا عرقيا مصغرا ، مضيفا أن "برلمان الثورة سيطر عليه الإسلاميون ، بالإتفاق مع المجلس العسكرى" .. مشيرا إلى أن "ما يحدث الأن يزيد التكهنات بإتجاه مصر إلى التحول إلى دولة إسلامية ، مما يزيد من تدهور وضع الأقباط" ... وهنا يبدو أن المناضل د. "؟؟؟؟؟" لم يقرأ لنا أى مقال فى موقعنا ، أو لم يقرا الأحداث المتلاحقة التى تمر بها مصر من 25 يناير وحتى الأن ، ولم يكن له رؤية واضحة ، أو صورة كاشفة للأحداث .. وفجأة إكتشف أن هناك تكهنات بإتجاه مصر إلى التحول إلى دولة إسلامية .. ولم يقرأ سكرتير الهيئة القبطية الهولندية ، تصريحات "أوباما" ، و"كلينتون" ، أو رئيس أى دولة أوربية ، وهم يؤيدون ويباركون وصول الإخوان إلى سدة الحكم فى مصر ، وتدخلهم الحقير والسافر ، وإمداد المنظمات التخريبية ، والإخوان بملايين الدولارات لتنفيذ سيناريو هدم مصر وإسقاطها ... ولكن يبدو أن هذا المؤتمر فى كوكب أخر .. والمطلوب أن نصفق لهم ، فقد إكتشفوا سر "شويبس"فى حين قال "؟؟؟؟؟" .. نائب رئيس الهيئة القبطية الهولندية ، أن وضع الأقباط الأن أسوأ بكثير من أيام مبارك ، والجميع حزين للحالة التى تعيشها مصر الأن ، مضيفا أن عام 2011 ، زادت فيه الحوادث الطائفية ، وهو ما يدعو للإحتقان أكثر ، وسياسة الترويض والتقارب مع التيارات الدينية فى مصر ، ورفع لمستوى الزعامة السياسية لبعض المشايخ الدينية .. مؤشر خطير ينم عن ضعف فى صناعة القرار السياسى فى مصر .. وطالب "؟؟؟؟؟" ، بأن يكون هناك خطوات جادة للتعامل مع ملف الأقباط فى مصر ، لأن الإحتقان فى مصر قنبلة موقوتة ، وستنفجر فى أى لحظة ، والهدوء النسبى للأقباط لا يعنى رضوخهم وإستسلامهم ، بل يعنى مؤشر خطير

ونحن هنا نتساءل ما الجديد فى بيان نائب رئيس الهيئة القبطية الهولندية .. وماذا قدمت هذه الهيئة للأقباط المطحونين فى صعيد مصر ، أو ماذا قدمت لكنائسهم التى تهدم وتحرق .. هل ذهبت الجالية القبطية فى هولندا للتظاهر ضد حكومات تلك الدول التى تدعم هذه الفوضى والإرهاب ، لكشف المخطط الصهيونى الأمريكانى ( أهوه من غير الكلمة ديه مكنتش هعرف إنه مخطط) ، لتدمير وإسقاط مصر .. بالقطع لم يحدث شئ من ذلك، بل أن كل هذه الهيئات تقدم فروض الولاء والطاعة للإدارة الأمريكية، إذن ، فما هو الهدف من هذه المؤتمرات المشبوهة ؟. التى لا يصلنا منها داخل مصر إلا كلام .. فى كلام .. فى كلام .. ولا نريد أن نتطرق لما أدلى به المدعوين للمؤتمر ، فما قالوه ، أو ما سيقولوه هو كلام مرسل لضياع الدقائق والساعات التى حددت لعمل هذا المؤتمر .. مع مراعاة إمداد الذاهبين إلى هذه المؤتمرات عند عودتهم بحفنة دولارات ، أو يورو .. حسب الطلب.

طبعاً بكده الكاتب وصلنا لمدى المؤامرة و خيوطها، أمريكا و إسرائيل!!!، بس إحنا لازم نعلن الحرب!!!.
بس هنعلن الحرب عشان ناس بتتكلم؟؟؟، أنا هسيب لسيادتك مفاجأة من العيار التقيل بس إتقل عليا!!!.

صار ملف إضطهاد الأقباط فى مصر .. بيزنس للمتاجرة والتربح .. فيكفى أن نكتب مقال أو مقالين ، أو يكون لك صيت إعلامى .. حتى لو كان هدف الكاتب وصيته خبيث ، إلا وتهرول إليك الميديا الإعلامية بأمريكا ، وكندا ، ودول أوربا .. لترسل الدعاوى وتنهال المكافأت والهدايا السخية .. وكأننا نعيش فى دولة الهبل والجنون .. فبدلا من أن تأتى هذه المنظمات إلى مصر ، لزيارة الأماكن الموبوءة والمنكوبة التى تتعرض للتصفيات الجسدية ، والإرهابية ، ويجبر سكان بعض القرى والمنازل على التهجير وترك منازلهم وأملاكهم .. وفضح السياسة المصرية لتدعيمها للفوضى والإرهاب .. وتقديم يد المساعدة للذين حرقت منازلهم ، ونهبت متاجرهم ، وخطفت بناتهم .. لا شئ يحدث من ذلك ، بل تعقد المؤتمرات فى بعض الدول ، رغم أن هذه الدول لا تحمى قطة .. ولكنها تحرض على الفوضى ..  وللذين لا يقرأون التاريخ .. ولا يعلمون شئ عن السياسة الجديدة للإستعمار الأمريكى والأوربى .. أود أن أسأل القائمين على المؤتمر .. ماذا حدث للمخرج الهولندى "ثيوفان جوخ" بعد عرض فيلم "الخضوع" .. والذى تناول تجربة أربعة نساء مسلمات .. تعرضوا للتعذيب والإضطهاد فى مجتمعات إسلامية .. وعرض المخرج أيات قرأنية مدونة على أبدان نساء عاريات ، مما أثار حفيظة المسلمين فى هولندا .. وإنتهى الأمر بمقتل المخرج فى 2 نوفمبر 2004 فى العاصمة "أمستردام" .. على يد أحد المتطرفين المسلمين ، وهو "محمد بويرى" ..  واقعة أخرى .. صب المسلمون فى هولندا جام غضبهم على "هيرسى" ، المواطنة الهولندية من أصل صومالى ، عندما إرتدت عن الإسلام فى عام 2002 .. وأصدرت كتابا بعنوان "الكافرة" .. تنتقد فيه الديانة الإسلامية ، وتتهمها بالتعصب ضد النساء .. وكادت الكاتبة أن تلقى مصير المخرج ، لولا أنها هاجرت إلى أمريكا ...  بالطبع القائمين على المؤتمر ، أو السادة الحضور ، لا يعلمون شيئا عن هذا الملف ، أو هذه الوقائع التى تكشف زيف هذه المجتمعات التى تتاجر بمشاكل الأخرين ، ولا تستطيع أن تصد أو تحمى من يسقطون برصاص الإرهاب فى دولتهم .. بل إنها تعانى بنفس القدر من الإرهاب ، والهوس الدينى الذى تسمح به حكوماتهم بزعم الديمقراطية ، وما صدروه لنا من شعارات مخربة وإرهابية ، وهى ما سموه بـ "الربيع العربى" ... ** أرجو أن تصل رسالتى لكل هذه التنظيمات المشبوهة ، وأتمنى أن يكفوا عن هذا الهبل والكذب والبيزنس للمتاجرة بدماء أقباط مصر .. كفاكم خداع ، وكفاكم مراوغ ، وكفاكم تضليل .. والدفع بالجوائز والإستقبالات الحافلة ، التى دأبت بعض الدول الأوربية وأمريكا .. لتقديمها لإحدى الصحفيات التى رأت فى الكتابة عن الملف القبطى ، هو قمة المكاسب .. فبدأت سلسلة نشر مقالاتها بإحدى الصحف اليومية بمصر ، وكانت المكافأة سخية لم يحصل على ربعها من تهدم منازلهم ، أو من تحرق كنائسهم .. فقد حصدت الجوائز بالسفر عدة مرات إلى أمريكا ، وإلى كندا ، بل وأقاموا لها كل حفلات التكريم ، والهدايا .. وللأسف هؤلاء الكاذبون والأفاقين لم يقدموا فلس واحد لأقباط مصر المطحونين فى القرى والنجوع ، ولم تأخذهم الشفقة عندما خرجت طفلة مسيحية فى قناة C.T.V لتقول "نفسى فى قرص طعمية" .. وسيدة قبطية أخرى تقول "نفسى فى دورة مياه نقضى فيها حاجتنا" .. ورجل مريض يقول وهو على فراش الموت "نفسى أشوف اللحمة" .. ألا يكفى هذا الفيديو الذى نشرته قناة C.T.V أكثر من مرة لكى يحرك مشاعركم إذا كان لديكم مشاعر تجاه أقباط مصر الفقراء والمعدمين ، هذا بالقطع لم نراه ، ولن نراه .. بينما أنتم تدعون البعض ، وتنفقون الأموال فى الهدايا والشيكات ، وتدعون أنكم مناضلون ، بل وتجمعون التبرعات من البسطاء للإستمرار فى ظهوركم الإعلامى ، أو فى عمل مؤتمراتكم المشبوهة.

و بكده خلص المقال، و خلص معاه دوا الضغط!!!.


بص ياسيدي موضوع إن بعض أقباط المهجر مشغلين القضية القبطية بيزنس ، معروف من زمان!!!، و معروف للكنيسة المصرية ، و الدليل خروج رأس الكنيسة و قال إن أراء رجال أعمال القضية القبطية حاجة خاصة بيهم و لا تمت للكنيسة المصرية!!!.

لكن إلي هقوله دلوقتي هو بناء على كلام مع شخص كان داخل في موضوع القضية القبطية بس بالظهر، يعني كان مضحوك عليه تحت مسمى الأقباط مضطهدون لازم نعمل حاجة!!!!.

و للعلم أنا عن نفسي شايف إن فيه إضطهاد للأقباط، و ياما إتكلمت عن موضوعات لكن مفيش حد بيسمع!!!.

المهم نرجع للأخ إلي كان ماشي بضهره!!!.

أغلبية المهتمين بالقضية ، ملهومش عمل ثابت أو وظيفة محددة!!!، معونة بطالة و مساعدات حكومية لسنين طويلة!!!، يعني تقدر تقول عاطل بمرتب ، قصدي بمساعة من البلد!!!.

نيجي للبداية، واحد قاعد في البيت ، و بيشتغل إسود عشان ميخسرش مساعدات البلد، يفكر إزاي أزود الدخل، يقوم جياله فكرة أعمل جمعية، بس فيه شرط لازم عشان يبقى فيه جمعية لازم يكون فيها أعضاء!!!، عاجي إيه إلي  فيها ، ( واحد قاعد في البيت ، على المساعدات، أكيد موراهوش غير يجيب في عيال!!!، يعني عنده جيش جرار من الأعضاء!!!، بس لسه لازم كام فرد من بره العيلة ، و إيه يعني ليه زمايل مش لازم يكونوا قاعدين في البيت بس زيادة الخير!!!).

يعملوا الجمعية، و يبتدوا يقلعوا البلد إلي عايشين فيها، إشي سايت على النت، مصاريف إجتماعات أعضاء الجمعية و الذي منه...!!!.

كل ده عادي، بس النظام المصري كان متابع الجمعيات ديه، و طبعاً يحب يلعب بيهم شوية، يختار بشكل عشوائي أي جمعية و ينعم عليها بالخيرات، إشي إستقبال في قاعة كبار الزوار، خدمات السفارة تحت أمرهم....، يعني تقدر تقول إوبن بوفيه!!!.

عادي صاحب الجمعية يشعر إنه راجل قوي بياخد من هنا و من هنا، يجي واحد تاني يشوف إن إلي قاعد في البيت ده حاله زاي الفل!!!، يروح عاوز يقلد بس يبتدي إزاي، يروح منضم للجمعية ، و بعد شوية يروح منفصل و عامل جمعية لنفسه بنفس طريقة الأول، و هاهاهاها التورتة إبتديت تتعرف و تتوزع.

وقع النظام المصري في مشكلة ، إزاي هيرضي الجيش الجبار من الجمعيات، و خاصة إن الجمعيات ديه بقيت بتلعب حاجة تانية، كل لما ينوي يزور أمريكا خاصةً يقوموا عاملين شوية مظاهرات، و كان أهم حاجة للنظام المباركي إن الزيارة تعدي على خير!!!.

طبعاً مكانش فيه مشكلة ، النظام المصري عمل حاجة حلوة ، أرسل وفد رفيع المستوى من الأجهزة الأمنية و السيادية في رحلات مكوكية، كل هدفه توزيع الهبات على الجمعيات ، خاصة إن الجمعيات ديه لازم تكون مساندة للنظام حتى ولو بطريقة خفية، ده غير زرع الجواسيس.

أما أصحاب الجمعيات و المنظمات أصبحوا عصافير للحكومة و السفارة، و يبيعوا و يقبضوا!!!.

و كان أهم حاجة لأصحاب الجمعيات ، إن المصايب تهل، كل ماتكون المصيبة كبيرة القبض بيكون كبير، و منه كمان العدد إلي بيشارك في المظاهرات يكون أكبر، و يتم التصوير صوت و صورة و كله بتمنه!!!.

أما لما الثورة قامت، نزل بعض أصحاب الجمعيات على ميدان التحرير، و إتصوروا مع الدبابة و رفعوا علامة النصر، و عملوا حساب الفيس بوك و أصبحوا من القيادات الفعالة في المشاركة التصويرية للثورة!!!، و عجبي!!!.

على فكرة فيه ناس بتنضم للجمعيات ديه من واقع خوفها من المستقبل، بس ميعرفوش إ، فيه ناس بترزق من وراهم!!!، و على فكرة مش كل أقباط المهجر ناس نصابة أو أصحاب الجمعيات ناس نصابة أنا عن نفسي شفت ناس مشرفة جداً، بيقوم بدور فعال في كشف الحقيقة و توضيحها، و لكن لما السرطان بينتشر ، الخلية الكويسة بيبقى رؤيتها منعدمة.

أتمنى من الناس كلها إنها تتكاتف لكشف فساد نظام سابق برضوه في صورة الجمعيات الوهمية بتاعت المصالح على كل لون، و تكون ديه بداية إن العيون تتفتح و المخ يشتغل.

أرجع تاني لكاتب المقال، هو عاوز يستمد غضب الناس و يدوس أكتر على موضوع المؤامرة، ( زاي ماتقول ماشي مع الرايجة).

خاصةً إن مع ذكر المؤامرة الموضوع هيشعلل زيادة!!!!.

و طبعاً تطعيم شوية من الحقايق مع شوية من الأكاذيب و بالتالي الموضوع يكون منسق !!!!، و زاي ماقلت إن في الموضوع حاجات كتيرة صح بس برضوه فيه حاجات كتيرة غلط.

فعلاً فيه سلبيات كتيرة في المجتمع خاصةً عملية تكفير الأخر!!!، بس ده راجع لأسباب كتيرة و أهمها سياسة الإلهاء بالدين إلي كان النظام السابق و الحالي متبعها!!!!.

يعني كمثال ، عندك الأيام الإولى في الثورة ، كان فيه أحداث فتنة؟؟؟؟، الإجابة لاء!!!!، ليه؟؟؟؟.

عشان الناس كانت مشغولة بحاجة أهم من الفتن!!!!، كانوا فايقين لكسب حياة جديدة!!!.

بس للأسف لما الحياة الجديدة جت!!!، رجعت ريما للعادة القديمة تاني، رجعنا تاني لقصة الدين و تكفير المجتمع!!!.

الدين هو العمود الفقري للبني أدم الشرقي!!!، بس فيه مشكلة إحنا بنواجها!!، إحنا متعودناش على التوازن، إحنا ياإما فالتين قوي أو متدينين قوي، إنما الحل الوسط ملهوش وجود عندنا!!!!.

مقدرش أقول إن السبب معروف، بس إحنا كده!!!!.

عندنا حاجات كتيرة غلط ، و في نفس الوقت عندنا حاجات كتيرة صح، بس للأسف كله نسبي و بدون أي توازن!!!.

فالحين نعمل إلي إحنا عاوزينه في السر، و عشان كده بنصدق قصة المؤامرة دايماً، إنما التدين بيكون في العلن!!!.

عندنا حاجة تانية أجمل ـ نسبة الإمية عالية جداً فبلتالي نسبة الإنحراف أو التدين بتكون عالية برضوه!!!.

نقدر نرجح إن الإمية هي السبب سواء في الإنحراف أو التدين؟؟؟؟.

طيب ماهو فيه ناس متعلمين على مستوى عالي جداً و فيه منهم المتدين و المنحرف!!!.

يعني إن قلت إن الإمية هي السبب، هيطلع التعليم سبب برضوه!!!.

حاجة بسيطة، زاي ماقلت ، إن الدين هو العمود الفقري للبني أدم الشرقي، سواء منحرف أو متدين!!!، فبلتالي لما أكون أنا النظام و أحب أفرق بين المجتمع أعمل مابينهم فتنة!!!، أعزف على الوتر الحساس إلي يجمع المنحرف و المتدين و كل أطياف المجتمع!!!.

و خليهم يخلصوا على بعض، و أنا هكون الكسبان!!!.

و الطرق كتيرة زاي " طريقة المؤتمرات " ، أقباط المهجر بيعملوا مؤتمرات دولية، و مسلمين المهجر بيعملوا برضوه مؤتمرات دولية!!!.

بس فعلياً الأقلية مدهوسة تحت رجلين الأغلبية!!!، و ده صعب إنكاره!!!.

و ده الوتر إلي بيعزف عليه أقباط المهجر، أو أقدر أقول أقلية من أقباط المهجر!!!، و السبب البيزنس ياعزيزي، و كل شوية تحصل حاجة و البيزنس بيكبر!!!.

الأجمل من كده إن زاي ماكاتب المقال بيقول " إن فيه ناس قاعدة مستنية مساعدة من المؤتمرات ديه!!!".

و للأسف مفيش أي عون واقعي رجع على الأقلية المدهوسة، غير الدهس أكتر بسبب المؤتمرات المشؤومة!!!.

ده غير إن النظام عنده إيد تانية ، أجمل من إيد المؤتمرات أ, تقدر تقول مساعدة جداً للمؤتمرات المشؤومة!!!، و تساعد كمان على كسر أي كلمة للأقلية المدهوسة!!، السفارات المصرية في الخارج!!!.

السفارة تمد الدول الغربية بالتقارير إياها، إحنا دولة بتؤمن بالحريات، عندنا مواطنة، عندنا إنتخابات ، عندنا رئيس مفيش زييه،.....إلخ!!!، خلي بقى أقلية الداخل تتكلم زاي ماهي عاوزة، كله في الهوا بيطير!!!.

و أصحاب المؤتمرات عارفين الكلام ده، و بيعملوا إتفاقيات مع النظام، و بيشتغلوا جواسيس للسفارة و النظام، و عشان كده بيعملوا المؤتمرات بقلب جامد، إمال السبوبة تروح؟؟؟.

إنما إلي واقع عليه الليلة هما أقلية الداخل!!!، مدهوسين في الداخل، و لما يحاولوا و يقدرهم ربنا على الطلوع بره مصر، يلاقوا المفاجأة الغير متوقعة، إن الدول الغربية بتكدبهم بناء على تقارير السفارات المصرية!!!!، إلي بيقول إن الحياة زاي الفل و وردية!!!.

يخلي صاحب المشكلة يخبط دماغه في الحيط و السؤال الوحيد " هو أنا سيبت مصر ليه؟؟؟".

أنا أسف للكلام ده بس هو ده الواقع، و هكتب بإذن الله موضوع كامل عن اللجوء بكل أنواعه، سواء ديني، سياسي و حتى الإنساني!!!.

و على رأي المجلس العسكري، كله لازم يعيش، و يخبط راسه في الحيط، و تحيا مصر!!!.

إقرأ المزيد... Résuméabuiyad GRAKOLLO

مبارك لسه عايش على قفانا

بعد كل إلي حصل، و إلي الناس قامت عشانه!!!، مبارك لسه عايش على قفانا!!!.

قاعد، واكل، نايم و شارب على حسابنا!!!!، و الدليل الخبر ده:

• كشف مصدر مقرب من عائلة الرئيس المخلوع حسنى مبارك أن جهات خاصة أخطرت أسرته بأن تكاليف حراسته ونقله تخطت فى 31 ديسمبر الماضى مبلغ عشرة ملايين جنيه وأن تكاليف نقله من محبسه بالمركز الطبى العالمى لقاعة المحاكمة تتكلف فى كل مرة ما يزيد على 10 آلاف دولار. مبارك الذى أعلن لاسرته أنه شخص مطلوب قتله داخل وخارج مصر قال: إن نقله للمركز الطبى نوع من التأمين. ويشارك 200 عنصر معظمهم من الداخلية فى حماية وتأمين وحراسة مبارك بعد إدانته من قبل النيابة العامة.

جميل جداً لغاية دلوقتي، بس فيه حاجة بسيطة خالص!!!.

سوزان مبارك في تسريب لبعض من مذكرتها، إن مبارك أمر الحرس الجمهوري بتأمين الحمام، عشان كان متوقع إن ناس من إلي حواليه هيقتلوه!!!.

بلاش الدليل بتاع سوزان، دليل تاني خالص، لما المخلوع كان رئيس، بعد محاولة الإغتيال ، أصبح تأمينه واخد شكل تاني.

ممنوع أي حد يمشي في الشارع ساعة مرور الموكب، بعد ماكان ممنوع مرور السيارات!!!، موضوع التمويه ، موكب و طيارات هليكوبتر، بحيث محدش يعرف هو على الأرض و لا في الجو.

الجيش كان مسؤول عن شرا أسلحة الحرس الخاص!!!، وجوده الدائم في مخصصات الرياسة، و الخروج خارج أسوارها للضروريات بس.

يعني مش عناصر خارجية و منظمات إجرامية عاوزة تسيء لمنظر الأمن المصري زاي ما بقيت الخبر بيقول:

•    وأكد المصدر أن السلطات المصرية شددت إجراءات الأمن والحراسات على الرئيس المخلوع وزوجته بشكل وبترتيبات غير مسبوقة استنادا على معلومات تفيد بأن هناك جهات تخطط للنيل منه خلال وجوده بالمركز الطبى العالمى، وأن من بين المخاطر التى تهدده وجود جهات أجنبية تهدف لقتله لتوريط مصر وتلويث سمعتها الأمنية عالميا.

طبعاً المصدر مقلش إذا كان التخطيط داخلي أو خارجي!!!، إنما المعلومات الخطيرة إن بوجوده في المركز الطبي العالمي في خطورة على حياته!!!.

خلاص فيه حل إنقلوه بورتو طره، أمان و إمتيازات!!!، هيكون مع أولاده، و نظامه!!!، و كمان سوزان هتيجي تزوره و تزور الأولاد بالمرة بدل تكايف إنتقال من البيت إلي المركز الطبي، من المركز الطبي للبيت و من البيت للمركز الطبي، لبورتو طره للبيت أو المركز الطبي!!!.

كل ده على قفانا، مش دافعين مليم من جيبهم!!!!.

و خاصةً إن الداخلية أعلنت الخبر ده:

  

• الداخلية شددت الحراسة مؤخرا حول سجن مزرعة طرة بشكل غير مسبوق وأن تشكيلات الحراسة الخاصة تنوعت لدرجة أنها أصبحت تشكيلات طوارئ مواجهات عسكرية حقيقية وأن هناك معلومات تؤكد تصاعد الحراسات مع اقتراب يوم 25 يناير تحسبا لتهديدات من الشارع باقتحام سجن مزرعة طرة.

يعني بمنتهى الإختصار ، ممكن تأمينه في أي حتة في مصر، مش لازم يكون المركز الطبي، ده غير إن الداخلية و الجيش بيفتخروا بالخبر ده

•   حراسة مبارك الآن تعد من أقوى أنواع الحراسات فى العالم طبقا لمعلومات مصدر مسئول، حيث تقلل من حيث المفهوم الأمنى الاستراتيجى للحراسات فرصة الوصول للهدف بنسبة 90٪ وهو ما يجعل الهدف بعيدا عن المخاطر.  وأكد المصدر أن رؤساء العالم مجتمعين بمن فيهم الرئيس الأمريكى لا يلقون نوعية الحراسة الخاصة التى يلقاها مبارك حاليا فى مصر.

طبعاً الداخلية معندهاش أي حجة دلوقتي في نقل مبارك لبورتو طرة!!!، بس للأسف مبارك رجع تاني يتعب و ينهار و يجيله تقلصات زاي العيال لما ميكونوش عايزين يروحوا المدرسة!!!.

إقرأ المزيد... Résuméabuiyad GRAKOLLO

مبارك رئيس فخري مدى الحياة

أصبح الكلام كتير عن سوزان مبارك إنها هتعمل كتاب تكتب مذكرتها، و فيه بعض الكتاب كاتبين أجزاء من مذكرتها!!!.

قعدت بصراحة أدور عن دار النشر canongate ( لينك على الويكيبيديا للتعريف بدار النشر)، دخلت على الصفحة الخاصة بدار النشر ملقتش أي حاجة تذكر عن مذكرات سوزان مبارك،  لكن على سايت أخر TOI  لاقيت كذا مقال عن موضوع المذكرات.

و يقال أن وحسب تقارير صحفية عديدة على المواقع الإخبارية أن سوزان مبارك تعاقدت مع هذه الدار مقابل 15 مليون جنيه للموافقة على نشر مذكراتها.

من المقرر أن تخرج فى حوالى 500 صفحة تتناول فيها سيرتها الأولى وفترات حياتها المختلفة ودورها الاجتماعى والسياسى.

و عجبني جداً عنوان الكتاب: Egypt’s First Lady: 30 Years on the Throne of Egypt

رايقة حتى في إختيار الأسامي للكتب!!!، ومن جانبها كانت دار كانون جيت قد كشفت النقاب عن قيام سيدة مصر الأولى السابقة بالاتفاق معها على نشر مذكراتها التى تحمل الكثير من الأسرار حول دورها فى الحياة السياسية المصرية على مدار ما يزيد عن 35 عاما منذ تولى حسنى مبارك نائب رئيس الجمهورية.

و ياترى بقى هتقعد كام سنة تكتب في ال35 سنة ؟؟؟، الأغرب من كده إن المفروض يكون عندها وثائق لتوثيق الأحداث!!!، مش مجرد كلام!!، تفتكروا هيجي علينا اليوم إلي ممكن نشوف حياتنا حقيقتها كانت إيه في ال35 سنة إلي فاتت؟؟.

بس شدني بعض عناوين الأخبار أحب الأول تقروها!!!!،،:

الخبر الأول ، من جريدة الفجر

هدد رجل الأعمال الهارب حسين سالم زوجة الرئيس المصري المخلوع سوزان ثابت بالقتل

 إذا قامت بنشر معلومات تمسه شخصيا فى مذكراتها مشيرا إلى أنه عرض عليها أكثر مما حصلت عليه من دار النشر البريطانية: 
"لو أعدت هذه المذكرات بكلام سياسي وتاريخي متزن"، على حد تعبيره!!!.

(أحب أعلق على نقطة نقطة، الكلام التاريخي المتزن، ممكن يحقق أرباح؟؟؟، يعني مش لازم يكون فيه شوية سرحان؟؟؟.).
 
أشار سالم في تصريحات إلى أنه ذكَّر سوزان عبر التليفون بقصة رجل الأعمال المصري أشرف مروان عندما فكر في كتابة مذكراته.
منوهًا إلى أن مروان فضح في هذه المذكرات العديد من شركائه ومنهم مبارك نفسه.
وحذر سالم سوزان مبارك من أن قضية مروان يمكن إعادة فتحها.
قتل مروان في 27 يونيو 2007 إثر إسقاطه من شرفة منزله بالعاصمة البريطانية لندن.
أراد الجناة أن تظهر حادثة القتل في صورة انتحار.
لكنَّ عائلة مروان ومحاميه يؤكدون وجود شبهة جنائية في وفاته.

(هو على كده بقى كان موت مروان عبرة لناس معينة؟؟؟، طيب و سعاد حسني و الليثي عبد الناصر، إلي كلهم مشتركين في شيء واحد ، نفس طريقة الإنتحار!!!، قصدي القتل!!!).
 
أعرب رجل الأعمال حسين سالم - الشريك التجاري لمبارك والصديق المقرب من عائلته - عن دهشته من كم المعلومات الأولية التي سجلتها سوزان ثابت في مذكراتها؛ لذلك اتصل بها وطلب منها أن تتعامل بحذر عند الكلام حوله شخصيًّا، وألا تذكر ما يكشف عن حجم علاقاته بأسرتها على أساس أن ذلك يضر بهم قبل أن يضر بسمعته.
وأكد سالم وجود المذكرات وأنه علم من مصادره الشخصية بوجودها وأن التعاقد بين دار النشر البريطانية وبين سوزان يلزم الأخيرة بتقديم مادة مكتوبة تحقق لدار النشر الأرباح وبيانات يمكنها التأثير على شكل ومجريات الأحداث التاريخية الحقيقية، باعتبار أن كل دار نشر عملاقة لديها محققون وخبراء تاريخ يفحصون ويحققون كل معلومة. 

(يعني معنى كده إن سوزان مبارك ناوية تدي دار النشر وثائق تثبت بيها كلامها؟؟؟، طيب لما الوثائق ديه خطيرة قوي كده، ليه الناس التانين محركوش لوقف سوزان؟؟؟، و لا سايبنها تكتب و تنشر و بعد كده ترمي نفسها من البلكونة، قصدي تنتحر؟؟؟).
 
وأقر سالم بأنه طلب من سوزان بشكل مباشرة حذف ما يمسه في المذكرات مما جعلها تتساءل بجملة: "هل أعتبر هذا تهديدًا؟".
وبحسب سالم؛ فإنه رد عليها "بأنه لا يهدد سيدة أبدًا ولكنه يحذرها بأن الذكريات الخاصة بالعمل المشترك بينه وبين زوجها "مبارك" تخص أطرافًا أجنبية عديدة لا رغبة لديها أن تكشف زوجة شريكهم أسرارها".

( شكل حسين سالم إنه هو المنظمات السرية لواحده!!!، لإنه هنا بيطلب مسح الأشياء المتعلقة بيه بس!!!، و ملهوش دعوة بالباقي!!، و عشان خاطر إن حسين سالم هو المنظمات الإرهابية، فالجيش راح مشدد الحراسة على مبارك و حرمه، و إحنا بندفع تمن الحراسة و الذي منه !!!، ماهما يتعاركوا و ينشروا غسيلهم الوسخ!!!، و إحنا علينا ندفع التمن!!!).
 
وهدد حسين سالم بأنه سيفضح كل أفراد نظام مبارك بمن فيهم الأشخاص الذين مازالوا حتى الآن موجودين في الحكم دون أن يحدد أسماءهم. 
وحذر سالم من أن التحقيقات ستؤدي في النهاية لخلع شخصيات كثيرة من فوق كراسيها مشيرًا إلى أنها قدمت شهادات مفبركة ومزورة في التحقيقات. 

(طيب عندي ليك إقتراح ـ لحسين سالم ـ متكتب مذكراتك إنت كمان ، و خلينا إحنا الغلابة نعرف شوية معلومات!!!، يعني تقدر تقول كده، إن الشعب هو إلي أسقط مبارك مش ملفاتك!!!، هو أه لسه فيه شوية من الباقيين زاي المجلس العسكري و الذي منه!!!، بس دورهم جاي زاي مادور سعادتك جاي معاهم!!!).
 
ونفى حسين سالم أن يكون له ملف سري لدى المخلوع، وقال: "إن مبارك ضعيف الشخصية عندما يكون شخصًا عاديًّا".
وقال: "إنه يمتلك ملفات مبارك وهي معدة للنشر وتحكي تفاصيل حياة مبارك منذ عام 1975 وحتى 2010. وأشار إلى أنه سيترك تلك المذكرات لابنه حيث يمكنه التصرف فيها عقب وفاته حتى يضمن أن الحقيقة كاملة ليعرفها الناس، موضحًا أن أن تفاصيل ملفات مبارك ستكشف أدق الأسرار بما فيها معلومات عن بعض الوزراء الذين كانوا يطلبون منه - أي "حسين سالم" - مصاريف ويقفون على بابه ليحصلوا على تذاكر أو إقامة "تايم شير" في فنادقه وقراه السياحية".


أدي أخرة الصداقة، بعد ماكان مبارك سايبله سينا يبرطع فيها، دلوقتي عاوز يعض الإيد!!!، إمال لو وقعت في إيد الناس هيعملوا فيك إيه؟؟؟، ده إنت هتبقى كفته!!!.


الخبر التاني ،من جريدة الفجر


"حسين سالم": مبارك معه هاتف جوال ويجري اتصالات دولية من محبسه 

كشف "حسين سالم" أن الرئيس المخلوع يستعمل الهاتف الجوال ويجري اتصالات دولية من محبسه في المستشفى الدولي.

وقال:" إنه تلقى اتصالاً هاتفيًّا من مبارك منذ أكثر من أسبوعين استمر لمدة عشر دقائق. وأوضح سالم أن مبارك في هذه المكالمة كان يبدو مضطربًا ويشعر بالخوف الشديد ويتعهد لسالم بعدم الزج باسمه في القضية التي يحاكم فيها مبارك ونجلاه". 

وطلب مبارك خلال المكالمة كما قال سالم العمل على مساعدته لدى شخصيات سياسية دولية نافذة لها علاقات صداقة قديمة بمبارك.

وفي الإطار نفسه، كشف سالم أنه تلقى مكالمة هاتفية مفاجئة الأسبوع الماضي من علاء مبارك من داخل سجنه بمزرعة طرة لكنه اعتذر عن إكمال المكالمة باعتبار أنه غاضب من كل من علاء وجمال بعد علمه أنهما طلبا من محاميهما فريد الديب بتخفيف الحكم عن والديهما بإلقاء التهم على سالم.
هذه كانت فكرة علاء؛ لذا رفض التحدث معه وطلب منه التعقل والحذر من الزج باسمه، وعلى هذا الأساس أغلق سالم الخط من جهته. 

قصة المكالمة ديه لوحدها تنفي عملية التشويش على الإتصالات في بورتوطره!!!.

ديه بعض الأخبار من جريدة الفجر بخصوص حسين سالم و العيلة الرئاسية، طبعاً معرفش مدى الصحة؟!؟!، بس لو إفتراض إن كل ده حصل فمعنى كده إن إحنا عايشين كدبة تانية زاي كدبة العيشة لمدة 30 سنة!!!.

فين المخابرات العامة، الأمن الوطني، المخابرات العسكرية و النائب العام؟؟؟، يعني زمان لما كانوا بيحبوا يرقبوا شخص ما، كانوا بيقفلوا حواليه في شكل دايرة، يخلوا كل حياته تلف كده قدام عينهم!!!.

يبقى على كده المجلس العسكري بكل الأجهزة الأمنية إلي تحتيه، بيخدموا العيلة المباركية !!!، بالإضافة لنفي أي حد ممكن يشوه سمعة العيلة المباركية!!!.

صداقة مابين إتنين حولت مصر لعزبة خاصة تتقسم على مزاج الأصدقاء، و في الأخر إحنا إلي بنسدد تمن الصداقة.

و ديه مش أول صداقة ندفع تمنها، كان فيه صداقات كتيرة الشعب دفع تمنها، مثال عبد الحكيم عامر و عبد الناصر، السادات و عثمان و جمال مبارك و أحمد عز!!!!.

السؤال لغاية إمتى هنفضل ندفع؟؟؟، و إمتى هيتم المحاسبة الفعلية لكل أنواع الصداقات إلي على حسابنا؟؟؟.

قصة حصلت من مبارك لحسين سالم، كالتالي:

طلب حسين سالم من صديقه مبارك أن ‬يخصص له مساحات شاسعة من أراضي ‬طابا، ‬وبالصدفة كانت هذه الأرض مخصصة لرجل الأعمال وجيه سياج ولم ‬يرفض مبارك طلب صديقه ونزع الأرض من سياج ومنحها لحسين سالم وتحملت خزانة الدولة ‬750 ‬مليون جنيه دفعتها مصر لسياج الذي ‬لجأ للتحكيم الدولي ‬فقضت المحكمة الدولية بتغريم مصر هذا المبلغ ‬الضخم!!!، منين إتدفع ؟؟، و مين إلي دفع؟؟؟، للأسف إحنا!!!.

ضابط احتياط في ‬القوات الجوية من مرتبه عمل الإمبراطورية ديه؟؟؟، و التاني ورث ميراث عن أبوه؟؟؟.

و ياريت الصداقة وقفت عند مبارك و حسين سالم، لاء جه إبنه و كمل علينا،" ماهو إلي بياكل على ضروس غيره ، ضروسه من حديد"!!.

و فعلاً جت صاقة مابين مبارك الإبن و ملك الحديد!!!، أحمد عز!!.

(إختصار لحياة أحمد عز، منقول من مقال، مصر تدفع ثمن صداقات الفساد).


أحمد عز مجرد شاب مثل مئات الآلاف من الشباب الذين تخرجوا في ‬كلية الهندسة.

‬لم ‬يكن أحمد عز طالبا عبقريا ولا فذا ولكنه حقق ذاته بشكل كبير في ‬مجال بعيد عن الهندسة وهو عزف الدرامز.

وظل ‬يتنقل مع مودي ‬وحسين الإمام للعزف في ‬الفنادق الكبري ‬حتي ‬طلب منه والده أن ‬يتفرغ ‬لإدارة أعماله التجارية.

‬فغير عز من اتجاهاته وراح ‬يتقرب بشدة من رجل الحزب الوطني ‬القوي كمال الشاذلي.

‬وأخطأ الشاذلي ‬خطأ عمره بأن فتح لأحمد عز الطريق لكي ‬يتعرف علي ‬جمال مبارك وده كان المسمار الأول في ‬نعش الامبراطورية التي ‬تربع علي ‬عرشها الشاذلي ‬لسنوات طويلة في ‬الحزب الوطني.‬

كان عز أكثر ذكاء من جمال وأراد أن ‬يختصر المسافات بينهما ولهذا راح ‬يتبرع بمبالغ ‬كبيرة لجمعية جيل المستقبل التي ‬أسسها جمال مبارك.

‬كان عز ‬يدفع لجمعية جمال باليمين وهو علي ‬ثقة بأنه سيجني ‬أرباح تبرعاته باليمين والشمال.

وصدقت نبوءاته فبعد سنوات قليلة صار امبراطورا للحديد في ‬مصر وحقق في ‬سنوات قليلة ثروة تجاوزت ‬40 ‬مليار جنيه.

ها، و بعد كده فيه ناس تطلع و تقول عاوزين مبارك رئيس فخري مدى الحياة ، و أحد أولاده يكون رئيس لمدى الحياة!!!، و أحفادهم من بعدهم لمدى الحياة و إلخ!!!.

و بعد كل ده المجلس العسكري بيدوس علينا بالجزم، و عاوز يفضل مدى الحياة برضوه!!!.

يا ترى نهاية صداقة مبارك و سالم، هتكون على إيد سوزان مبارك؟؟؟، طيب و نهاية صداقة المجلس العسكري و العيلة المباركية هتكون على إيد مين؟؟؟.

إقرأ المزيد... Résuméabuiyad GRAKOLLO

قرار إجباري من رئيس الجمهورية ...... بالفساد العام

ساعات بيجيلي فكر كده!!!، و سؤال ملح، هل بسقوط مبارك و نظامه هينتهي الفساد في مصر؟؟؟؟.

كان ليا رأي في الموضوع ده، إن مبارك و نظامه راس الجسم، لما نقطع الراس ، الجسد هيكون ساكن فنقدر نفليه حتة حتة!!!.

جميل، بس فيه حاجة تانية، تفتكروا عادة إستمر عليها البني أدم 30 سنة، هيقدر يتخلى عن العادة ديه بسهولة؟؟؟.

بمعنى ، موظف مرتشي ، هيقدر يبطل ياخد رشوة؟؟؟، الفساد منتشر في الجسم كله، عامل زاي السرطان في أسوأ حالاته!!!، الأفضل للمريض إنه يموت!!!.

و ده جزء من فضائل نظام مبارك الفاسد، إنه سابلنا حاجة من ريحته هتفضل معانا لفترة طويلة!!!.

عشان نعدل ، محتاجين جيل جديد، يتم تعليمه على مباديء معينة، و منه الجيل ده يعلم الجيل إلي وراه المباديء ديه و من ثم يكون عندنا جيل جديد!!!، يعني لو إبتدينا دلوقتي، محتاجين 30 سنة تانية!!!.

ده مش فقدان للأمل، بل هو نقمة شديدة على النظام إلي إتخلع.

عدوى الفساد إنتقل للمجتمع و لأجيال كتيرة، فعلاً عشان مصر تتبني لازم نقف وقفة واحدة فعلية، زاي وقفة 25 يناير!!!.

و للأسف لسه نظام ميت بيحاول يموت كل إلي حواليه قبل مايطلع نفسه الأخير!!!، عامل زاي ملك بيموت لازم ياخد معاه كل حاجة يملكها حتى البني أدمين لازم يدفنوا معاه!!!.

تفتكروا ده العدل إلي ممكن نسيبه لأولدنا يعيشوا فيه بعدينا؟؟؟، تفتكروا إلي مرينا بيه من مرارة ، لازم هما كمان يعيشوا فيه حياتهم؟؟؟، و لا يكون ليهم مستقبل أفضل؟؟؟.

أه و لحاجة بعيدة شوية عن الموضوع ، أحب أقول إني عن نفسي بعتبر الناس إلي ماتت في ملعب بورسعيد شهداء!!!، لإنهم كانوا ضحية مؤامرة نظام قاتل!!!، مش ماتوا عشان لعب الكورة!!!، نظام عشان يحمي نفسه ممكن يعمل حرب أهلية بين الناس!!!.

و بصراحة أكتر، عشان النظام الفاسد ياخد عبرة أو قلم قوي، يجب إعدام مبارك في ميدان عام!!!، كفاية بقى محاكمات وهمية ، مبارك فاسد بإعتراف ناس كتيرة، مسؤول عن فساد نظامه!!!.

و بصراحة أكتر، لا يجوز ليه الرحمة أبداً!!!، واحد و عيلته و شوية الفاسدين إلي حواليه، لا رحموا أطفال ، نساء ، شيوخ و رجال!!!.

خلى مصر و شعبها عزبة خاصة ليه و لعياله و أحفاده!!!، إلي ينال العطف منهم تفتح لهم الخزائن، أما الشعب فمكنش ليه أي أهمية أو عطف من العيلة الرئاسية أولاً، و بقيت النظام ثانياً!!!.

فغلاً نظام أفسد كل شيء، و أي واحد من النظام السابق، و ليس الكل ، فاسد و فاشل!!!!، مفيش واحد منهم غير قليل إلي نال حب الناس!!!، نسبة تكاد تكون منعدمة!!!.

نفسي أعرف إيه إلي موصلهوش الفساد؟؟؟، شرطة فاسدة، قضاء فاسد، مجلس عسكري فاسد، محليات فاسدة، تعليم فاسد، صحة فاسدة حتى المية و الهوا فاسد!!!.

كام واحد مات بسبب عدم قدرتهه على العلاج؟؟؟، كام واحد مريض بالفشل الكلوي؟؟؟، كام واحد غير متعلم؟؟؟، كام واحد إختفى و إتقتل على إيد الأمن؟؟؟، كام واحد ................إلخ؟؟؟.

تفتكروا بقى بعد كل ده نعمل في راس الفساد إيه؟؟؟، مش برضوه لازم نخليه عبرة لكل الفاسدين؟؟؟، عشان كل إلي تسول ليه نفسه إنه يفكر في الفساد تاني ، يبقى عارف مصيره هيكون إيه!!!.

ده رأيي، ممكن يكون رأي متعصب شوية، بس فعلاً لازم نعمل بلد جديد و نظيف بأي طريقة!!!.

و أدي خبر على ديل من ديول فساد النظام السابق!!!: من جريدة البشاير الجمعة 10 فبراير:

شركة هندية بالمنصورة تجبر الموظفين على عبادة النار

• شركة المنصورة للراتنجات التى يمتلكها مستثمر هندي يدعى كابل أجروال الذى يجبر عمال الشركة على المشاركة فى حفلات يقيمها لعبادة النار ..

• والاغرب ان قصة هذه الشركة وبيعها لمستثمر هندي هى احد فصول مسلسل الفساد الذى عاشته مصر فى عهد الرئيس المخلوع ..

• وتمثل شركة المنصورة للراتنجات، والتى تم بيعها لمستثمر هندي في عام 2004، ضمن مشروع الخصخصة، بوابة سرية لصرف المخلفات الكيميائية فى نيل مصر، ولتصبح مواد "الفينول، الفورمالين، الأكسجين كيمائي".. المكونات الرئيسية لمجرى النيل، فيما ذهبت المياه الصافية والأسماك الطازجة بلا رجعة.

• بدأت المأساة بعد صدور قرار إجباري من وزارة البيئة بتوفيق الأوضاع الكيماوية للشركات طبقًا لاشتراطات بيئية محددة، وبناء عليه تم انشاء محطة المعالجة الكيماوية التي استغرقت عاما كاملا بمنحة من بنك التعمير الألماني بمبلغ مليونين و 600 ألف جنيه مصري إلى الحكومة المصرية ممثلة في وزارة البيئة على أن يكون نصف المبلغ منحة لا ترد، ليتسلم المستثمر الشركة وبها المحطة.

• ورغم المنحة إلاّ أنّ هيئة الرقابة الإدارية تلقت بلاغًا فى عام 2009 يفيد بقيام الشركة بصرف مخلفات الإنتاج من الفينول والفورمالين بمصرف المنصورة..

• تم تشكيل لجنة فى حينه لبحث الشكوى لتثبت مخالفات المستثمر الذى قام بهدم المحطة الكيماوية واكتفى بالمعالجة البيولوجية التي لا تصلح لمعالجة الكيماويات التى تصرفها الشركة.

• وأوصت اللجنة بإلغاء الترخيص الصادر للمصنع بالصرف فى مصرف المنصورة المستجد وغلق فتحة السيب النهائى للمصنع على المصرف وذلك بعد انتهاء الترخيص فى 15 / 2 / 2010.

• وتوالت الجولات التفتيشية المفاجئة من قِبَل جهاز شئون البيئة وصرف وسط الدلتا والصحة على المصنع ليتم التنبيه على إدارة الشركة بسرعة إعادة تأهيل وحدات المعالجة الكيماوية والبيولوجية، ومن جانبه شكّل اللواء سمير سلام محافظ الدقهلية الأسبق لجنة أخرى بدلا من تحويل الموضوع للنيابة، أكدت نفس ما جاء بتقرير هيئة الرقابة الادارية.

• ولعبت الوساطة والعلاقات الشخصية دورًا بارزًا فى إعطاء الشركة مهلة لتوفيق أوضاعها وإعادة تركيب المحطة التي تم هدمها، بدلا من احالة الشكوى الى النيابة للتحقيق في الأمر.

• ونظرا لأن المستثمر الهندي استخدم معدات المحطة الكيماوية كقطع غيار للوحدات التي أعاد تطويرها فقد استطاع بمعاونة المهندس ياسر عسكر مدير الدعم الفني بجهاز شئون البيئة، بمساعدته وعمل تقرير مع لجنة المحافظة بأن الشيء تم إعادته لأصله على خلاف الحقيقة وتم التعتيم على الموضوع وكأن شيئاً لم يكن.

• ومنذ ذلك التاريخ لم تكن عينات الصرف، مطابقة للقانون 48 لسنة 1982 المنظم لعمليات الصرف الصناعي على المجارى المائية ومع ذلك لم تتخذ إدارة الطب الوقائي أو وزارة الري أي إجراءات قانونية، حيث استمرت الشركة فى صرف المخلفات السرطانية ليتم ري الأراضي منها، والقضاء على الثروة السمكية ببحيرة المنزلة "مصب مصرف المنصورة" عن طريق بحر حادوس.

• طول هذه الفترة لم يصمت أهالي عزبة "شاوه" وغيرها من القرى المجاورة للمصنع والتى اضير أهلها من مخلفات "المنصورة للراتنجات", وفى يوم 25/10/2011 تقدم احد المشرفين بالمحطة بمذكرة رسمية إلى رئيس مجلس إدارة الشركة -الهندي- بمشاكل المحطة والمعالجة وخطرها على البيئة والصحة العامة للشعب المصري ومخالفتها للقانون 48 لسنة 1982 المعدل لسنة 94 المنظم لذلك بعد يأسه من إصلاح الأحوال نظرًا لتواطؤ كبار مسؤولى الطب الوقائي والمحافظة, فما كان من المستثمر الهندى الا ان فرض عليه إجازة إجبارية تخطت الشهرين، بل وقام بنقله الى وظيفة أخرى وينتظره الآن مصير مجهول.

• ولم يكن وحده الذى منحته الإدارة إجازة إجبارية، بل سبقه عدد من زملائه هم: المحاسب حافظ شكر الذي فصل تعسفيا من قبل وابراهيم الشامى الذي تم تحويله إلى القومسيون الطبى ومجدي معوض والكثير ممن اجبروا على تقديم استقالاتهم أو فصلوا تعسفيا أو تم تسهيل خروجهم عن طريق القمسيون الطبي لمجرد أنهم جهروا بالجريمة أو امتنعوا عن المشاركة بها.

كفاية لغاية هنا!!!، أدي ديل من ديول كتيرة لفساد نظام كامل!!!، يا ترى إيه هيا الحلول دلوقتي؟؟؟.
النظام كامل لازم يتحاكم!!!، كله مش حته منه!!!، و الأحكام لازم تكون رادعة، عشان يكونوا عبرة لأجيال!!!!.

إقرأ المزيد... Résuméabuiyad GRAKOLLO

تحية وتقدير للمجلس الاعلى للقوات المسلحة

عارف إن العنوان مستفز شوية!!!!، بس هعمل إيه ؟؟؟، طول مافيه ناس بالمنظر إلي هعرضه عليكم!!!!.

بصراحة مش عارف أقول إيه بالظبط؟؟؟، فيه ناس عندها إعتقاد إن الجيش هو المجلس العسكري، بمعنى إن لو المجلس العسكري سقط ، الجيش كله هيسقط معاه؟؟!!!.

زاي كده إن مصر هي مبارك و مبارك هو مصر، طيب بسقوط مبارك إيه إلي حصل مصر سقطت، لاء.

إنما مبارك لما سقط حب ياخد مصر معاه، الفرحة تملا قلبه لما يسمع مصايب و قتال، و يقول أنا كنت محافظ على البلد!!!!.

فعلاً حبه لمصر عاوز يبهدل مصر!!!، خلي بقى أطفال حسني مبارك المشردين ( محبي المخلوع )، يفرحوا على فرحه!!!.

و بعدين لو قيادة الجيش إتغيرت!!!، الجيش بيوقع، إمال فايدة التسلسل القيادي في الجيش إيه؟؟؟؟.

منعملها بقى مملكة و ننصب المجلس العسكري ملك دائم على المؤسسة العسكرية، و بلاها بقى نظام الترقيات!!!، و كل إلي عدى السن القانونية من كبار رجال الجيش نعينهم في المجلس الملكي!!!!.

أرجع تاني للي عاوز أقوله.

وجدت التعليق ده، ملحوظة إلي عنده الضغط ياخد الدوا الأول!!!.

بواسطة: تحية وتقدير للمجلس الاعلى للقوات المسلحة

بتاريخ: الأحد، 22 يناير 2012 - 15:42

تقييم اداء المجلس الاعلى للقوات المسلحة خلال المرحلة الانتقالية

انحاز المجلس الاعلى للقوات المسلحة للشعب وانعقدت اولى جلساته بدون رئيس الجمهورية وقتها لاول مرة وذلك فى يوم 30 يناير 2011

* اصدار اول بيان والذى تضمن تفهمه الكامل لمطالب الشعب المشروعه ، ثم اعلانه فى ثانى بياناته انه ليس بديلا عن الشرعيه

* الضغط على مبارك حتى اضطر للتنحى يوم 11-فبراير2011

 (ليا تعليق صغير على الحتة بتاعت الضغط، أحب أقتبص من قصة المناوي ، إن طنطاوي مكنش عاوز مبارك يتنحى، و أحب أقول إن كتاب المناوي يعتبر دليل، نظراً لأن المجلس العسكري مأصدرش أي نوع من البيانات لتكذيب الكتاب و الكاتب).

تشكل لجنة تعديل الدستور وطرح التعديلات فى استفتاء عام حر نزيه لم تشهده مصر من قبل وذلك لكى يختار الشعب بنفسه خارطة الطريق للانتقال الديمقراطى.

الالتزام بخارطه الطريق المستفتى عليها من الشعب وتعهده بأنجاز انتخابات مجلسى الشعب والشورى والرئاسة ثم تسليم الحكم لسلطة منتخبة فى موعد اقصاه يونيو 2012 واعترافة الكامل بشرعية الثورة المصرية واقرار يوم 25 يناير عيداً قومياً لها.

ثم تولى ادارة الشئون الداخليه والخارجية للبلاد خلال المرحلة الانتقالية وحقق مايحسب له على النحو التالى :

اولا: الجانب الامنى

• حل مباحث أمن الدولة.
• حل الحزب الوطنى.
• محاكمة مبارك وولدية والعادلى ومساعديه و كبار ضباط الداخلية المسئولين عن اطلاق النارعلي المتظاهرين فى سابقة هى الاول من نوعها فى العالم العربى.(المحاكمة الكوميدية ديه، تعتبر محاكمة؟؟؟).
• محاكمة كل رؤوس الفساد مثل عزمي و صفوت الشريف واحمد عز.
• القبض على اغلب المساجين الهاربين من سجون مصر اثناء الانفلات الامنى بعد ثورة 25 يناير واعادتهم اليها.
• القيض على ما يقرب 47 ظابط من امن الدولة والمباحث المتهمين بقتل الثوار ومحاكمتهم.
• القبض على الجاسوس الاسرائيلى ايلان جرابيل ومبادلتة بـ 25 سجين مصرى فى السجون الاسرائيلية.
• القبض على جاسوس الاتصالات الاردنى بشار أبو زيد وتقديمة للمحاكمة.
• تحقيق انجاز قوى بأتمام صفقة الجندى الاسرائيلى جلعاد شاليط وتحرير 1027 اسير فلسطينى فى السجون الاسرائيلية هذه "الاتفاقية عزعن تحقيقها كل الرؤساء والحكام العرب".

• جعل جهاز امن الدولة جهاز لمكافحة الارهاب فقط.
• بدء عودة الشرطة الى الشارع المصرى بعد غياب كامل لها.
• عوده مئه الف مصرى كان لاجئ بليبيا عن طريق الطيران و السفن بتنسيق مشترك مع السلطات الليبية والتونسية.

ثانيا: الجانب الاقتصادية

• بمراجعة جميع عقود تصدير وبيع الغاز الطبيعي الي اسرائيل.
• مراجعة عقود بيع شركات طنطا للكتان والزيوت والنصر للمراجل البخارية وغيرها.
• أصدار مرسوم بقانون رقم 102لسنة 2011 الخاص وينص على تعديل العلاوة الاجتماعية لأصحاب المعاشات والمستحقين عنهم لتكون 30% من الأجر الأساسي بدلا من 20% مع إلغاء الحد الأقصى الذي كان منصوص عليه.
• أصدار مرسوم ينص على إلغاء خضوع الأجور المتغيرة للموظفين للضريبة العامة. الاكتفاء بفرض الضريبة العامة بواقع 3 شرائح وفقاً لمستوي الدخل.
• اصدار مرسوم بقانون يحمل رقم 125 لسنة 2011 بشأن تعديل بعض أحكام قانون البنك المركزى والجهاز المصرفى وتضمن التعديل وضع ضوابط لمنع تعارض مصالح أعضاء مجلس الادارة بما يضمن حيدتهم واستقلاله.
• ارسال وفد الي الدول الافريقية و أثيوبيا للتفاوض حول مشكلة مياة النيل.
• انشاء ديوان للمظالم في رئاسة الوزراء لتحجيم المطالب الفئوية و محاولة حلها.
• صرف مستحقات الدعم المادى لأسر شهداء ومصابى الثورة وعلاجهم على نفقة الدولة بالمستشفيات العسكرية وخارج البلاد اذا اقتضى الامر.
• القيام بمساعي عديدة حول مشاكل سكان النوبة ووافق علي منح 4000 عقد تمليك للمُستحقين من أهالى النوبه فى مشروع خزان أسوان.
• عمل لجنة لحصر العائدين من ليبيا و محاولة مساعدتهم و توفير فرص عمل لهم.
• تثبيت المدرسين الذين خاضو امتحان الكادر.
• وزيادة مرتبات الاطباء الى 1300 جنيه.
• تخصيص مساحة 21 مليون متر مربع للمستثمرين الجادين فى مشروع تنمية شمال غرب قناة السويس.
• الاستعداد لطرح 1850 قطعة ارض فى مدينة 6 أكتوبر للسكن العائلى وبنظام القرعة.
• استكمال اجراءات تحويل جامعة النيل لجامعة أهلية لضمان حق الشعب.

ثالثا: الجانب السياسى

• أسقاط دستور.71
• حل مجلسى الشعب والشورى.
• حل الحزب الوطني و استرداد امواله وتسليم جميع المقرات التابعة له للدولة.
• حل المحليات على مستوى الجمهورية.
• اقالة معظم المحافظين القدامي و المجالس المحلية.
• اخلاء سبيل كل المعتقلين السياسيين تقريبا.
• اصدار مرسوم بقانون العزل السياسى موضحا أنه تم تغيير مسمى"الغدر" إلى "إفساد الحياة السياسية"، حتى يتناسب المسمى مع المرحلة الراهنة، حيث كان قانون الغدر قد صدر عقب ثورة .1952
• قانون جديد للأحزاب دون قيد أو شرط لتأسيس أحزاب بالأخطار على مختلف عقائدها وأتجاهاتها السياسية والدينية.
• اقالة اغلب رؤساء الجامعات وتعينهم بالانتخابات.
• اقالة جميع روساء مجالس أدارة الصحف والمجلات القومية التابعين للنظام السابق.
• النجاح فى اجراء اول انتخابات حرة ونزيهة فى مصر بمشاركة شعبية لم يسبق لها مثيل.
• ضمان حق التصويت للمصريين العاملين بالخارج ومحبوسين احتياطيا بالتصويت في كل من الانتخابات البرلمانية والرئاسية القادمة.
• تخصيص مكتب لشباب الثورة داخل مجلس رئاسة الوزراء للاستعانة بآراءهم فيما يخص مطالب الثورة.
• استحداث منصب نائب وزير الخارجية للشئون الإفريقية، لدعم توجهات السياسة المصرية مع الدول الافريقية.
• إنشاء أول نقابة للفلاحين فى مصر والمشاركة في افتتاح أول مؤتمر رسمي لها.

رابعاً: الجانب الاجتماعى

• اقرار قانون موحدا لبناء دور العبادة.
• اقر قانونا جديدا لمكافحة التمييز الطائفي.
• تشكيل لجنة "العدالة الوطنية بمجلس الوزراء" لصد محاولات الفتن الطائفية، والظلم الاجتماعي بكافة اشكاله، ورسم خريطة للمشاكل والقضايا المتعلقة بهذا الملف واقتراح الحلول الفعالة وسرعة تنفيذها.
• فتح التحقيقات في حوادث كنيسة القديسين بالاسكندرية وكنيسة صول بأطفيح واحداث منشأة ناصر وأحداث أبى قرقاص، وامبابة واعلان النتائج للرأي العام.
• الاستجابة لطلبات فتح الكنائس المغلقة.
• ترميم كنيسة العذراء بامبابة واعادتها لحالتها قبل الاحداث وبناء مطرانية مغاغة والعدوة بالمنيا، استجابة لطلبات ابناء المحافظة.
• منع التظاهر او التجمهر امام دور العبادة وتفعيل القوانين التى تحظر استخدام الدعاية الدينية في الانتخابات او العمل الحزبي.
• أطلاق حرية أصدار الفضائيات والصحف والمجلات دون قيد أو شرط.

مصر أمانة فحافظوا عليها

"لا للتخريب".

ده كان نص تعليق أحد القراء في صحيفة على الويب، طبعاً صاحب التعليق راجل وطني بيحب مصر، و بيحب المجلس العسكري و قعد طول الليل يكتب التقرير ده و ينشره؟؟؟، و لا تقرير مطبوع و تم النسخ؟؟؟، و لا مواطن مصري عسكري مأمور بوضع رأيه بدون أي ضغوط؟؟؟.

عن نفسي بقول إن الكلام ده كله كلام فاضي، كلام مكتوب على الورق، نفس نظام مبارك في الخطب، سوف و سوف ..... و إلخ.

أحب أضيف حاجة، يا سيدي العزيز للمرة التانية، لو المجلس العسكري غار في داهية، فيه ناس عسكريين أشد وطنية من طنطاوي و الفريق بتاعه!!!.

كلهم مواليين لمبارك، و أقسموا الولاء ليه، متنساش كام مرة المشير حلف اليمين على إيد حسني مبارك!!!، و لو مكانش موالي لمبارك كان زمانه مشى من زمان ، و الأمثلة على الناس إلي مشاهم مبارك في عهده من العسكريين كتير، و السبب كان عدم ولائهم لمبارك!!!.

و فيه حاجة كمان، مش معنى إن نظام مبارك مشى إن كل حاجة بقيت تمام، لاء!!!.

بس نظام مبارك عامل زاي الراس للجسم، نقطع الراس و بعدين نتسلى بقى على الجسم، و نفصصه واحدة واحدة.

نظام مبارك نظام مبني على التأمر و الخداع!!!، و ديه سياسة المجلس العسكري!!!.

يا ريت كان بدل مايكتب المقال ده كله في محاسن المجلس العسكري ، كنت كتبت عن جمايل المجلس العسكري على الشعب المصري، من إهانة، قتل، تعذيب، بلطجة و إجرام!!!.

و بعدين كان فيه مقال لأحد شيوخ القانون أعتذر لعدم تذكر إسمه، إن المشير كوزير للدفاع مستقيل مع وزارة شفيق!!!.

و لما جه عصام شرف، معينش طنطاوي كوزير للدفاع، يعني رئاسته للمجلس العسكري باطلة!!!!.

يعني كل ده نصب في نصب، و سياسة الخداع موجودة زاي ماهي!!!!.

إقرأ المزيد... Résuméabuiyad GRAKOLLO

الرئيس المخلوع الفريق حسني مبارك

طبعاً العبقري فريد الديب، و هو ثعلب في القانون، وصل لمراحل قوية جداً في القانون، ممكن أشبهه بعادل إمام في فيلم (طيور الظلام) ، و طبعاً لو العيلة المباركية تشك و لو للحظة إنه مش قد القضية مكانش أخدها، كانوا إعتمدوا على محامي تاني.

بعدين مننساش إن مبارك ليه فضل كبير على عيلة الديب، من أشهر العائلات.

المهم فريد الديب واثق من البراءة لمبارك و عيلته و الفريق إلي معاه، أهوه فصص القانون، و إبتدت الثغرات تطلع.

الرئيس المخلوع، هيصبح الرئيس المخلوع الفريق/ حسني مبارك، و طبعاً طلب المحاكمة العسكرية أصبح واجب، يعني اللعبة كلها إتنقلت لإيد المشير.

حتى لو إفترضنا إن القضاء العسكري ده شريف، إفتراض، تفتكروا في الحياة العسكرية إلي كلها أوامر من القيادة إلى الأقل و هكذا، مبارك هيتحاكم محاكمة عادلة ترضي شعب إطحن 30 سنة؟؟، أشك!!، المشير برضوه لحم كتافه من مبارك، حتى لو المفروض عليه يحاكمه، مطالب برضوه يلاقي مخرج ليه.

حتى سامي عنان، إلي على كتافه من خير مبارك، كل المجلس العسكري إلي على كتافهم من خير مبارك.

و لما الناس أو القانونيون إبتدوا في حالة الهيجان ، و طبعاً المجلس العسكري راح طالع بتصريح غريب، إن مبارك معزول من رتبته العسكرية بمجرد التنحي!!!!، و ده غريب، يعني ممكن يكون فريق سابق، أو فريق على المعاش!!!، المهم راح الديب طلع بفتوة قانونية جديدة، إن المسؤول عن محاكمة حسني مبارك مجلس الشعب!!!!.

الديب ماشي ( ياما في الجراب يا حاوي!!!).

عجبني جداً ماكتبته جريدة الوفد بخصوص بلال فضل:

شبه الكاتب الصحفى بلال فضل فريد الديب محامى الرئيس المخلوع حسنى مبارك بـ"الصرصار العبيط" الذى يدافع من أجل الحصول على أتعاب مرافعته فقط .

وقال فضل عبر تغريدته على موقع التواصل الاجتماعي "تويتر": "من صرصار الليل العبيط إلى نسر الجو الجريح يارب تكون المرافعة عجبتك عشان محتاج دفعة من الأتعاب".

كما شبه فضل طلب الديب ببراءة مبارك وادعائه بأن الرئيس المخلوع مازال رئيسا لمصر بمحامى فتاة ليل يدعى فى مرافعته أنها رمز العفة والطهر، مؤكدا أن جرائم مبارك محفورة على أجساد ملايين المصريين وإنها ستظل تطارده للأبد.

وقال: "هى لو فتاة ليل جابت محامى وقال فى مرافعته إنها ست الطهر والعفاف هتبقى كده .. جرائم مبارك محفورة على أجساد الملايين وتسكن واقعهم وستطارده للابد".


و إبتدينا حاجة جديدة ، إن مبارك معرض لعمليات إغتيال، قال عشان تتهز الثقة العالمية في المجلس العسكري، يا سلام؟؟؟.

طيب ماهو أيام لما كان رئيس كان معرض لعمليات إغتيال، إيه الجديد؟؟؟، لاء الجديد إزاي نقنع الناس إن الحراسة إلي حوالين مبارك زاي مايكون رئيس الجمهورية، مش رئيس مخلوع تحت الإقامة الجبرية لحين محاكمته!!.

لو حد لاحظ أخبار وصوله أو نقله من المحاكمة، هنلاقي نفس طقم الحراسة أيام لما كان رئيس!!!، نفس الحارس الخاص و نفس أفراد التأمين.

مش بعيد بقى إن سوزان مبارك لما بتنزل الشارع عشان قال إيه تزور عيالها ، يقفلوا الشوارع زاي زمان!!!.

حتى كان فيه خبر كوميدي، إن سوزان مبارك إتعاركت مع أفراد من الحراسة على باب الفيلا ، لإنهم مقاموش على حيلهم و هي داخلة!!!.

كل ده كلام جرايد، مفيش أي حاجة تثبت العكس، أو تثبت صحته، ، و حتى لو الكلام صح و إن سوزان فقدت كل قوتها و حراستها، معني مش مصدق الكلام ده، إيه مفيش أي منظمة عاوزة تغتالها هي كمان، مش بعيد تطلع علينا الأخبار بعد كده و تقول( تم تشديد الحراسة على سوزان ، لأن أجهزة الأمن إكتشفت محاولات إغتيال من جهات عديدة، خاصةً منظمة الإيد الخفية، و الحراسة الأن من أقوى الحراسات التي شهدها التاريخ ، و هو المعروف أمنياً بتقليل درجة الوصول للهدف بنسبة مية في المية)، و عجبي!!!.

يعني مبارك بنسبة تسعين في المية إنما سوزان بنسبة مية في المية!!!، أهم من مبارك، لاء و العجب إن جمال و علاء عينهم إتغرقت بالدموع لما جابت النيابة سيرة سوزان، ماشي إمهم معاهم حق، بس هما ميعرفوش إن إمهم ملت عيون ناس تانية كتير بالدموع و الدم كمان، عشان هرست أعراضهم، حطمت أجسامهم، قتلت كرامتهم!!!، إيه ؟؟؟، خلاص بقت بريئة قوي دلوقتي.

ده مش بعيد بقى ، إن مبارك يلطم لما إتجابت سيرة مراته!!!.

المهم نرجع للموضوع الأصلي ، بتاع سيادة الفريق، هو رأي و ليس إلا، إحنا ممكن نأجل محاكمة مبارك لغاية لما يتوضع دستور جديد للبلد، أو يتم إنتخاب رئيس جمهورية.

منها هنقدر نقفل ثغرات فريد الديب، و منها هنقدر نحاكمه فعلاً عن كل حاجة!!!، متنسوش إن فيه قضايا كتير هو مشترك فيها و لا إتجاب سيرتها.

و بعدين منين تعزل عضو مجلس شعب عشان حامل لجنسية إخرى، و إنت كرئيس جمهورية و عيلتك حاملين لجنسية إخرى، فين القضية ديه؟؟؟.

سؤال بسيط ، لو فيه حرب بين مصر و إنجلترا، ولاد الريس هيكونوا في أنهيه جيش؟؟؟.

وزرا كتير إسمهم مصري، لكن جوزات سفرهم أجنبية، مين المسؤول عن إختيارهم؟؟؟.

لو قلنا رئيس الوزرا، طيب لما الوزرا بيحلفوا اليمين قدامك، مكانش فيه أي تقارير أمنية قبل الحلفان على مكتبك؟؟؟.

و قضايا كتير من فساد و عمولات و رشاوي و …. إلخ.

بعدين فكرة أو رأي تاني، لو خلينا رئيس الوزرا بالإنتخاب، و كذلك المحافظين، مش ده هيكون أحسن، و يكون منصب رئيس الجمهورية منصب شرفي، زاي دول كتيرة عاملة كده، و أهوه لسه الدستور هيتحط يعني ممكن نعمل التعديل ده؟؟؟.

كلها أراء، بس ممكن تتحقق لو إحنا إلي عاوزين ده، أه أنا عن نفسي رافض فكرة الخروج الأمن للمجلس العسكري، مبارك إبتدا بالقتل و هما جم كملوا نفس الطريق، بقى نمسك مبارك و نسيب تلامذته، مش المفروض كلهم يشرفوا مع بعض؟؟؟.

و بعدين إلي بيطالب إن عمرسليمان يكون رئيس الجمهورية من حقهم، بس فيه حتة كده نسيتوها و هتكلم عليها بإذن الله بإستفاضة!!!، هو عمر سليمان مش مسؤول برضوه على ملف تعذيب المعتقلين ولا إيه؟؟؟، مش كان فيه تعاون بين جهاز المخابرات الأمريكية و المصرية في عمليات التحقيق و الخطف و الإعتقال؟؟؟.

طيب واحد كان مسؤول عن التعذيب، الإعتقال و القتل أكرمه و أخليه رئيس جمهورية ، و لا أكرمه و أخليه مع الفريق مبارك في الحبس؟؟؟.

ياريت نفكر كويس، عشان الرئيس المخلوع الفريق/ حسني مبارك ناوي يدي 80 مليون بني أدم على قفاهم و بالقانون، يا بلد من غير أي قانون غير قانون الغاب!!!.

إقرأ المزيد... Résuméabuiyad GRAKOLLO

قانون الطواريء و أخرتها

من ساعة لما المشير طلع علينا بهديته لثورة 25 يناير ، بإلغاءه قانون الطواريء و إنه يقتصر على البلطجة!!!، و أنا بصراحة بكلم نفسي.

هما هيلغوا قانون الطواريء مع قيام الساعة؟؟؟، الخوف إن قانون الطواريء يتحول لما يشبه الأميبا، و يبقى إلي نهاية الحياة و العالم، و شكله كده ناوي على البقاء حتى بعد فناء الإنسانية!!!.

قانون من أبو ديل!!!.

و شكله كده هيتطبق على أعمال البلطجة إلي بتم في ميدان التحرير، و أي مظاهرة هتم!!!، ببساطة الجيش معتبر الناس كلها بلطجية.

كل شوية يطلعوا بكلمة جميلة جداً، شباب 25 يناير مش هما إلي في التحرير دلوقتي!!!، فعلاً أنا مع الجملة ديه، شباب 25 يناير رحلوا للمريخ و تم مبادلتهم بعناصر مخربة من الفضاء!!!!.

و إنضم للبلطجة حالياً، عناصر نسائية، بس للأسف عناصر نسائية غير مدربة على أعمال البلطجة الصح، فعشان كده بينزلوا تحت جزم العساكر، و من كتر الحر تحت الجزم، بيقلعوا هدومهم، حر حر...!!!!!.

بس مسيرهم هياخدوا خبرة، إمتى مش عارف!!!!.

و ياريت مع الخبرة، حد يتبرع ببدل حديدية زاي بتاعت فرسان العهود القديمة، عشان تبقى سهلة القلع!!!.

المجلس العسكري في الفترة إلي فاتت ، أثبت أحسن مثال في قبول الرأي الأخر!!!!، " تناقشني، أناقشك....، تخالفني، أقتلك....!!".

المجلس العسكري تلميذ مبارك المخلوع ، مبدع في إنتهاج نفس الطريق، أنا عاطل، مراتي عاطلة و أولادي عاطلون، إنما الأسانسير شغال!!!، مش مشكلتهم إيه المشاكل، مشكلتم إزاي تتكلم على أسيادك، إزاي أشغلك بحاجة و أنا بعمل حاجة تانية.

ترفع إيدك عشان تعترض، تلاقي واحد بيرغمك و يقولك " نزل إيدك يا جدع إنت!!!"، شعار المجلس العسكري الحالي" إحنا بتوع فتح مطاوي، إنما أمخاخ لاء...!!!".

تيجي تفهم المجلس العسكري إن عنوان إلي حصل في 25 يناير كان إسمه " ثورة"، يرد عليك بمنتهى البساطة " خليك في عنوان بيتكوا...!!".

قعدنا 30 سنة معترضين على قانون الطواريء، طلع علينا المخلوع و قال " قانون الطواريء هيطبق على الإرهاب بس...!!".

و بعد كده إتضح إن الشعب كله إرهابيين!!!!.

طلع علينا المشير و قال " قانون الطواريء هيطبق على الأعمال التي تتسم بلبلطجة...".

و بعد كده إتضح إن الشعب كله بلطجية!!!.

بصراحة مش عارف مال قانون الطواريء و مالنا، و أخرتها معاه إيه؟؟؟.

إقرأ المزيد... Résuméabuiyad GRAKOLLO