طلع و بيطلع السادة النجوم و الفنانين مش كلهم طبعا بس جزء كبير منهم ، عن نفسي قسمتهم تلات مجموعات ، مجموعة منهم طالع يشكر في مبارك و مبارك عمل للبلد . هقف عند نقطة عمل للبلد ديه ، نقطة بجد تجيب النقطة ، عمل إيه بقى يا شطار ، عمل جهل و تخلف ، عمل إن إحنا لسه بنكافح محو الإمية و اليابان إحتفلت بمحو إمية أخر مواطن ياباني في الكمبيوتر !!! و لا أجمل عمل ليه إنه خلاكوا بني أدمين هو و وزير الإعلام السابق الشهير بالقواد و رئيس مجلس الشورى الحالي ذفوووت المش شريف !!! شكل كده الفنانات المحترمات و الفنانين المحترمين من عهد المش شريف لسه شيلين الجمايل بتاعته عليهم .
مش مشكلة طمر فيكم الجميل ، بس برضه الناس هيا إلي خلتكم نجوم ، الناس هي إلي بتتفرج على التليفزيون و السينما مش مبارك بس و لا إنتوا فاكرين إن الشعب هو مبارك بس ، أوك مفيش مشكلة خلي مبارك ينفعكوا ، شكلكوا كده عاوزين نصيب في الجنينة الواسعة إلي إسمها إيه ؟؟؟؟ ياااه الذهايمر ده مودي الواحد في داهية أه أه إفتكرت مزبلة التاريخ ، جميلة وواسعة و هواها مش عاوز أقولكم ، برضوه حق من حقوقكم مقدرش أعارض فيها .
طيب ديه مجموعة من النجوم ، مجموعة تانية ممكن أطلق عليها مجموعة النهنهة ، بمعنى تطلع على الشاشة إلي إتعودوا عليها يفضل يعييط و إزاي ؟؟ و مبارك ده حلو ، مبارك ده جميل ، مبارك تلبسه في الشمال يطلع في اليمين !!! مش عارف ساعات الممثليين دول بينسوا حاجة و هما بيمثلوا في التليفزيون أو السينما برضوه مشاهد النهنهة ديه عارفنها إنها تمثيل !!! طيب السؤال إيه المانع إن النهنهة ديه تمثيل برضوه ؟؟؟؟ مش عارف !!! و برضوه كلمة تانية ذهقت بجد منها قمة الملل و النفخ كمان حاجة تورم إلي ..... ( هوا يصح نقول للسيد الرئيس إمشي ده أبونا !!!!!!!!!!!! ) نعم ؟؟؟ مين ؟؟؟؟ طيب أنا عارف أبويا إذا كان الأفاضل الممثلين مش عارفين مين أبوهم ديه مشكلتهم ، و أنا عن نفسي مش عاوز و بطرد الرئيس و أم الرئيس كمان إيه المشكلة ؟؟؟ يعني الممثلين الفاضلين دول لو جالهم واحد غتت و بارد و بايخ و مالهوش أي لزمة مش هيطردوه من مكانهم ؟؟؟ ، طيب ديه بلدي و ده نفس الشخص البارد و بطرده من البلد إيه الفرق ؟؟؟؟ مش عارف برضوه ؟؟؟؟؟.
أما المجموعة التالتة و ديه بقى مجموعة مش عارف لها مسمى ممكن أسميها مجموعة إلي متتسماش أه أحسن ، يطلع برضوه على الشاشة و يفضل بقى يدي من مواعظ و المفروض و ميمنعش شوية نرفزة و قلة أدب ، و ديه إسمحولي أكون يعني مش مختار كلامي معاهم شوية ، روح يا روح خلتك إتعلم الأدب الأول و بعد كده تعالى و علمني الأدب ، روح إقضي على الأفلام ............ و إتعلم متشربش الحاجات الوحشة و بعد كده تعالى علمني الدين و الأدب و محو الإمية كمان .
نفسي بجد الناس ديه تعرف إن الناس في مصر عارفة مصايبهم و قلة أدبهم و ميولهم و كل حاجة تقريبا و مش كل حاجة بتكون إشاعات و بصراحة المجموعات التلاتة ديه عندها حجز فاخر في إم الجنينة الواسعة ( مزبلة التاريخ ) أه و ممكن برج القاهرة كمان !!!!!