بس دلوقتي الموضوع إختلف ، هوا إيه إلي بيحصل ؟ كلام مبهم ، صح ؟ .
أفهمكم أول لما إبتديت الثورة الجميلة ديه ، كانت رائعة ، تكاتف ، إيد واحدة ، حاجة بصراحة محصلتش و معتقدش إنها ممكن تحصل في أي مكان تاني أصلاً. فعلاً إلي شاف إلي حصل ده يقول فعلاً إنت في مصر المدنية .
صورة جميلة جداً ، و مفيش حد ساعتها كان يقدر يقول أنا إلي عملت الثورة ديه ، لا يمكن ( إيد لوحدها لا يمكن تسقف ) ، الناس إتضربت مع بعض ، أكلت مع بعض ( كنتاكي الفظيع ) ، ناموا في الشارع و حققوا الحلم بتاعنا كلنا .
الصنم إتنحى
بعد المقدمة الطويلة ديه ، هوصل أخيراً للي عاوزه ، إبتدينا الكلام عن الخيانة تانييييييييييييييييي ، رجعنا لنفس النقطة ، الأجندات الخارجية و الداخلية ، أمريكا و إسرائيل و مش عارف مين باعت جواسيس و عملا .
و بعدين هو إسلوب مبارك الفاشل بتاع ال30 سنة ، هيفضل عايش فينا ، سياسة التخوين و الخيانة ، الظاهر واخدنها إبر أو تطعيم لتزويدها مش مضاد ليها .
أنا مبدافعش عن شخص معين ، أنا بتكلم إني فرحت إن لأول مرة نتفق على حاجة ، و نبقى إيد واحدة فعلاً ، مفيش فرق في طبقات و لا ألوان و لا جنس و لا دين ، و حققنا مع بعض حاجات كتيرة حلوة ، عاملين دلوقتي زاي الطباخ إلي عمل أكله تحفة و راح جايب شوية تراب و بوظ الأكلة التحفة ، و مع التخوين إبتديت الناس الحلوة تظهر ، و أجمل حاجة مشتركة بيقولوها إحنا بنشكر الشباب العظيم إلي إلي ......إلخ ، و يفضل يتكلم و يقول و يعيد و في الأخر عاوزين إيه ؟؟ ، هما عاوزين الزعامة و الريادة ، يعني بعد كل إلي عملتوه مع بعض في إتحادكوا تسيبوه يروح قدامكم ، تتخلوا عنه بسهولة كده لناس ملهاش أي لازمة و كل ده ليه ؟؟؟ ، عشان مش عارف مين راح فين ؟؟؟ و هوا يبقى مين ؟؟؟ و هيا تبقى مين؟؟؟ و مش عارف مين ؟؟؟.
أهوه عاوزين الصراحة مع التفرقة ديه قدام كل العالم إلي أنبهر بلي حصل ، يرجعوا يقولوا الشباب المعجزة هوا إلي نفذ ( أجندة ) المتسلقين، بتوع إطبخ الطبخة بعد ما إستويت ، بقى ده يرضي حد منكم ؟؟؟.
تخلصونا من متسلقين ، ترجعولنا المتسلقين بوجه جديد و واجهة جديدة ؟؟. كانت البداية فعلاً جميلة جداً ، بس النهاية ....؟؟؟؟؟؟؟؟؟؟؟؟؟؟.