موضوع التعصب الأعمى!!!!.
طبعاً دلوقتي الإخوان المسلمين حلوين ، و بعاد كل البعد عن مشاكل الفتنة الطائفية المسمى الحديث للتعصب الديني!.
معن المعروف كويس جداً إن السلفيين ... أو .... أو..، من أفرع الإخوان المسلمين.
مش مشكلتي دلوقتي تعدد الأفرع ، و لكن يقال إن المستفيد الأكبر هي إيران و ده مش مستبعد على أي حال ، خاصةً و هي عاوزة تعمل مد للثورات الإسلامية ، و ديه مشكلة كبيرة حاولة السعودية كتير جداً الوقوف ضدها.
و الإخوان معروف عنهم اللعب على كل الحبال المتاحة و غير المتاحة.
سيبك دلوقتي من الإخوان و إيران و الإستفادة ، خلينا في المشكلة الفعلية ، غسيل المخ إلي الناس فيه.
التعصب ، ياسلام الواحد دلوقتي بقى بيسمع حاجات فظيعة ، مش عارف مين راح هد كنيسة ، شوية ناس أقل ما يقال عليهم جهلة أقامت الحد !!!.
ينفع حد يقولي مين شوية الجهلة إلي بيقوموا بتنفيذ حد الله ، و مين عطالهم السلطة ديه ؟؟؟.
أحب أقولهم درستوا إيه في الدين ؟؟؟، و لا تعرفوا عنه أي حاجة عشان تتطبقوا شرع الله على أي بني أدم مهماً كان.
مين فينا ميستحقش العقاب ؟؟ ، مين فينا مبيعملش إثم أو سيئة ؟؟.
عن نفسي لو جالي واحد يطبق شرع الله عليا من الجهلة و أصحاب السوابق دول يبقى نهار ........ إسود ، حتى بيوت الله مسلمتش من تطبيق شرع الله عليها ، و للأسف ده مش شرع الله ، ده شرع المسجلين خطر و البلطجية.
يبقى بعد كده المفروض أتديين و أعرف شوية في الدين ، و أمسك ذمام المنطقة إلي ساكن فيها ، و أطبق عليها شرعي الخاص في صورة تطبيق شرع الله!! ، و أقتل المسيحيين ، أقطع يد السارق ، أرجم الزاني و أخد النسوان سبايا بقى و لا إيه ؟؟؟ ، مين فيكم يرضى بكده ؟؟؟.
و كل شوية يطلع واحد من الشيوخ ، و يقول المسيحيين لازم نحافظ عليهم و نحميهم !!!!.
أقولهم إنتوا بتحافظوا عليهم عشان تدبحوهم لا أكتر و لا أقل.
أمال لما تنشأ الدولة الإسلامية ، هتعملوا فيهم إيه تاني ؟؟؟.
هتعملولهم محارق ؟؟؟ ، و لا هتشربوا الأرض دمهم ؟؟.
إمتى هتعرفوا قيمة النفس البشرية إلي ربنا خلقها ؟؟؟ ، إمتى هتعرفوا إن النفس غالية ؟؟؟.
و السؤال دلوقتي لما نخلص من المسيحيين ، البلد هتعيش في سلام و إخوة ؟؟؟.
و لا هيعملوا إيه شوية الجهلة إلي لا يعرفوا دين و لا يعرفوا أي حاجة غير التخلف العقلي.
إيه عاوزين إيه ؟؟؟ ، نرجع نعيش في خيام و نركب الحمار و لا إيه ؟؟؟.
بعدين ملفات إمراء الجماعات السلفية ، أغلبيتهم من المسجلين خطر غير التائبين ؟!؟!.
ميفهموش غير في نوع المطاوي ، الضرب ، علقة الموت و عمل العاهات ، من إمتى المسجل الخطر بيعرف في الدين ؟؟؟ ، من إمتى؟؟.
أهوه هو ده إلي ممكن أسميه مخطط داخلي لتخلف مصر ، أو مخطط تمشية البلد بظهرها.
عاوز بجد أعرف هو تنفيذ شرع الله أو حد الله في قطع الودان بيكون سببه إيه ؟؟؟، حط ودانه على حيطة غلط و لا إيه؟؟.
و برجع أقولها تاني ، أنا مش هكون أبداً تحت إيد واحد متخلف ، جاهل و مسجل ، يحكمني أو يطبق شرع أو حد الله علي ...... .
للأسف اليابان إحتفلت بمحو إمية أخر ياباني في الكمبيوتر ، و إحنا هنحتفل بميلاد دولة الخيام و الحمير!!!. و شكراً.
ملحوظة صغيرة جداً : أي تعليق مش مؤدب أو جارح ، إحتفظ بيه لنفسك ، ثانياً نفسي أعيش في بلد محترمة بتقدر الإنسان و حريته في التعبير و الحوار ، مش بتوع قلة الأدب و الدراع ، ممكن ؟؟.
