فلازم نقفل دستور الترقيع ده ، و نعمل دستور يتناسب مع الفترة إلي إحنا فيها و الفترة إلي هيعيش فيها أولادنا ، يبقى على الأقل فتحنا لجيل جاي ورانا مستقبل يشكورونا عليه بدل ما يدعوا علينا.
دستور يحدد صلاحيات الريس ، و بصراحة يا ريت نخلي منصب الريس شرفي ، و ننتخب رئيس الوزرا و الوزرا .
و بكده نحد من وجود أو خلق ديكتاتور جديد و نقول كمان وداعاً للتوريث .
مش كده أحسن و لا ؟؟؟؟.
فيه رأي بصراحة ضحكني جداً ، واحد هيروح يصوت و يقول أه و بيتمنى إن الأغلبية تقول لاء !!!.
و ناس تانية عاوزة تشوف قوة الإخوان المسلمين في كلمة موافقة على التعديلات ، رأي غريب بس عدوها .
المهم نشوف إيه إلي يناسبنا إحنا مش حد تاني ، بجد نفسي دستور ٧١ يختفي من الكون أجمع ، شارك بصوتك و قول لاء.