 |
| بحبها أعمل إيه |
و طبعاً قناة الجزيرة إلي بتنقل الحدث وقت حدوثه!!!، فضلت ساكتةةةةةةةةةة و لا كإن فيه حاجة حصلت(رابط)!!.
إنما في بلاد تانية زاي مصر، ليبيا أو تونس يا سلام على التغطية الإعلامية المميزة.
المهم ديه مش القصة، القصة إن أمير قطر إنقلب على أبوه، و بعد كده جه إبنه و إنقلب على الأمير الحالي بدعم من جده!!!.
و بعدين مراة الأمير الشيخة موزة ( إسم جميل الصراحة ) إلي هي مراة أبو الإبن إلي إنقلب على الأمير الحالي، إلي هو إنقلب على الأمير السابق، إلي يبقى.....!!!!.
أنا تهت.
المهم الشيخة موزة عملت لعبة الخداع في العيلة الحاكمة، و طبعاً أولادها هما إلي ماسكين زمام قطر بالكامل، و أي حد تاني عاوز يتخيل في حلمه إنه ممكن يدخل في التورتة يصبح من الأعداء و نهايته معروفة.
طلع أمير قطر بياخد حساب البترول، لحسابه الخاص!!( مش عارف القصة ديه متكررة )، إيه الجديد ماكل الحكام و عيالهم بياخدوا حاجة سواء بقى ملك، أمير أو رئيس حتى، كيكة البلد و لازم تتوزع، يعني تتوزع على الشعب؟؟؟،
ديه تبقى مهزلة!!.
المهم و ديه تالت مرة أقول المهم، طلع إن أمير قطر بيحط في جيبه ١٠ مليار دولار، ديه عائدات البترول، و الشعب و المؤسسات و الذي منه مابياخدش نسبة العشرين في المية من المبلغ ده، يعني حوالي ٢ مليار دولار و الباقي رايح في جيب الأمير.
طبعاً العروبة بتجري في دمي، قلت ده ظلم!!!.
إزاي ،،، جاتلي فكرة.
قناة الجزيرة القطرية(رابط) عملت معانا واجب أيام الثورة، و لازم نرد الواجب ده معاهم، إحنا ممكن نصدر الثورة المصرية لقطر، و نعمل
الثورة القطرية!!.
بس كان فيه مشكلة؟؟؟، عدد القطريين قليل، ممكن الأمن هناك يبيتهم في القسم!!!، فكرت في حل؟؟؟.
طيب مادام هنرد للجزيرة الواجب يبقى لازم نضيف حتة جدعنة زيادة،،،
إحنا نصدر الثورة و معاها الشعب كمان.
منه تخفيف الحمل عن القطريين، من ضرب ( ضرب الشرطة طبعاً(رابط) ).
إحنا عندنا خبرة كبيرة في التعامل مع كافة أصناف الشرطة، ( غاز، عصيان أو حتى كهربة ).
و السبب التاني توفير شغل للحد من البطالة!!!.
طبعاً تصدير الثورة ده عمل كبير.
و على ما أعتقد محتاج مراعاة و متابعة، لفترة طويلة و كله بثوابه ، قصدي و كله بحسابه!!!.