أنا أسف للكل ، طبعا مش معقول في وقت الفرحة يطلع واحد كده في النصف و يقول لاء لسه، فعشان كده بتأسف كنا بقلنا فترة بنقول يوم الحساب جاي و بقالنا فعلاً فترة طويلة بنردد الجملة ديه.
و النهاردة بس يوم الحساب إبتدا ، في وسط الفرحة محدش ينسى دم إخواتنا ، محدش ينسى كرامتنا ، محدش ينسى بهدلتنا ، لازم دلوقتي نبتدي يوم الحساب قبل ما الفرحة تنسينا حاجات كتيرة .
و فعلاً مطلب صغير أنا عارف إني نكرة للكل بس يمكن طلبي يوصل لحد و يسمعه ، بعد إذنكوا كلكم ياريت نرجع أشغالنا تاني و نمشي البلد و نقول للعالم كله إننا شعب قوي ، البلد دلوقتي أصبحت بتاعتنا إحنا ، إقتصادها ، خدماتها ، كل حاجة فيها بتاعتنا لينا ، و نرجع إقتصادها أحسن من الأول ، معاها ناخد حقنا و مننسهوش أبداً ، ده طلب صغير لو حد سمعه يقوله لغيره و شكراً ليكوا كلكم على كل حاجة حلوة إنتم عملتوها للبلد ديه من أصغركم لأكبركم .