الكلمة الإولى كانت في مقال في جرنال الوفد و كانت على ماأعتقد مع المستشار المسؤول عن محاكمة قتلة المحجوب ، الصحفي كان بيسأله مش عارف على إيه ، فكان رده إن بشار الأسد بيشوف فيه لو جمال مبارك مسك الحكم في مصر!!!!!، بصراحة عجبتني قوي الكلمة ديه ، جمال مبارك بقى في عقلنا دلوقتي أكتر من أبوه .......... .
ثانياً
برنامج على قناة إون تي في ، المذيعة كانت مستقبلة بطل من أبطال إكتوبر ، و قالت " إن النظام المصري السابق كان باني بينه و بين الناس حائط زاي خط بارليف بس مش من التراب و لكن من حديد .
النظام السابق كان مختصر حرب إكنوبر ، على نصر 73 ، و الضربة الجوية.". بصراحة كانت كلمة في الجون ، كل إلي حربوا في حرب إكتوبر كوم و مبارك بضربته الجوية كوم تاني ، يعني لو مكانش الناس فاكرة السادات ، كان إفتكس إن هو صاحب الحرب ديه و هو المسؤول عن غرفة العمليات زاي الصورة المزورة ، ماهو مكانش فيه حد من الشعب في غرفة العمليات غير مبارك .
ثالثاً
فيديو على اليوتيوب فيه تهديد بإقتحام الأديرة المسيحية ، و طبعاً الحجة تخليص السجناء من الأسر ، طيب يا فالحين ما هو بعد تسريب الخطة المهولة للإقتحام هيغيروا أماكن السجون ، و بعدين من إمتى أماكن العبادة بتبقى مخزن للأسلحة و السجون السرية ، طيب ماهو دير الأنبا بيشوي الجيش هجم عليه بالمدرعات عشان إعتدى على أرض الدولة !!!!، الرهبان مطلعوش المجنزرات إلي مخبينها ليه و هزموا الجيش ، إيه كانوا بيعملوا عملية تموين؟؟؟؟؟؟.
رابعاً
فيديو قديم على اليوتيوب للشيخ محمد حسان ، كان بيتكلم عن قرية صول على ما أعتقد ، و عن الممنوعات إلي هدوا عشانها الكنيسة ، إشي ملابس حريمي ، كتب شعوزة أه و كمان أعمال ( خلوها في سركم ) ، بقى بالذمة هو كان بيتكلم عن مكان عبادة ليه إحترامه ؟؟؟.
و لا بيهييس !!!!!، أه و على فكرة أنا عارف إن ليه مريدين كتير ، و طبعاً الكلام ده مش هيعجبهم ، فبقولهم مش مشكلة !!!.
خامساً
فيديو برضوه قديم على اليوتيوب ، يخص حبيب الكل الشيخ وجدي غنيم ، و هو بيتكلم عن تحدثه مع ضابط كبير في أمن الدولة ، و هو بيقوله عن سر خطير ( الأديرة فيها أسلحة !!!) ، طيب إزاي ؟؟؟، وجدي غنيم للذين لا يعرفوه من زمان جداً و هو مطارد من أمن الدولة ، الله يرحم لما كان بيجري من المخبرين في الشارع ، أصبح بعون الله كاتم أسرار ضباط أمن الدولة !!!!!، ياراجل إتقي ربنا ، أتمنى إن طاهر القويري يكون موجود و يطلع إلي عنده على وجدي غنيم ، أه طاهر القويري بتاع الشمعدان ، عنده حاجات حلوة جداً على وجدي غنيم ممكن يتعمل منها أفلام سينما!!!!.
و كفاية كده عشان الضغط عندي طلع خالص بصراحة ، إحنا بقينا عاملين زاي مواد الإستفتا بتاعت الدستور مرقعة ، قاعدين نرقع في حياتنا لغاية لما مش هنلاقي حاجة بعد كده نرقعها ، تخيل لما يكون واحد جاهل قوي ، يتحكم في واحد متعلم قوي تفتكر إيه إلي ممكن يحصل ؟؟؟!!!.