و ناس كتير من البلد الأجنبي ده شغال في ليبيا و بيتمتعوا بحقوق أحسن من أي عامل من دولة عربية أو أوروبية .
المهم كان البرنامج بيدور حوالين القذافي ، هل أنت مع إستمرار القذافي أو تنحيه ؟؟.
كانوا تلات أشخاص غير المذيع ، الأول قال إن القذافي لازم يستمر في الحكم !!! ، و هو عمل و سوى و إلى أخره ، شاكله واكل مع القذافي في طبق واحد ، و صاين العيش و الملح.
أما التاني كان مع تنحي القذافي و عنها قعد يلت و يتكلم و يعدد شوية و كان فاضل يلطم ، و شغال القذافي سنة مش عارف كام قتل مين و خفى مين.
جه دور الأخ التالت و ده قلت في عقل بالي واحد معاه و واحد عليه يبقى التالت هيبقى إيه ؟؟؟، خاصةً إنه أكتر واحد معووج فيهم و إبتدى بكلمة ظريفة جداً ؟؟؟، بديل القذافي أصبح موجود !!!، و مستعد لمسك ذمام الحكم في حالة إنتهاء عصر القذافي !!!، يا سلام و مالك ياعم الحج واثق من نفسك كده ليه ؟؟؟؟.
و الجميل أكتر في كلامه إن البديل ده أنشأ حالياً حكومة جاهزة للحكم بس فاضل القذافي يتكل !!، إمتى و فين ؟؟؟.
مفيش إجابة و لكن الإمور بتم بأسرع من أي تخيل ، و يقال حسب تحليلات الرجل ده ، إن البديل و حكومته وقعت زاي تعاقد إنها في حالة إستلامها لمقاليد السلطة ، هتدفع تمن الحملة العسكرية بالكامل !!!!، و ده طبعاً مش من جيوبهم ، من جيب شعب مقهور .
و طبعاً الترسانة العسكرية الغربية و العربية مش هتبخل بضرب مئات من الصواريخ المدفوعة التمن و المئات من الطلعات الجوية و البحرية كمان ، و إلي دفع تمنها مش البديل ، إلي دفعها شعب بيموت بيها.
و المشكلة فعلاً إن الراجل التالت ده يحسسك إنه هو إلي هيمسك الحكم ؟؟؟، أو يعرف الشخص البديل عن قرب.
و بجد مش عارف أقول إيه ، هو البديل و حكومته هتقود إيه بالظبط ؟؟؟، أكيد ليبيا ، بعد متدمروها هتقودوا فيها إيه ؟؟.
و بعدين إيه إلي ضمن البديل و حكومته إن ليبيا بلده متكونش زاي العراق ؟؟، تتدخل الدول الغربية و تقعد و تمدد كمان ، في حجة تقوية السلطة المفروضة و نشر الديمقراطية ؟؟؟؟.
و لا هتلم إلي فيها و تسيبها خربانة ؟؟؟، و إيه الفرق في الحالة ديه مابين البديل و القذافي ؟؟؟.
على إعتقادي أنا الجاهل مفيش أي فرق ، إلي راح زاي إلي جه!!!.
بس للأسف إحنا الشعوب على طول لعبة في إيد كام واحد يسموا السياسيين و مصلحتهم ، إلي دايماً عندهم البديل حتى ولو بالغصب و الدمار و الموت و الإحتلال .
بجد ربنا ينتقم من شوية السياسيين ، مغتصبي عقول البشر !!!.