مش عارف ليه الإخوة العرب بيحبوا يشتموا فينا كمصريين ، ( أوضح لبعض العقول الضيقة ، بعض العرب مش كلهم ، ماشي ).
أغلبية منهم كبيرة إلى حد ما ، سمعت شتايم بجد بودني من الإخوة العرب ، يلعن ديه إخوة !!!، و يتقال أصل مصارين البطن بتتعارك مع بعضها ، يبقى أخويا العربي ميتعاركش معايا!!!.
لا ياعم الحج ، ميتعاركش معايا ، إخوة في العروبة ليها حدود و لا إيه؟؟؟؟.
بعدين هما الإخوة دول بيشتموا ليه أصلاً ؟؟؟، طيب رئيس الدولة الحالي و السابق أي كان ، هو إلي بيعمل سياسته الداخلية و الخارجية، و أنا ماليش غير إني أحط الجزمة في بقي و أمشي حسب السياسة الموضوعة ، و قال يعني الدول العربية كلها بقيت فيها ديموقراطية؟!؟!؟!.
طيب السيد الرئيس المحبوب ، حط إيده في إيد إسرائيل أنا مالي ؟!؟!؟.
بيصدر غاز لإسرائيل أنا مالي ؟!؟!؟، قافل معبر رفح ؟!؟!؟، أنا مالي ؟!؟!؟، قفل البحر الأحمر ماليش دعوة ، لإن صوتي مكانش ليه ليه أي لازمة ، و معنديش إستعداد أخاف على العروبة ، و أقعد أعد الليالي في السجون الفاخرة بتاعتنا !!!، مايرضيش ده إخوتي في العروبة و لا إيه؟؟؟.
موقف أنا إتعرضتله شخصياً ، أخ فليسطيني أول ما عرف إني مصري ، يا سلام على الحفاوة في المعرفة ، بصراحة حسسني إني أنا سبب المشكلة الإسرائيلية الفليسطينية!!!.
و أكتر كلام كان متوجهلي كمصري ، إني بشحت من إسرئيل فلوس على حس القضية الفليسطينية.
موقف تاني ، من بعض الإخوة العراقيين المتضامنين مع الإخوة الفليسطينيين في موقفهم ضد الإحتلال الإسرائيلي ، و للأسف كنت مدعوا للمشاركة ، مفيش مشكلة لغاية دلوقتي ، بس يا ريت كملت من غير المشاكل ، إظاهر إن الإخوة العراقيين و الفليسطينيين نسوا إن المحتل إسرائيلي مش مصري !!!، و ماشيت بصراحة قبل مايشتركوا في محو المحتل المصري!!!.
طبعاً مش الكل كده ، أعرف إخوة عرب كتير عرضت عليهم أمثلة البهدلة ديه ، فكان ردهم إن الناس من الشكل ده عندهم خلل في المخ، إنما ردي عليهم لاء ، هما معندهمش خلل في المخ!!!، الخلل في الحكام العرب و في إعلامهم المسيطر عليه و الي ماشي حسب مخ الحاكم، هي ديه المشكلة الفعلية......... .