تشابه أسماء

السيناريو الذي دار بين الرئيس المخلوع مبارك واسرته في شرم الشيخ

سوزان: يا حسني لازم توقف «لولو» قصدها علاء عند حده.. ويبطل تريقة على اخوه جيمي ..

مبارك:حسني كده من غير ريس.. باين عليكي من الجماعة بتوع المعارضة.. وفيه حد قالي إنهم شافوكي في ميدان التحرير مع المتظاهرين..

سوزان: لأ لحد كده وكفاية.. ومقبلش حد يشكك في وطنيتي..
أنا صحيح رحت الميدان بس عشان أعرف إيه اللي بيجري..

مبارك: وإيه اللي جرى..

سوزان:كانوا بيقولوا الشعب يريد إسقاط النظام..

مبارك:الحمد لله مش اسمي النظام..

سوزان: وكانوا بيقولوا كمان «ارحل»..

مبارك: برضه مش اسمي «إرحل»..

سوزان: طيب إيه رأيك إنهم قالوا «يسقط يسقط حسني مبارك»..

مبارك: معقوله تشابه الأسماء

البشاير