٣ خطرين يسرقون ضابطين بالإكراه
( المصري اليوم )
زاي فيديو على اليوتيوب يوريك الكمين قبل ٢٥ يناير ، و الكمين بعد ٢٥ يناير مسخرة بجد.
بس لما ٣ بلطجية يسرقوا ظباط الشرطة ، إمال مين إلي بيحمي مصر دلوقتي بعد ربنا طبعاً؟؟.
يا إخوانا هو الخبر ظريف جداً ، بس مقلق جداً جداً.
طيب دول ظباط و معاهم سلاح و إتسرقوا!!!.
إمال البني أدم العادي ، الماشي في الشارع بيعملوا معاه إيه؟؟؟.
و الأطفال و الشباب إلي رايحة المدارس و الجامعات ؟؟.
الستات و الشابات إلي بينزلوا على الشغل أو السوق؟؟؟.
و ال ..... ال ...... إلخ.
بذمتكوا ديه حياة عادية و لا فيلم رعب يومي؟؟؟.
و بقيت أسمع كتير مقولة يوم من أيامك يا مبارك!!.
كنت بتسرق بس كان فيه شغل!!!.
كنت بتسرق بس كان فيه أمن!!!.
كنت بتسرق بس كانت العجلة شغالة!!!.
إمتى هنسكت الناس ديه ؟؟؟، مع النكت الظريفة إلي بتظهر اليومين دول!!!.