بصراحة إترددت جداً قبل ماأكتب الكلام ده ، بس بكلم نفسي بالكتابة شوية ، بصراحة مخي مشوش شوية مش عارف أرتبه و لا عارف أنا عاوز إيه.
بس كل إلي أنا عاوزه الإستقرار الطبيعي !!!، سنين و أنا بحاول أوصل لمفهوم الإستقرار ، و برضوه مش عارف يعني إيه إستقرار أصلاً.
بس أخيراً في الوقت الحالي لأول مرة أحس إني بني أدم عادي ، ليا مشاعر و ممكن أبادل مشاعر مع ناس مختلفة ، منن تفكير و ثقافة و لغة كمان.
بس للأسف البتاع المقرف إلي إسمه الخوف مسيطر على حياتي بالكامل ، يمكن بقى تعود ، أه بقيت متعود على الخوف ،و ممكن يكون إني خايف أخسر تاني ، ممكن ليه لاء!!!.
ماهوإلي إتلسع من الشوربة ينفخ في المية، و ده إلي ماشي بيه دلوقتي حتى في المشاعر العادية ، الله يسامحك ياإلي في بالي خلتني أنفخ في المية ، بقيت خايف أتلسع من المية !!!!!!!!!!.
أنا شكلي إتجننت خلاص ، و لا كنت مجنون و عقلت ؟؟؟؟؟؟؟؟؟؟؟؟، مش عارف ، مبقيتش عارف أي حاجة غير إني خايف.
طيب و الحل إيه ؟؟؟، المواجهه و بئس المصير ؟؟؟، بقالي كتير جداً كافي خيري شري و عايش في حالي ، لا عاوز أتكلم في حاجة و لا عاوز حد يكلمني في حاجة ، بس للأسف جه الوقت إلي مكنتش عاوزه ، وقت المصارحة بكل حاجة ، عشان مش عاوز أخسر تاني.
أهوه للأسف فكري مشوش بالمبهمات ديه و طبعاًغير مرتبة و غير كده مش عاوز أفكر فيييييييييييييها ، أو خايف أفكر فيها.
و ساعات كتيرة أقول لنفسي و طيب و إيه مشكلة المصارحة في كل حاجة ، أنا مكانش ليا ذنب ، أنا مالي بالي حصل ؟؟؟، و أرجع تاني و أقول بقى بعد كل السنين ديه أرجع و أفتح من أول و جديد ، و أعيد الموضوع تاني و العذاب تاني ، لا يا عم سيبك أنا مالي خليني في حالي أحسن ، عشان أنا عبارة عن حطام بني أدم ، معنديش أي إستعداد للمقاومة و فعلاً بقى أنا مالي !!!.