نشر اليوم السابع عنوان مهم جداً
ننشر تقرير جرد القصور الرئاسية بعد الانتهاء من فحصها.. التقرير يكشف
عن وجود ثانى أكبر نجفة فى العالم بمصر وترابيزة قمار كبيرة بقصر رأس
التين.. واللجنة تتوجه إلى قصر عابدين والمتاحف الملحقة به غدا
طبعاً كل حاجة بعد الجرد لبست مبارك و عيلته، أكيد!!!!.
انتهت لجنة جرد مقتنيات قصور رئاسة الجمهورية من جرد جميع مقتنيات وعُهد
قصور ومقرات واستراحات رئاسة الجمهورية وملحقاتها بمحافظات الإسكندرية
ومرسى مطروح والإسماعيلية والقليوبية وجنوب سيناء ومحافظة القاهرة عدا قصر
عابدين والمتاحف المحلقة به .
عندي هنا تعليق صغير، معلومة يمكن تكون غريبة على البعض، و مش غريبة على البعض الأخر، إستراحة برج العرب، مصيف رئيس الجمهورية المخلوع، ملك شخصي، و ليست من ممتلكات الشعب!!!!، تمام.
يعني تنضم للأموال المتحفظ عليها ، من ضمن ممتلكات المخلوع!!!!، بمعنى أصح ، كل حاجة موجودة جواها تنضم لقضية ثروات المخلوع، مش يضحكوا علينا و يقولوا أصلها حاجات ملك الشعب، لاء، إحنا نشوف ثروات الشعب كانت بتصرف إزاي للنزاهات الخاصة!!!!.
هناك عددا كبيرا من المقتنيات والعهد، كان يتم نقلها وتداولها بين القصور
الملكية والرئاسية بموجب مستندات واستمارات خصم، وإضافة من القصر المنقول
منه إلى القصر المنقول إليه .
طيب معلومة أجمل و صغيرة، فيه حاجات كتيرة جداً، كانت ناقصة في قصر راس التين!!!!، أيون، يعني أطقم الشاي و القهوة مثلاً، كان فيها نقص كبير، و يشهد على كده، ناس كبيرة في رياسة الجمهورية ، كانت بتدوخ على جمع شوية أطقم، عشان الإستقبالات إلي كانت بتم في قصر راس التين.
كشفت معاينة اللجنة لقصر رأس التين بالإسكندرية بجميع المقتنيات الخاصة
بالملك فاروق وفؤاد الأول، عن وجود ترابيزة قمار كبيرة وسرير مطعم بالذهب
وفى قصر رأس الطاهرة ترابيزة بلياردو هى الأولى على العالم، وذلك لأنها
مطعمة بأحجار كريمة ليس لها مثيل فى العالم، كما تبين وجود نجفة مطلية بماء
الذهب وهى ثانى أكبر نجفة فى العالم، حيث توجد نظيرتها الأولى فى إنجلترا
وهى توجد فى البهو المطل على بلكونة خاصة فى غرفة الملك فاروق.
طيب أنا عندي فكرة، ماتفتحوها كمتحف ، و خلي الناس تتفرج على أكبر، و أول ، .....، أصل إحنا في مصر بنمتاز دايما بكل جديد، يعني خلي الشعب يتفرج على الحاجات الغريبة، ده يا راجل فيه ناس متعرفش النجفة ديه يعني إيه، من كتر السهر على النجفة الإولى في العالم التي تعمل بالجاز!!!، خليهم يتفرجوا على الترابيزة العجيبة، للعبة الأغرب و هي البلياردو!!!!، بس مش ممكن تكون ترابيزة بوول، مش بلياردو!!!!، أصل اللجنة معندهاش فكرة في الألعاب المائية.
معاينة اللجنة للحرملك بقصر المنتزه بالإسكندرية والخاص بالملك فاروق
والملكة خديجة تبين وجود علبة سجائر من الذهب مكتوب عليها اسم الملك،
وتلسكوب خاص بالملك فاروق كان يستخدم فى صيد الغزلان، كما وجدت نياشين من
الذهب لتكريم الملك وجميعها أصلية ومطابقة لما هو موجود فى السجلات
والدفاتر.
أخيراً ظهر العدل، الكشوف الرئاسية لا تكدب!!!، يعني الكلام قبل كده، إن زكريا عزمي كان بيكتب الكشوف ديه على ورق جرايد، و محدش بيعرف الحاجات الإولى و الثمينة بتروح على فين؟؟؟، هو الكشوف ديه مش تناقض برده للي إتقال قبل كده!!!؟؟؟.
بس فيه حاجة، هو لو القصور و المتحف الرئاسية، مكانتش خاضعة لرياسة الجمهورية، و خاضعة لوزارة الأثار، كان هيبقى الإهتمام بيها كده؟؟؟، يعني كان هيبقى متحافظ عليها لغاية يومنا هذا؟!؟!، بلاش عندنا مثال رهيب لقمة العروض الأثرية، المتحف المصري!!!، روعة في العرض!!!، من كتر الحجارة ، أه ، قصدي الأثار، عينك بتتمتع بكل شيء جواه.
طيب إعمل زيارة لأي متحف غربي كده، و شوف قطعة الأثار، و هنا بنقول على عدد صغير جداً بلي موجود في المتحف المصري، تقف قدام حتة الأثار، و تتعجب هو الفراعنة عملوا الحتة ديه؟؟؟؟.
العرض، الإضاءة و التأمين الجيد للمتحف!!!!، طبعاً نروح للمتحف المصري، ممكن حاجات كتيرة أصلية أصبحت تقليد، و حاجات كتيرة موجودة في المخازن عشان مفيش مكان مناسب لعرضها، ده غير التالف منها!!!.
يذكر أن قصر عابدين يعد أن أكبر القصور الملكية التى تستغلها رئاسة
الجمهورية لاحتوائه على أكبر عدد من غرف والأجنحة والمقتنيات والعُهد
مقارنة بباقى القصور الملكية.
ماهو عشان هو أكبر القصور الملكية، فكان المقر الدائم، و المكتب الخاص بجمال مبارك، ملك ملوك مصر، و الوريث الشرعي للعرش!!!.
كان فيه قصة لذيذة أحب أقولهالكم، مرة واحد من العاملين في رياسة الجمهورية، بيتكلم مع ظابط مرور، بيعرفوا بنفسه إنه من موظفي رياسة الجمهورية، أصله كان واقف غلط!!!.
فرد عليه الظابط ، إن خاله بيشتغل في رياسة الجمهورية!!!، فطبعاً الموظف الرئاسي بكل فضول بيسأل؟؟؟.
كان رد الظابط لذيذ خالص ، "خالي يبقى الرجل التاني في مكتب جمال مبارك"؟؟؟، نعم؟؟؟، أه مش بيشتغل في قصر عابدين!!!.
يبقى في رياسة الجمهورية، رد عليه الموظف الرئاسي بكل عفوية، هو جمال مبارك بيشتغل كمان في رياسة الجمهورية؟؟؟؟.
ده كان قبل ما الناس تسمع عن موضوع التوريث بفترة مش قليلة، يعني التوريث ده كان من فترة طويلة قبل ما الناس تحس بيه!!.
بكامل تشكيلها البالغ عددها 50 عضواً.
لاء بجد لجنة كبيرة، طيب هي اللجنة بالحجم ده، كل إلي إكتشفته الكام حاجة المذكورة فوق؟؟؟، نجفة، ترابيزة و ...... مفيش إلخ!!!.
فين الحاجات التانية؟؟؟، إحنا عاوزين البهاريز!!!، فين أطقم الذهب، بتاعة الأكل مش اللبس!!!، فين مكتب فخامته؟؟؟.
طيب بلاش فين التليفزيون الفلات إلي كان فخامته بيتابع منه أحداث 25 يناير ؟؟؟، لسه موجود؟؟؟؟.
أصل التليفزيون ده ليه معزة عند كل مصري، أهو التليفزيون ده المفروض نعمله ميدان لواحده!!!، أيوة .
ده أول تليفزيون في مصر و العالم بيعمل بنظرية الفوتوشوب!!!.
