كان تعبان جداً مع المخلوع، شايله الشنطة و النظارة.
و كل شوية يسحبله الكرسي، و إلي يدي المخلوع هدية أو جواب، تلاقيه جرى و أخدها!!!، (مش في جيبه).
إيه نسيتوه أمين أول رياسة الجمهورية، أه ده المسمى الوظيفي بتاعه.
أشرف بكير، و كان جنب المنصب في الرياسة، كان ماسك إتحاد رفع الأثقال على ما أعتقد!!.
طيب بلاش ده سعيد زادة كبير أمناء رياسة الجمهورية، إلي كان بيحضر عن المخلوع أعياد الأقباط!!!.
الناس ديه فين من جهاز الكسب غير المشروع!!!!.
الإعلام و الكسب غير المشروع حدد المسؤولين في الرياسة بزكريا عزمي و جمال عبد العزيز و بس!!!!.
فين الباقي، هو يعني مدير مكتب المخلوع و رئيس ديوانه هما بس إلي ثروتهم إتضخمت، و هما بس إلي كانوا بيستغلوا النفوذ!!.
إيه دول كمان كان زكريا عزمي بيديهم بالشلوط زاي السواقين؟؟؟؟.
يا ريت الشفافية الثورية توصل كمان للناس دول، عشان ينالوا شرف البراءة هما كمان!!!!.
و الخبر ده منشور على المصري اليوم و فيه،
أمر المستشار عاصم الجوهرى، مساعد وزير العدل لجهاز الكسب غير المشروع، بمنع جمال عبدالعزيز، سكرتير عام رئيس الجمهورية السابق، وزوجته ماجدة عبدالفتاح البندارى من السفر، وذلك على خلفية التحقيقات التى يجريها الجهاز معه فى تضخم الثروات، بعد أن تلقى الجهاز تحريات الرقابة الإدارية ومباحث الأموال العامة عن ممتلكاته وثرواته، وتم إخطار جميع الجهات والموانئ والمطارات بقرار المنع من السفر، ويبدأ الجهاز التحقيقات معهما خلال أيام أمام المستشار بهاء دكرورى، رئيس هيئة الفحص والتحقيق.
ولا هيرجعوا بعض من الفلوس، و يروحوا على بيتهم!!!!.
ده غير مسؤولين كتير كانوا في الرياسة، و محدش يعرف عنهم أي حاجة!!!!.
رياسة الجمهورية كانت دولة كبيرة!!!، مش معقول التنقية جت على إتنين بس!!!.
إمال الباقي فين؟؟؟؟.