طبعاً مش بتكلم إن الشعب و الجيش إيد واحدة، ده طبيعي، هو الجيش مكون من مين؟؟؟، أخويا و أخوك.
إنما بتكلم عن وضع الجيش في الميزانية السرية، و مين ليه الإختصاص الوحيد بالرقابة على الميزانية السرية؟؟؟؟.
كل ده عبارة عن أسئلة ممكن يكون ليها إجابة، بس أغلبية الأسئلة ملهاش أي إجابة!!!!، و الرد بيكون الأمن القومي!!!.
ماشي مفيش مشكلة، بس كان فيه حاجة محيراني بالنسبة للمخلوع، يقال إن ثروته جاية من أرباح الميزانية السرية للجيش!!!!.
بعيد عن الفكر العسكري و الأمن القومي، الجيش ليه مشاريع خاصة، صح؟؟؟؟، حلو و يقال إن الجيش واخد 25% من إقتصاد مصر، كويس!!.
و طبعاً ده عشان يحقق إكتفاء ذاتي للتعلية من كفاءة الجيش دون الضغط على ميزانية الدولة، و طبعاً المعونات العسكرية المعلوم منها و السري منها.
طيب الأرباح للمشروعات ديه زاي أي منشأة إقتصادية بيتم توزيع الأرباح على مجلس الإدارة، إلي هو قواد الجيش معرفش مين بالضبط!!!، و لكن أكيد مبارك واحد من الناس ديه و بياخد أرباح!!!!.
ماهو لو عرفنا الميزانية، هنعرف الأرباح، و هنعرف أكتر فلوس مبارك و عيلته جاية منين و كام بالضبط، مش عايمة!!!.
غير كده المخابرات العامة برضوه ليها ميزانية سرية!!!، و ليها برضوه مشاريع إقتصادية!!!، مش جوه مصر بس لاء و براها كمان، مفيش مشكلة، طيب المخلوع برضوه كان ليه نصيب من أرباح المخابرات؟؟؟؟.
إلي عجبني في مذكرة البسطاويسي للجيش
إنشاء مجلس دفاع وطنى؟؟؟؟ برئاسة رئيس الجمهورية، وعضوية القائد الأعلى للقوات المسلحة، ورئيس الأركان، بحيث يختص المجلس دون غيره بالنظر فى ميزانية القوات المسلحة ومناقشة بنودها، والشؤون الخاصة بوسائل تأمين البلاد، على أن يتم إدراج ميزانية القوات المسلحة رقماً واحداً فى موازنة الدولة، فيما ينظم القانون طريقة إعدادها.
بس فيه نقطة بخصوص إنشاء مجلس الدفاع الوطني، ماإحنا عندنا مجلس دفاع وطني!!!، ليه الطلب بتاع إنشاء مجلس للدفاع الوطني؟؟؟؟، ممكن يكون مجلس تاني غير الأول؟؟؟؟.
أما بالنسبة لإدراج ميزانية الجيش في الميزانية العامة، بصراحة طلب يستحق التحية.
طبعاً فيه ناس هتدافع عن الطلب ده، و فيه ناس تانية هتهاجم.
بالنسبة لمجموعة الهجوم، خلي الميزانية الإقتصادية للجيش في الميزانية العامة، و المخابرات معاها.
أما ميزانية الأسلحة و الذي منه خليها سرية تحت بند الأمن القومي.
زاي أي منشأة إقتصادية محققة للربح، و تحاسب ضريبياً.
إنما عشان المخلوع يلاقي ثغرة، و يطلع فلوسه من أرباح إقتصادية للجيش، و بعد كده تيجي تسأل هي مجمل الأرباح كام يتقال أمن قومي!!!!!، مش هتنفع القصة كده.
و لا إيه؟؟؟؟.