جماعة الإخوان وصلت للعالمية، و ده مش كلامي، ده كلام صحف العالم!!!!.
لدرجة إني قريت مقال عنهم، و كان الكوميدي في المقال ده إن الإقتصاد المصري، بيعتمد دلوقتي على نشاط الإخوان التجاري، يا سلام!!!!.
و الغريب إن النظام السابق كان على مشاكل ظاهرية معاهم!!!!.
أه مشاكل ظاهرية، و لو تفتكروا كان فيه فيديو على اليوتيوب لعملية إقتحام مبنى أمن الدولة في مدينة نصر، و كان فيه حجرة لاقوا على جدرانها بواقي رسم ليفط إنتخابات أعضاء للإخوان المسلمين!!!!، غريبة!!!!.
إمال الإعتقالات و المحاكمات، كانت لمين؟؟؟؟.
ممكن يكون فيه إتفاق إن الجماعة تسلم عدد من الناس للنظام ظاهرياً، زاي فيلم الجزيرة؟؟؟؟.
بس لو الفكرة كده، طيب ليه؟؟؟؟، أهه فكرة و السلام!!!.
و مش ممكن يكون المؤسسة الإقتصادية الضخمة للإخوان، تكون إتكونت في يوم و ليلة من غير نظام مبارك يحس بيها!!!!.
أو الممكن يكونوا وصلوا لناس معينة، توصل صورة معينة على الإخوان على غير الحقيقة!!!!.
يعني بقوة الإخوان المالية، يقدروا يشتروا أي حد في النظام، و نظام مبارك كان مع إلي يدفع أكتر، و يتغاضى عن أي حاجة!!!!.
و تغلغل الإخوان في المجتمع المصري كبير و على كافة المستويات، و أفتكر إن كان فيه زوجة لأحد رؤساء الوزرا، جدها من قيادات الإخوان المعروفة!!!.
بس السؤال فعلاً، طيب ليه النظام كان عاوز يبيين إنه فيه خلاف مع الجماعة، معنه كان على إتفاق معاها من تحت الترابيزة، و ده كان برضوه مع إسرائيل!!!!، كان التليفزيون المصري، و الصحافة تنقل لينا أحداث فلسطين و الإحتلال، و من الناحية التانية كان فيه صداقات و نقل غاز و ماخفي ...... إلخ.
إيه إلي يمنع إن النظام المباركي إتبع نفس الطريقة مع الإخوان زاي إسرائيل؟؟؟؟.
أرجع تاني لتغلل الإخوان في المجتمع المصري، و خاصة في الحياة اليومية، و طريقة تفكيرهم للتغلغل أكتر و أكتر، و المقال ده يوريك حاجة معينة..........
نظمت جماعة الإخوان المسلمين، بالمركز العام للجماعة بالمقطم، حفل تخريج الدفعة الخامسة من مدرسة الصلح التابعة لقسم البر بالجماعة، بمحافظتى الشرقية وكفرالشيخ، والبالغ عددهم ١١٠ قضاة عرفيين، للحكم فى المنازعات والقضايا الأسرية والميراث، بحضور الدكتور محمد بديع، مرشد الجماعة، والدكتور عبدالرحمن البر، عضو مكتب الإرشاد، والمشرف على القسم.
ردد القضاة شعار الجماعة (الله أكبر ولله الحمد والله غايتنا والرسول قدوتنا).. ودعاهم المرشد إلى نصرة المظلوم، وألا يكونوا طرفاً فى أى قضية، موضحاً أن القرآن وضع ضوابط بكلمات موجزة، لحل جميع القضايا.
وأضاف: (المهمة التى أنتم مكلفون بها سامية وأغلى ما فى الأرض)، مشيراً إلى أن الإسلام هو الحل لكل البشرية، واتهم النظام السابق بالتسبب فى فشل حل ملايين القضايا المعلقة فى المحاكم.
ورفض بديع دعوات البعض للإخوان لتشكيل تكتل سنى، وأضاف: (الإخوان يجب أن يصلحوا بين السنة والشيعة فى بعض البلاد العربية).
وقال الدكتور عبدالرحمن البر: (رغم الضغط الأمنى فى ظل النظام السابق، فالإخوان كانوا حريصين على الأعمال الخيرية فى المجتمع، والشعب وضع ثقته فيهم).
قضاة عرفيين!!!!، و ليهم قسم!!!!، و كان فيه ضغط من النظام السابق؟؟؟؟، طيب إزاي؟؟؟؟.
ده أصبح ليهم قضية قومية و عربية و عالمية كمان!!!!.
إمال لو النظام السابق مكنش عامل أي حاجة، كنتم وصلتم لغاية فين؟؟؟؟.
هو فاضل إيه في مصر جماعة الإخوان ملهاش فيه؟؟؟؟؟.