مجلة روزليوسف عملت مقال غريب شوية، و بتقول في المقال ده إنه على لسان شخص من العاملين في الرياسة و قريب من العيلة المباركية، جزئت الحوار، و هخليه في أجزاء و يمكن مع كل جزء تظهر حاجة جديدة فيظهر معاها مصداقية المقال أو كذبه، و بصراحة الناس إلي بتحاول تثبت إن مبارك في مصر مش براها، ممكن يكونوا صادقين و ممكن يكونوا كدابين، مابينا الأيام!!!.
المرة الأخيرة
المرة الأخيرة التى رأيت فيها الرئيس مبارك كان قبل ذهابه للمستشفى بيومين، وكانت صحته جيدة للغاية فقط كانت نفسيته تعبانة، وتوقف عن ممارسة هوايته اليومية بمشاهدة التليفزيون ومطالعة الصحف..
طبعاً إلي بيتكلم لازم يثبت إنه من الموجودين مع المخلوع في البيت، و إنه على إطلاع كامل بالأحداث اليومية، لغاية دلوقتي و عادي!!.
بينما الهانم تأتى على فترات بعيدة لمقر إقامتهم بشرم الشيخ، والذى تتواجد به زوجتا علاء وجمال مبارك (هايدى راسخ وخديجة الجمال وأبناؤهما)، بالإضافة إلى سكرتارية الرئيس وحراسته الخاصة اللذين تم تخفيضهما إلى أكثر من النصف.
يا حول الله، خفضوا الحراسة للنصف، يعني الجيش الجرار إلي كان معاه بقى نصف جيش!!!، و يا ترى حاسس بالأمان و لا؟؟؟.
و بعدين هو محتاج السكرتارية في إيه؟؟؟، يعني لا بروتوكول و لا يحزنون، ده مخلوع!!!.
جاءت الهانم يوم الاثنين الماضى من المستشفى حيث تقيم بجوار زوجها وكانت مرهقة للغاية، وفقدت بعضا من وزنها،وقالت لأحد العاملين الذى كان يطمئن على صحة الرئيس السابق بأنه فى حالة صحية جيدة جدًا.
والله يا إم علاء فيكي الخير، خسيتي و تعيبتي!!!، هنعمل إيه؟؟؟، أصل الدنيا دوارة.
وتناولت طعام الغداء مع زوجتى ابنيها وكان عبارة عن (بامية بالصوص الأبيض واللحم مع بعض الأرز والسلطة) حسب طلبهم..
طبعاً إلي بيقول الحوار كان قاعد معاهم على السفرة، عيش و ملح!!!.
والخادمة التى تنقل الطعام للرئيس فى المستشفى وهى بالمناسبة مغربية الجنسية، وليس كما أشاعت بعض الصحف أنها آسيوية، أكدت لى أنه بصحة جيدة وأنه يتناول الطعام الذى يقدم له يوميًا كاملاً..
طبعاً حفاظاً على الأدمية المصرية، جابوا شغالة مغربية!!!!، أصل مفيش شغالات في مصر!!!، كلهم عندهم عقد عمل في الخليج!!!.
وقبل القمة الاقتصادية بشرم الشيخ لا أتذكر اليوم بالتحديد، ولكنه من 7 إلى 9 يناير 2011 كنت مع الرئيس مبارك وقلت له
(ياريس الدنيا مولعة على الفيس بوك بسبب الشرطة اللى بتتعدى على الشعب، وفى حاجة هتحصل فى عيدها)
فرد الرئيس بكل ثقة
( دول شباب مثقفين جدًا هيقولوا كلمتهم فى مظاهرة سلمية واللى فى صالح البلد هنعمله)!!
بس يا معلم، مبارك كان مع ثورة 25 يناير!!!!.