مصر تدعم (بان كى مون) لولاية ثانية
وتشيد بـ(رؤيته لمستقبل العالم).
أنا مش موافق على الترشيح ده، (رأي و لا في الإعتبار).
و بعدين إيه إلي الإمم المتحدة عملته ليا كشخص، و عملته لينا كوطن، و كمنطقة؟؟؟؟؟، و لا حاجة.
بصراحة عملوا حاجات كتيرة، مواثيق دولية، بروتوكولات بين الدول، محاضر جلسات، حاجات كلها حلوة، بس في النهاية حبرعلى ورق!!!!، لا أكتر و لا أقل.
نقدر نقول مكتب تابع لبعض الدول في سيطرتها على العالم الجديد!!!.
زاي لما مبارك إتصل ببعض الدول عشان إبنه يجلس على عرش مصر و ياخد الإذن، برضوه الإمم المتحدة صورة من صور تجمع البلدان للإستإذان من بعض الدول بصورة شرعية!!.
عدد الدول إلي معاها حق الفيتو، و عدد الدول المشتركة في الإمم المتحدة، يعني بصراحة نسبة و لا ليها أي حاجة في أي حاجة، كله بطيخ!!!!!!!!!!!!!!!!!!!!!!!!!!!!.
أي مشكلة بتحصل، يروح واحد طالع و قايل سوف نلجأ للإمم المتحدة؟؟؟، طيب و بعدين؟؟؟؟؟؟؟؟؟.
و لا حاجة، زاي قرار النيابة المصرية و على المشتكي اللجوء للمحكمة!!!، إمال إنتوا بتعملوا إيه؟؟؟؟.
إسرائيل سوف تعترض على إعتراف الإمم المتحدة بفلسطين، و طبعاً بعض الدول من حقها إستخدام حق الفيتو، و طرد القرار الإممي.
حسني مبارك كان موجود، و طغيانه كان موجود، و كان مدعوم من الإمم المتحدة، و لا فيه أي فرق!!!.
و بعد 25 يناير برضوه الإمم المتحدة نفسها قالت إن الشعب المصري أخد حريته من طغيان نظام مباركي فاسد!!!!!!، يا راجل هو مبارك قبل 25 يناير حاجة، و بعد 25 يناير حاجة تانية!!!.
موظفي الإمم المتحدة، من رئيسهم لصغيرهم، موظفييييييييييييييييييييييييييييييييييييييييييييييييييييييييين لا أكتر و لا أقل، و الأعضاء و البعثات برضوه موظفيييييييييييييييييييييييييييييييييييييييييييييييييييييين، يعني كله موظف في موظف.
يروح طالع موظف منهم و قايل حل عبقري لتضييع الوقت، يلى بينا نعمل ميثاق!!، و كله بأجره يا ريس.
مرتبات مهولة، إمتيازات مهولة، وضع و برستيج عالي.
حضرتك الساعي في الإمم المتحدة بيقول (أنا شغال في الإمم المتحدة)، إمال الموظفين الكبار بيعملوا إيه (قمة في التواضع).
جوه مقرات الإمم المتحدة، سوبرماركت، حلاق، سجاير من غير ضرايب،وحدة تراخيص، زاي ماتقول كده دولة داخل دولة.
حتى الأمن، ليهم وحدات أمنية خاصة بيهم!!!!.
بلاش كده روح إبعت شكوى للإمم المتحدة، عارف الرد المين هيكون إيه، (للأسف ليس لنا سلطة)، و يجبرك على التعامل مع مكاتب يقال إنها تابعة ليهم، و طبعاً المكاتب تابعة من الدرجة الإولى لحبايبنا الحلوين (زوار الليل، قبل الإمم المتحدة!!!).
أفتكر حاجة، يمكن الكل يفتكرها، لما بطرس غالي وقفت بعض الدول قدام ترشيحه تاني للإمم المتحدة؟!؟!، و النهاردة كتيرمن الدول بتدعم بان كي مون لفترة تالية!!!، طبعاً لتحقيقه الأجندة التاريخية العلمية المظبوطة جداً، لبعض الدول المستفادة، و لا حول لباقية الدول غير إنهم يقولوا موافقة و إلا.....؟!؟!؟!؟.
حقوق الإنسان التي عملتها الإمم المتحدة، حواليها علامات إستفهام كتيرة جداً، هي فين أصلاً؟؟؟، غير كده فيه ناس كتيرة بتقول حقوق الإنسان، طيب سعادتك هي عبارة عن إيه؟؟؟؟، و إيه إطار التنفيذ بتاعها، و في أي حيز بالضبط!!!؟؟؟.
يعني مثال بسيط، عندك 80 مليون مش عارفين أي حق من حقوقهم لمدة أكتر من زمن طويل، كانت فين مواثيق الإمم المتحدة؟؟؟.
بلاش حضرتك عارف إن مصر عضوة في منظمة حقوق الإنسان!!!!، و لم تطبق حتى حقوق الحيوان!!!.
إمم متحدة إيه بس!!!، كانوا فين في الفترة الزمنية حتى من أيام عصبة الإمم!!!، موظفييييييييييييييييييييييييييييييييييييييييين و بس!!!.
أهم حاجة المرتب و العلاوات و الذي منه!!!، إنما حقوق شعوب و أقليات و الكلام الفاضي ده، مبيأكلش غير ورق على حبر!!!.
بس فالحين بناء على القرار رقم ..... و منه بالإستناد إلى القرار رقم ...... و بالإستعانة بالقرار رقم ...... و إلخ، فرضنا حذر التجوال على شط البحر، يا ولد حلو القرار ده، بس تبقاً للمعاهدات الدولية الخاصة بحقوق الإنسان، فإن من حق العشاق و المصيفيين و ...إلأخ، بالتمشية على شط البحر، من ثم يتم تعليق القرار!!!، (مع تحيات الإمم المتحدة).
و على المتضرر اللجوء لربنا، هو نعم المعين.