فلت من مشروع النقالة كل من رئيس مصر و رئيس تونس ، أما بالنسبة لليبيا و سوريا فمشكوك فيهم.
ليبيا و سوريا حاجزين طيارة على الأخرة !!!!، لازقين في الكرسي لأخر لحظة من عمرهم.
نرجع لحبيب قلبي ، مبارك مش عاوز يرتاح و لا عاوز يريح نفسه و لا غيره، عاوز يفضل زاي ماهو ، بنفس طريقة اللف و الدوران.
إظاهر عقله الباطن مخيله إنه رئيس مصر ، نسى كلمة السابق، يمكن كل التليفزيونات إلي بيتفرج عليها بتحذف مخصوص ليه كلمة السابق، إنما هنعمل إيه معنديش مقدرة أوصله كلمة السابق ديه.
أجمل موضوع قريت عنه ، موضوع إمتيازات خروجه على المعاش !!!، فعلاً عنده علاقات عربية حكاية!!!.
الكويت تعرض 500 مليون دولار ، السعودية مليار دولار !!!.
و برضه مخه موديه في داهية ، رفض و بقناعة جداً ، ليه يسيب الكرسي و ياخد فلوس ؟؟؟.
سؤال طبيعي جداً و الرد عليه أجمل ، الكرسي بيجيب أكتر من كده!!!، لو فعلاً فلوسه بالمبالغ إلي بيتقال عليها يبقى من أول لما مسك كرسي صغير لغاية لما طلعت إشاعة إنه إتنحى !!!!، بياخد من الفلوس شولة.
و غير كده كان عاوز العيلة تكمل على كل حاجة لأخر أجيالها !!!، و غير كده مفيش حد من بعيد أو قريب للعيلة المباركية غير لما شال شولة فلوس !!!.
و الأغرب من كده ، إنه يتقال إن مبارك كان بيسمح بشولة الفلوس عشان الناس تسكت عن التوريث!!!!.
هو مين الناس المهمة قوي ديه في مصر عشان تسكت عن موضوع توريث جمال لعرش مصر؟؟؟؟.
هو كان فيه حد بيقدر ينطق أيام مبارك ؟؟؟؟، ممكن الناس أصحاب كلمة ( مع الثورة من قبل مبارك ) ، قصدي إلي كانا ميقدروش يتكلموا أيام مبارك !؟!؟!؟.
طيب لما كانوا مش قادرين يتكلموا أيام مبارك ، و بقوا يتكلموا بعد الثورة ، إمال مين إلي كان بيشتريهم مبارك؟؟؟؟؟.
فتحي شرور و صفوت القواد ؟؟؟، طيب ماهما مكنوش يقدروا يعملوا أي حاجة من غير كلمة مبارك العليا ، أو مراته مفيش فرق.
زاي خبر أجمل ، مبارك كان كل لما يزعل مع مراته يروح شرم !!!!!!، و بعد كده يطلع خبر تاني إنه كان سايب الحكم لإبنه جيمي و مراته و عشان كده كان قاعد في شرم الشيخ؟؟؟؟؟؟؟؟.
مترسوا على حل و إجابة ، هو كان في شرم الشيخ بيعمل إيه ؟؟؟، و أول لما إتنحى راح على شرم الشيخ!!!.
و الأجمل قرب شرم الشيخ من إسرائيل !!!، و فشلت محاولات إسرائيلية لتهريب مبارك !!!، و مع ده كله الداخلية المصرية شايفة إن فيه خطورة لنقله من شرم ؟!؟!؟!.
ده إذا كان في شرم ؟!؟!؟!؟، بس عندنا دلوقتي حلقات في التليفزيون و الجرايد لنقل أخبار مبارك و عيلته كل لحظة، كإن الناس ديه قاعدة مع مبارك و عيلته من غير ماحد يعرف !!!!.
شفافية هنعمل إيه؟؟؟؟.
أما إلي عمله مبارك من رفضه للفلوس الخليجية ، قصدي معاش أخر الخدمة العربية ، فبجد ميصحش خدها و إقعد في البلد مفيش مشكلة، و لا كانت مربوطة بسيبانه للبلد؟؟؟؟.
أكيد مبارك كان هدفه أثمن من كده ، مش الفلوس هي المهم ، المهم الغتاتة و الرخامة بس.