من منبري هذا بهني أيمن الظواهري و أرسل له ------؟؟؟؟، مش عارف أبعتله إيه في الحالات ديه؟؟؟؟. (سؤال محيرني).
التهنئة بتاعتي بمناسبة
(الظواهري) زعيما للقاعدة خلفا لأسامة بن لادن.
أعلن تنظيم القاعدة اختيار المصري أيمن الظواهري زعيما له، خلفا لأسامة بن لادن.
وفي بيان تحت عنوان (بيان بشأن خلافة الشيخ أسامة بن لادن في إمارة جماعة قاعدة الجهاد).
تناقلته مواقع إسلامية جاء: (بعد استكمال التشاور، تعلن الجماعة تولي الشيخ أيمن الظواهري مسؤولية إمارة الجماعة).
وحمل البيان توقيع (تنظيم قاعد الجهاد/القيادة العامة).
طبعاً في الحالات العادية، لازم أيمن الظواهري كان يزور مصر، و يتم إستقباله عسكرياً (لاء مخك ميروحش لبعيد، قلت في الحالات العادية من إستقبال أصحاب المناصب العالمية!!! مش الإستقبال التاني معنه مش فارق كتير!!!).
و أكيد كان هيبقى في إستقباله !!!!، مين ممكن يكون في إستقباله؟؟؟؟، و يا ترى كان الموسيقى العسكرية هتعزف مقطوعة إيه؟؟؟،
أه (غطيني و صوتي عليا يا أماا).
بس بصراحة يستاهل المنصب ده، كان من حق المصريين من زمان بجد!!!!.
رفعت راس المصريين أكتر ماهي مرفوعة!!!، كل مصري دلوقتي يمشي يقول عملنا ثورة 25 يناير و مشينا مبارك، و أيمن الظواهري بقى زعيم القاعدة، يا خيبتي!!!!.
و يا ترى الإحتفال بالتنصيب ده هيكون فين؟؟؟، عشان أجي و أبارك، و يا ريت الإيميل عشان الناس تبعت برقيات تهنئة!!!.
وأكد البيان أن التنظيم (ماض على درب الجهاد في سبيل الله ونصرة المسلمين والمستضعفين).
بس بما إنك بقيت الزعيم يا زعيم، ممكن تخلي أتباعك يعملوا قنابل ذكية شوية!!!، يعني سعادتك بتقاتل مش عارف مين و قايم بشغل كويس، بس للأسف القنابل ديه بتقتل ناس ملهومش أي زنب عيال، ستات و حتى رجالة ملهومش أي ذنب (ده غير الناس إلي إنته عاوزها يا زعيم).
و بعدين يا زعيم عاوزأشكيلك، الناس بره مصر، بيعتبروني عربي إرهابي!!!، و جوه مصر أمن الدولة كان عنده تهمة جميلة ( الإنتماء للتنظيمات، و طبعاً خاصةً تنظيم القاعدة!!!)، و ده سعادتك مايكونلي أي إختلاط بالق-------!!!!.
و ياترى يا زعيم في المرحلة التالية، متقولش أكيد هتتبنى الشفافية الثورية، و هتقول قبل أي تفجير هتعمله فين و إزاي!!!، صح يا زعيم!!!، حتى على الأقل ننقل الستات و العيال!!!.
و طبعاً بتفكر تعمل نقابة لكل إهابييييييييييييييييييييييييييييييييييييييييييييييييييييييييييييييييييييييييين العالم، و العضوية مجانية، مع توفير إستشهاد شريف لكل واحد منهم (مش إنتحارو قتل).
شكراً ليك يا زعيم، و عقبال كده لما أشوفك راجل عاقل يخاف ربنا، و ميقتلش الناس الأبرياء).
طول مافي بني أدمين مش كويسين، فيه برضوه بني أدمين كويسين!!، و طول مافي بني أدمين على وش الأرض، هيفضل مبدأ الخير و الشر موجود!!!، بس يارب حد يفهم إني بني أدم نازل الصبح أدور على لقمة عيش ولادي و بيتي، و مرجعش تاني ليهم عشان واحد بيفجر قنابل لهداية العالم!!!!.( أه و على فكرة التنظيم إلي سعادتك مديره أو زعيمه، أصلاً كان بتمويل أمريكي مخابراتي، و دلوقتي أصبح تنظيم حلال بدم الناس؟؟؟؟).
الظواهري الرجل الثاني في التنظيم بعد بن لادن، وكان من أقرب المقربين للزعيم الراحل، إلا أن بعض المحللين توقعوا ألا يكون هو الزعيم القادم للتنظيم لعدم حصوله على دعم كاف بين صفوفه.(بس الإنتخابات جت في صالحه، إكتساااااااااااااااااح!!!!).
وبدا واضحا من البيان أنه لن يكون هناك تغيير في سياسة التنظيم، فقد أكد دعمه (لكل من يجاهد لإعلاء كلمة الله على بصيرة من الله، ويدافع عن الإسلام وحقوق المسلمين في أي بلد من بلدانهم)، بما في ذلك الأراضي الفلسطينية وأفغانستان والعراق والصومال والجزيرة العربية والمغرب والشيشان.
مش فاهم إيه التغيير في السياسة، هيوقف القتل و الدم يعني، و يعمل في العمل التنويري، ياريت!!!.
وجدد التنظيم دعمه للانتفاضات العربية (حتى تزول كل الأنظمة الفاسدة الظالمة التي فرضها الغرب على بلادنا واتخذها جسراً لتمرير سياساته وفرض إرادته).
معاك في ده يا زعيم، نتخلص من الأنظمة الفاسدة في شعوبنا، بس مش بالدم!!!، الدم مبيجبش غير الدم يا زعيم!!!.
بصراحة أنا مش عارف إيه إلي بيحصل، يعني إعلان زاي ده مهم في إيه؟؟؟؟، يعني إيه الفرق مابين فلان و علان مسك منصب ، أو مات بسبب منصب ، و المنصب ده في النهاية هدفه الدم و بس!!!، دم دم دم دم دم دم !!!!!!!.