كل يوم بكتشف مدى قوة مبارك ، الراجل ده قعد في الحكم ٣٠ سنة بيكسب لنفسه بس ، و لا كان هامه و لا يهمه شعب و لا غيره ، و طبعاً مش مبارك بس إلي يمتاذ بعلاقاته القوية و إنما كل المقربين منه كمان.
أخر حاجات سمعتها تخلي الواحد يخبط راسه في الحيط ، و بتبين مدى قدرته على العناد المستمر و خالي الشعب كله يخبط راسه في الحيط.
دول عربية بتمارس لمدة إسبوعين على المجلس العسكري ، ضغوط و تهديدات مباشرة لمنع تقديم مبارك للمحاكمة.
الدول العربية مستعدة تضحي ب٥ مليون عامل على أراضيها ، و المقابل شخص واحد و عيلته ميتقدموش للمحاكمة ، أدي مبارك يا إخوة و مكاسبه.
الدول العربية عندها تكسب مبارك ، و يغور الشعب المصري ، تصوروا مدى الإهانة إلي وصلنالها بسبب سياسة مبارك الحكيمة ، و التهديدات وصلت لأكتر من كده ، سحب كافة الإستثمارات من السوق المصري و مقاطعة مصر ، ياسلام!!!! كل ده عشان مبارك!!!!!.
و الكلام مش على الشعب العربي ، إنما حكامه ، إلي هما السبب في وجود عداوة مابينا ، إنما هما أصحاب و يخافوا على بعض جداً.
نرجع لموضوعنا الغلطة مش من الحكام العرب ، الغلط مننا إحنا ، خلينا البلد في إيد إستثمارات أجنبية ، فرحانين بالبواقي في كل حاجة ، و مبارك كرشه بيزيد يوم عن يوم.
ده فاضل إسرائيل تحتل مصر بقى لو مبارك إتقدم للمحاكمة ، و يمكن تطلع علينا إسرائيل إن مبارك مواطن إسرائيلي ، وواجب إحتلال مصر لحماية مواطن إسرائيلي !!!!.
أدي إلي أخدناه من مبارك و بركاته علينا .
و بيتقال في الصحف برضوه ، إن فيه محامي قريب السادات ( مش فاكر إسمه ) ، عاوز ياخد وفد و يروح لمبارك لمناقشته في رجوع الفلوس المنهوبة!!!! ، و لا لمعايرته ؟؟؟؟ ، الله أعلم.
و أجمل خبر ، إن مكتب مبارك ناوي يرفع قضية على كيري علشان قال إن أمريكا جمدت ٣١ مليار من ثورة مبارك ، إيه الجمال ده ، مبارك لسه عنده مكتب !!! ، و فيه نفس يرد أهوه ، إمال كان ميت ، و بيطلع في الروح و في غيبوبة تامة ، و الكلام ده كله راح فين؟؟؟؟.
ملاقاش منه أي فايدة إظاهر!!!!.
و أجمل خبر أختم بيه ، إن علاء مبارك مرشح الحزب الوطني لإنتخابات الرياسة ، بصراحة إحلوت خالص ، الله مادمها نعمة الحصانة العربية.
