السؤال بسيط جداً و معتقدش إنه غريب أو مبهوم بس كانت الإجابات بعضها في حتة تانية خالص
إيه رأيك إذا مسك الإخوان المسلمين الحكم !!!.
سؤال عادي مفيهوش أي حاجة و كمان متكرر كتييييييييييييييييييييييييييييير
الرأي الأول
كان رأي لذيذ جداً مع الإخوان إنهم يمسكوا الحكم و كان كلامه كلتالي،
شوف الإخوان أهم ماسكين تركيا !!!، شايف الحرية المعمولة هناك !!!!!!!!!!!!!!!.
(أدي بداية القصيدة ، يا أخي الفاضل تركيا مالها و مال الإخوان المسلمين ؟؟؟، ماهو إلي ماسك تركيا الإخوان المسلمين !!!.
رأي من الأراء لازم الواحد يحترمه غصب عنه ، و إلا كان الموضوع ممكن يتقلب لحاجة تانية !!!).
رأي تاني
إن واحد من الإخوان يمسك الحكم ، أحسن من سلفي يمسك الحكم.
(إزاي يعني؟؟؟).
يعني مثال ، واحد زاي الزمر لو مسك الحكم و لاقاك لابس لبس غربي ، هيجيبك و يلبسك لبس تاني و يدخلك الجامع غصب عنك.
بصراحة معنديش تعليق على الرأي ده......... .
رأي تالت
لازم الإخوان هما إلي يمسكوا الحكم ، ده هما إلي قاموا بالثورة ، فالحكم من حقهم!!!!، ( أمخاخ 100ـ100 ).
رأي رابع
الإخوان عندهم مبدأ حط إيدك في إيد أي حد؟؟؟؟؟؟، عامة الفكرة إن أي حاجة لشباب عاوزنها متحققش منها أي حاجة ، و ضحك على الدقون إنهم ماشوا الريس ، و ضحك على الدقون إنهم فكوا مجلس الشعب ، و البلد بتوقع و أهم راجعين لميدان التحرير تاني!!!!.
( طيب ده ماله و مال السؤال أصلاً).
رأي خامس
أول ناس راحوا السفارة الأمريكية و عملوا التفاوض ، و أول لما الناس عرفت الموضوع ده رد الإخوان إت ديه فكرة إتعرضت عليهم و ليس إلا. الإخوان لو مسكوا الحكم هينفخوا شباب الثورة لو قالوا مدنية تاني!!!.
رأي سادس
الإخوان في التحرير كانوا بيصلوا كجماعة واحدة و مكانوش بيصلوا مع الناس لإن عندهم فكر خاص بيهم ، و بعض الناس قالت إحنا ماشين ، و الإخوان لا هم وحشين و لا هم كويسين.
أما بالنسبة للزمر ده واحد قاتل و الناس مطلعاه بطل ، و لإخوان تستخدم سلاح الدين لتمشية إمورهم.
عمرو خالد راجل محترم جداً و بعيد كل البعد عن الإخوان و مطلعش و قال عاهدوني أمام الله و لا حاجة من ديه ، إخوان إيه إلي يمسكوا البلد ، ديه هتبقى فضيحة السنين ، إتفرج على المهازل إلي هتحصل و ديه مش إشاعات ، أنا كنت في الثورة و الحياة زاي الفل ، و كمان عندهم أجندة خاصة بيهم ، و إلي مش معاهم يبقى ضدهم ، و بصراحة إحنا دلوقتي بنضييع كل إلي عملناه و أخرهم مجلس الشعب ، إنما الحكم لا، فتخيل لو الإخوان مسكوا الحكم هيمشوا ورا أنهيه أجندة ، أنا عن نفسي أرشح أي مرشح تاني غير الإخوان.
( رأي أحترمه و لكن...!!!!).
رأي سابع
(ده بجد حاسس إنه واحد كان ي غيبوبة و بيتكلم ..!!).
عمرو خالد ساعة الثورة كان طالع بيقول النظام و عيوب النظام ، و لما عملت برنامج مش عارف إيه فالنظام قفلهولي ، إنت بتقول إيه.
في مرة طلع على قناة الجزيرة ، سأله المذيع إنته عاوز مبارك يمشي ، كان رده أنا مع الشباب ، خاف ينطق ، فمتجيش تقولي عمرو خالد !!!.
عمرو خالد أحسن مني بيصلي ، يصوم و يوعظ في الناس بس متقوليش عمرو خالد يمسك الحكم!!.
يعني كان فيه بعض الشباب مع إن مبارك يفضل 6شهور ، إيه عمرو خالد كان مع الشباب برضوه في الرأي ده؟؟.
ثانياً أنا معرفش يعني إيه سلفي !!!، أنا ضد تمشية السياسة في البلد بالدين... .
و على فكرة لا إلإخوان و لا السلفيين هينجح؟؟؟!!.
( طيب إيه دخل عمرو خالد و فكر عمرو خالد في السلفيين ، بجد حسيت إنه في غيبوبة كبيرة.).
و ديه كانت بعض أراء الناس في السؤال السابق ، فيه ناس كانت بتجاوب على حاجة تانية أو يبتدي كويس و يروح مكان تاني خالص، معن السؤال زاي ماقلت في الأول سؤال متكرر وواضح ، يعني مش صعب للدرجة ديه!!!.
بصراحة ربنا يكون في عون الناس إلي بتحاول تعمل إستقصاء الرأي !!!، معرفش كان المفروض السؤال يبقى إيه عشان الناس ترد بالمنظر ده ؟؟؟؟.
المهم مقدرش أقول إن ده فكر شباب الثورة طبعاً........ .
( رسالة إلكترونية لواحد صاحبي عمل الإستقصاء ده على ............................ ).