ناس كتيرة بتشوف أجهزة المخابرات تعتبر عالم غامض لينا إحنا كناس مش فاهمين أي حاجة ، و خاصة معندناش غير الفرجة على الأفلام المخابرتية إلي دايما بتاخدنا لعالم بعيد كل البعد عن الحقيقة ، خاصة مجموعة أفلام الكابتن جيمس بوند ، التخفي تحت إسم مرونق، الستات تشوف العميل أو ضابط المخابرات تقع في غرامه على طول.
و لكن في الأخر يطلع إن أجهزة المخابرات ، أجهزة زيها زاي الأجهزة الأمنية الإخرى ، بس تحت هالة من الغموض و السرية ، و لكن لو فكرنا إيه مكونات الجهاز ده ؟؟؟، شوف هيكل تنظيمي لمؤسسة كبيرة ، هتعرف إيه هو الهيكل التنظيمي لجهاز المخابرات ، بس للأسف هو مجموعة من الشركات في كافة التخصصات !!، معمل كيميا و طبعاً على مستوى عالي من التقدم و طبعاً إلي بيشتغلوا بني أدمين مش كائنات فضائية !!!، ناس عايشة على الأرض مش بتيجي كل يوم من القمر و تسافر أخر اليوم !!!.
مكتبة ، زاي كتشبيه مكتبة الإسكندرية مفيهاش تخصص لشيء ما ، و لكن لكل شيء ممكن ينفع لأي وقت و في كل وقت .
طبعاً العاملين في أجهزة زاي ديه بيتم إختيارهم بعناية ، بس مش كله !!!!، يعني إحنا عندنا أجهزة أمنية عائلية طبعاً ، الكوسة عندنا الكيلو فيها رخيص جداً، بس فيه ناس في تخصصات معينة كان يتم الحذر الشديد في إختيارهم ، بس للأسف السؤال لو كان المسؤول عن العباقرة فاشل ،يبقى الإختيار بيتم إزاي ؟؟؟؟؟؟.
بس كان يقال إن الناس إلي عندهم معلومات مهمة بيطبق عليهم نوعين من الأنظمة ، الأول إنه يمضي على إقرار بعدم الإفشاء !!!، و ده مش شايف إنه حاجة مهمة قوي بس يقال إن الناس ديه بتوضع تحت مراقبى شنيعة!!!، و النظام التاني إنهم يجنوا صاحب المعلومات المهمة ديه و لكن مع رؤساء الجهاز إيه إلي بيحصل ؟؟؟ ، بيقتلوهم بقى و لاإيه ؟؟؟؟، و لا مدير المخابرات معندهوش معلومات مهمة و طبعاً شكلها كده إن مدير المخابرات عندنا مبيتغيرش غير لما يموت و بس !!!!.
نرجع اتني للإدارات المهمة في جهاز المخابرات ، طبعاً سيبك من إدارة التأمين لإنها إدارة حراسة و مراقبة و تأمين مواقع و إلخ .... ، بس ممكن تكون أهم إدارة المعروف بإسم المكتب الخارجي و ده من وجهة نظري أهم مكتب ، مختص بالتخابر الخارجي و العملا ، بس برضوه السؤال ، في الفترة لماضية أثبت جهاز المخابرات المصري فشل زريع جداً في نواحي خارجية كتيرة و للتغطية على الموضوع ده ، أصبح التليفزيون و القصص و الروايات هي التعويض للموضوع ده ، فظهرت البطولات الهلامية للجهاز الإسطوري الجبار!!!!.
بس يمكن في فترة كان جهاز المخابرات العامة و نشاطه الداخلي و الخارجي ، كل مهامه تأمين العيلة إياها ، و التخلص من أي حد عنده مشاكل أو فضايح بالعيلة إياها ، يعني مهمة الجهاز العريق الإسطوري ، قفل حياة الناس الوحشة على العيلة الرئاسية مش على قضايا التجسس و الإرهاب و الكلام الفاضي ده ، بمعنى أنهيه أهم نأمن الريس و عيلته و لا نأمين حياة الناس العادية؟؟؟؟.
التعاون مابين أمن الدولة و المخابرات العامة و مخابرات رياسة الجمهورية ، كان الهدف منه تأمين العيلة الرئاسية ، و التدخل في الحياة اليومية للبشر بالعافية ، الريس هيروح يفتح محطة مجاري جديدة ، تبتدي مراحل التأمين قبليها بأيام مش بساعات ، و طبعاً لو جه تقرير بيتقال فيه إن الريس لو مشى في الشارع ده لازم الناس تقعد في البيت ، لا باب و لا شباك يتفتح و طبعاً لو حصل أي شيء مفاجأ الحرس الخاص مبيتفاهمش نهائي ، بيقتل بدم بارد ، عشان هو مدرب على إنه يكون أداة قتل و حماية في نفس الوقت ، زاي الكلب و أنا أسف للكلب ، أهو الكلب بيحمي صاحبه و عنده إستعداد لقتل المعتدي، أهو كل واحد حسب تدريبه بقى ، و ده مش بعيد عن أجهزة المخابرات لإن الحرس الخاص من مخابرات رياسة الجمهورية ، و مش كل الحرس زاي بعض ، فيه حرس بعيد عن العين فبالتالي بعيد عن القلب و فيه حرس قريبين من العين فبكده قريبين من القلب !!!!.
أهم دول بقى لو إختاروهم أي كلام فبعد التدريب و الذي منه ، يتقلب شخص تاني خالص تماماً، أغلبية من ضباط الحرس الخاص كانوا من المخابرات العامة ، و ليس كلهم ، وهم من إدارات متنوعة من إدارات المخابرات !!!. المهم جهاز المخابرات بيكون متفوق لإنه ببساطة بيدور على المتفوق و بس ، بس طبعاً مع وجود الفساد و الكوسة بيتحول لجهاز فاشل ليس ليه أي قيمة ، حتى في عيشة فراخ ، أقوى الأجهزة في العالم بتعتمد على مبدأ الغموض و السرية ، بس لو شوفنا الفضايح إلي بتسببها الأجهزة ديه ، هتلاقي إن فيها مشاكل كتيرة جداً و فضايح كبيرة برضوه جدا، و لكن المحرك الأساسي للمخارات و نجاحها هم العلماء المستعان بيهم في أجهزة المخابرات ، هما دول سبب تقدم الجهاز ، مش الضابط المسؤول ، العميل المتميز هو سبب نجاح الجهاز ، الضابط المنظم هو سبب نجاح الجهاز ، و لكن لا عالم و لا عميل و لا ضابط يبقى فين جهاز مخابرات رأفت الهجان ؟؟؟.
أصبح الأن الجهاز المميز في عالم المخابرات و مرعب للعالم كله ، جهاز المخابرات الإيراني ، و ليس كما يشاع الإسرائيلي أو المصري أو حتى الأمريكي ، فعلاً المخابرات الإيرانية أصبحت رعب لأجهزة المخابرات الإوروبية ، و بيعتبروا إن أجهزة المخابرات الإسرائيلية و المصرية ( الإوروبيين ) ، تعاملها بدائي أه بقيت بدائية جداً في أساليبها ، مش معنى كده مالهاش في التكنولوجيا و لكن طريقتها ثابتة من زمن و مدخلش عليها أي نوع من التغيير ، إنما المخابرات الإيرانية مكيفة دلوقتي المخابرات الإوروبية من جهة تغللها في الحياة الإوروبية ، كترة عدد عملائها ، تدخلها في حاجات غريبة و أكتر من كده عدم قدرتهم على التوقع ( الكلام ده من أحد ضباط الأجهزة الأمنية الإوروبية الرفيعة ) ، تخيلوا أفظع جهازيين في العالم الإسرائيلي و المصري إلي كانوا مقطعيين بعض في فترة من الزمن ، دلوقتي بقوا فرقعة إعلامية و المخابرات إلي مكناش نسمع عنها في مجلة ميكي أصبحت رعب للعالم .
دلوقتي أصبح مدير المخابرات مش بذكائه ، أصبح بعلاقاته ، زاي منصب العميل الواجهة في المؤسسات الكبيرة ، مبيشاركش في دفع أي شيء و لكن بياخد فلوس لتسهيل الإمور ، إنما مدير المخابرات بيشارك بنفوذه و بياخد معاها ميزانية سرية لا رقيب عليها أبداً، لدرجة إن مديريين أجهزة مخابرات كانوا بتغزلوا في مكتب عمر سليمان و فخامته !!!!، بس كتير من الناس إتصدمت لما شافت عمر سليمان رئيس جهاز المخابرات المصري ، بقى هو ده الراجل إلي ماسك جهاز المخابرات ، و قدرته الفعالة على الحل السريع أثناء ثورة 25يناير ، بقى هو ده رئيس جهاز مخابرات مصر ؟ ، معرفش يساعد حسني مبارك على تخطي عقبة ثورة 25 يناير إمال ساعد مصر في إيه بقى ؟؟؟؟، بس فرحان إنه قال لحسني مبارك خد العربية المصفحة معاك ، و طلع علينا مدير أمن الدولة و قال إنه قال لحسني مبارك خد العربية المصفحة معاك ، هو مين إلي قال لمبارك خد العربية المصفحة معاك ؟؟؟؟؟، مدير المخابرات و لا مدير أمن الدولة ؟؟؟؟؟، ما علينا مش موضوعنا.
جهاز المخابرات الأمريكي واحد من أشهر أجهزة المخابرات في العالم ، و أكتر جهاز نعرف عنه حاجات كتيرة ، لأن أمريكا دولة تباهي ، زاي قدرة المخابرات الأمريكية على التوقع برد فعل الشعب العراقي ( محصلش طبعاً) ، قدرة المخابرات الأمركية على توقع رد فعل الشعب الأفغاني و الأجمل من ده كله قدرتهم على توقع أحداث سبتمبر و قيامهم بحماية الولايات المتحدة من خطر ضرب برجيين التجارة و البنتاجون بطيارات تجارية ، و زاي مإحنا شايفين إن قدرة المخابرات الأمريكية على الحفاظ على برجين التجارة و مسقطوش أبداً ، دول وقعوا بسبب موجة تسونامي إلي حصلت في اليابان !!!!!،
بس فالحين في الخطف و التعذيب ، و سجون القمع و طبعاً معاهم الأجهزة الوحشية زاي المخابرات المصرية ، إلي أثبتت فشلها في معالجة ملافات كتيرة جداً و أهمها ملف المياه ، و لكن نجحت في تعذيب و قتل الكتير من الأبرياء ، و ده البطولة الوهمية لجهازنا الجبار ، و طبعاً لتعويض الفشل الفظيع ده كان لازم من تفكير جدي في شيء أخر نتطلع بكام قضية مشكوك فيها و نوري الشعب إن إحنا صاحيين ( فكر المخابرات العامة )، و الناس تشوف و تسمع من الجرايد و التليفزيون و بس ، يبقى صلاح نصر كان جبار على كده قدر على حماية مصر من الداخل و الخارج في فترة عصيبة جداً و مع ذلك كان فيه مساويء و لكن كان فيه نجاح ، و دلوقتي أصبح فيه مساويء و فشل و بس ، و في الأخر العالم السري للمخابرات ماإلا غير خيالات مع بطولات وهمية و لكن مع الكتير من إنتهاك الحياة الشخصية للناس و عشان كده هما بيعرفوا كل حاجة ، بس للأسف الحاجات إلي تكسف و بس و أدي العالم الغامض للأخ جيمس بوند............!!!!!!!!!!.