لاء و إيه أوزان تقيلة في المجتمع!!!.
أمثلة ؛ ميكانيكي، رقاصة، مطرب، بواب، خياط و عواطلية!!!.
طبعاً كل واحد منهم عنده برنامج إنتخابي ما، بس فيه منهم معاه برنامج حسب الفترة!!!، يعني كل لما يظهر برنامج أو نقطة في برنامج ، يروح هووبه واخدها في البرنامج، ماشي على كل إغنية نغمة!!!، عكس عكاس.
مرشح من المرشحين المحتملين، خياط!!!، مش مشكلة، مش متعلم و مالوه؟؟؟.
برنامجه الإنتخابي ممتاز جداً، هو هيشتغل ريس عند المستشارين!!، أه معين لكل نملة في أفكاره مستشار!!!.
أما بالنسبة للغات فهو ناوي يسخر طلبة أداب و الجيش عشان يترجموله!!!.
أما عن تمويل الحملة الإنتخابية ، مفيهاش أي مشكلة ، كل مواطن هيتبرع بربع جنيه!!!، طيب سؤال هو أنا إيه إلي هيجبرني أطلع الربع جنيه؟؟؟.
أما بالنسبة للمتعلمين من أغنياء المجتمع ، أو الطبقة المثقفة المرتاحة شوية مدياً، فهو مش محتاجها في الوقت الراهن!!!، عادي !!!.
و طبعاً هو رئيس المنعدمين، بيفكرني بواحد ذو مقولة جبارة ، " إلي مش هيغتني في عهدي، مش هيغتني أبداً "، عرفتوه؟؟؟.
حتى طريقة المرشح المحتمل بيفكرني بشخصية هذا الرجل صاحب المقولة الشهيرة!!!.
طيب و إيه الجديد؟؟، جاي عشان الطبقة المنعدمة!!، الإغنية ناقصة حتة، مبارك نفسه كان رئيس الطبقة المنعدمة برضوه!!.
كان مريح الطبقة المنعدمة جداً، عاملهم رجيم ( مفيش أكل)، مقوي الجهاز المناعي ( أمراض متعددة )، مرتبات ضخمة تتعدى ال ٥٠ جنيه شهرياً، شفت مبارك كان نغنغة للطبقات المنعدمة!!!، سعادتك ناوي تكمل عليهم نغنغة و توديهم فين؟؟؟.
ده غير إنه ترشح خصيصاً بسبب إغنية شهيرة " مصر عاوزة دكر"!!.
أه نسيت حاجة مهمة ، الراجل المرشح ده، من أكتر الناس عنده إحساس بضغط الدول العربية على مصر !!!، أيون.
أصل الحكاية ليه ولد شغال في إحدى الدول العربية، و مرضوش يجددوله الإقامة، ليه؟؟؟، ممهما مكانوش يعرفوا إن أبوه هيترشح!!، هما وقفوا الإقامة عشان مصري!!!، ياراجل؟؟؟.
ده على كده أعداد المرشحين المحتملين هيزيد في الفترة إلي جاية!!، كل واحد عنده مشكلة شخصية هيعتبرها ضغط من طرف ما على مصر!!!، يا سبحان الله!!.
أما بالنسبة لمنصب رئيس الجمهورية، فهو تافه لأبعد الحدود، و إن وجد منصب أعلى لجرى عليه على طول!!!، واضح جداً!!!.
أخيراً ، أصبح منصب رئيس الجمهورية كوميديا ساخرة، تجمع كبير لخفة الدم!!!.
ده غير إنفصام الشخصية، كل واحد معتمد على القاعدة الشعبية إلي بتضغط عليه للترشح، هما كتير جداً أهل بيته و جيرانه بس!!!، فعشان كده إتنازل و قرر الترشح !!!.
إيه الفرق بينه و بين عمر سليمان؟؟؟، مفيش فرق خالص!!!، ده معاه يجي كده من ٣ إلى ٦ توكيلات ، و عمر سليمان برمشة تزوير يبقى معاه توكيل مفتوح من البلد كلها، على بياض!!!.
بس الإتنين متشابهين في المهنة !!!، أه الأول خياط هدوم، و التاني خياط .....؟؟؟، بلاش أقولها.
كل ده و لسه!!!، و تستمر المهازل!!!!.