مؤخراً بقى فيه كلام كتير عن سوزان مبارك و حسين سالم.
ياإما سوزان بتهدد حسين سالم ،، أو حسين سالم بيهدد سوزان!!!.
و طبعاً كله على لسان واحد مقرب ،زاي كده الإيد الخفية!!!.
طبعاً الكل عارف قصة المذكرات إلي مزمع إن سوزي تكتبها،و عرض البعض شيك منسوب لدار النشر بمبلغ كبير نظير المذكرات!!.
و طلع علينا بعد كده السيد الإستاذ / المقرب ببيانات متتالية مرة :
- سوزان بتخبي فلوسها ، إمال وصلت للشيك إزاي؟؟؟.
- لاء مش أنا ده البوليس الإنجليزي!!!، و هو بيحقق لقى الشيك، فراح البوليس الإنجليزي مسربه على الويب!!!، بجد!!!.
ده بقى قصة تانية، كل شوية يطلع علينا بأخبار زاي ديه:
- المخلوع النهاردة نام على جنبه اليمين!!!.
- المخلوع أكل فراخ و ساب الكوسة!!!.
نرجع لحسين سالم ، طبعاً هو مش أقل من مبارك و سوزان، هو كمان عنده واحد مقرب بيقول أخبار برضوه، أخرها على لسان المقرب :
- إنه إتعاقد مع شركة أمن لحراسته!!!.
و لما طلع في فيديو المحاكمة ( حسين سالم ) ، طلع إن الحراسة إلي معاه حاجة حلوة خالص، سيدات العائلة ( زاي القذافي ) ، بس مش باين عليهم شراسة حارسات القذافي!!!.
أه، أما بالنسبة للسيد / المقرب ،،،، فهو موجود بكثافة في سجن طرة، ملازم لعلاء و جمال و بقيت الشلة!!!.
بصراحة بدور على واحد كويس يشتغل مقرب مني،بس للأسف مبعملش حاجات كتيرة زاي ،،،،،،،،!!!.
و ياريت طلب من حكومة الجنزوري، ياريت تصدر قانون بتوفير واحد مقرب لكل مواطن على بطاقة التموين!!!!.