أبتدي بقصة المفتي :
راجل دين زار القدس، يالاالهول، خبر عجيب و غريب!!!!، إزاي يتجرأ و يعمل كده؟؟؟.
يحاكم محاكمة عادلة و يعدم أو يعزل!!!،إزاي يروح إسرائيل؟؟؟.
الراجل طلع و قال إن الزيارة شخصية!!، أيوة إيه إلي فيها بني أدم و عنده خصوصيات، ماهو لامأخذه كان مبارك و نظامه كل يوم مكالمات و زيارات حد كان بينطق؟؟، و إلي هيقول نظام مبارك راح ، الرد بسيط ده ............ هو إلي راح.
بناء على كلام المفتي ، إنه كان مدعو من أمير إردني، و الأمير هو إلي نظم الزيارة و الحراسة و الذي منه، هو لو أي واحد من مهاجمين المفتي وجهله أمير دعوة لزيارة مبنى الموساد، فيه حد كان هيقول بم؟؟؟.
و لا كان حد هينطق، بل على العكس هيفرض نفسه على كل شاشات التليفزيون ، و يطلع إن سبب الزيارة دعم الفلسطينيين في مأزقهم !!!، و كان الكل سقف على البطولة!!!!.
ده غير بقى الأقاويل عن نفس المصدر الموثوق أو بمعنى أصح المصدر المقرب إياه!!!، المفتي كان على إتصال مع وحدة خاصة في المخابرات الإسرائيلية، و هما المسؤولين عن تأمينه!!!، حتى لو الإسرائيلين هما إلي وفروا التٱمين معن المفتي قال إن حراسته كانت من الإردن ، لكن برضوه كان لازم يكون فيه تأمين إسرائيلي، لأن لو مفتي مصرحصله حاجة كل سنة و إنتم طيبين إسرائيل كان زمنها في البخ، بس هما أذكيا مش هيدو حد فرصة زاي كده على طبق من دهب.
سيبك من كل ده خبر غبي أجمل ، النيابة العامة المصرية لسه فاكرة تخاطب البنك المركزي عشان أي حسابات سرية لمبارك!!!.
يا حول الله ، هو التخلف وصل لحد كده؟؟؟، هو مش كان قبل كده طلع علينا محافظ البنك المركزي و قال في كل أنواع البرامج إن مبارك معندهوش أي حسابات في البنك المركزي!!!، هي النيابة العامة معندهمش تليفزيون ؟؟؟، و لا تليفزيونهم مدعم خاصية الفوتوشوب؟؟؟.
مصيبة لو النيابة العامة لسه باعتة للبنوك الخارجية الطلب ده دلوقتي كمان!!!.
خبر أغبى من كل الأخبار الغبية ، عمر سليمان مدير المخابرات المصرية!!!، مكانش عاوزيرشح نفسه عشان كان فيه تهديدات بقتله، ملك المعلومات و الأسرار بيخاف؟؟؟، و من مين ؟؟؟، من الناس إلي هو بيملك عنهم معلومات توديهم ورا الشمس بحبة صغيرة!!!، بقى ده كلام يعقل!!!.
ده غير الخبر الغبي بتاع كل شوية هيفضوا برلمان الثورة!!!، الناس ديه لسه عايشة على مية البطيخ!!!.
طبعابحب أتفرج على البرامج القديمة شوية ، أصل تليفزيوني مدعم أساسي لبرنامج الفوتوشوب ، بيفرجني على مزاجه!!!.
البرنامج كان معك على ما أعتقد بتاع عادل حمودة، الحلقة إلي بيتكلم فيها عن هيكلة وزارة الداخلية، فكان من ضمن الحلقة موضوع عن مستشفى طرة و نقل مبارك هناك، عاوزين الصراحة لو مبارك إتنقل للمدفن ده هيكون بكده إتعاقب أشد عقاب !!، ديه مش مستشفى ديه مغارة ، كفاية تشوف الصور يجيلك سكتة على طول، بس الصراحة مش خسارة في طيبة قلبه.
ديه بعض من الاخبار الغبية ، إيه رٱيكم أنفع ٱكون ناقل للغباء؟؟؟.
و مع كل الليلة إلي الناس فيها ، الناس نسيت مبارك و عياله و مراته و الذي منه، يعني لو مبارك عاوز يخلع من البلد ده أنسب وقت بصراحة، و أهوه كمان ينفد من ولاد أبو إسماعيل!!!.
بس للٱسف مفيش دولة هتقدر تقدمله الأمان و الأملة إلي عايش فيها زاي مصر المجلس العسكري!!!، أه و عندي فكرة إحنا لازم نغير مصر ( قصدي الإسم ) ، إيه رأيكم في جمهورية المجلس و الإخوان المشتركة، أو الاخوان عسكر سنتر!!!!.
فكرة غبية زاي الٱخبار الغبية!!!!.