ذهقت من الصمت و الكلام

الواحد يسكت يلاقي إلي يقرفه, يتكلم يلاقي إلي يقرفه, عادي!!!!.

بس إلي مش عادي, إنك لما تكون بتتكلم عن إلي جواك, إلي مش عجبك .... إلخ, مجرد رأي أو فكر, تلاقي واحد طالع بيهددك بالقتل, و ياريت لوحدك, لاء التهديد بيشمل العيلة و العيال و الذي منه.

طيب أنا إلي مسؤول عن كلامي أو إلي بكتبه!!!!, مال عيلتي بلكلام ده, هو مش ممكن يكونوا مبيعرفوش إني بكتب أصلا؟؟؟.

لأول مرة هعرض بعض التعليقات إلي بتوصل من بعض الناس, إلي معرفتش أنام منها ليالي طويلة خالص!!!!.

الخوف!!!!, مش من التهديد, ولا من المهدد, إنما خوفي من الأمخاخ و طريقة التفكير, بقى مجرد رأي أو نقد , أتقتل أنا و عيلتي؟؟؟.

يا سلام!!!!.

بدل المناقشة و خد و هات!!!, ليه؟؟؟, نقتل أحسن!!!.

أمثلة و ديه أخدتها نقل و نسخ, مع حذف بعض ألفاظ ملهاش أي لازمة خالص.

1- لو مبطلتش كلام عن اسيادك ه.............يا ...........امك.

( إيه ذنب إمي يا كابتن!!!.).

2- متجبش سيرة الإخوان على لسانك يا نجس يا .......... احسنلك و الا مش هيطلع عليك صبح تاني.

( مر فترة طويلة على الكلام ده و طلع الصبح عليا عشرات المرات!!!!, غريبة!!!!).

3- شكلك مش ناوي تجبها لبرة, اترحم على عيلتك و عيالك.

( زاي ماقلت قبل كده, إيه ذنب عيلتي؟؟؟؟, إلي عاوز يقتلني يتفضل!!!).

4- ايه رايك في المكالمة الي جتلك يا زيت تتعظ و تعرف اننا ممكن نجيبك من سريرك يا ............امك.

(بأمانة لا في مكالمة جت و لا حاجة!!!!).

ديه أمثلة على بعض التعليقات إلي لو حذفت منها بعض الكلمات هتتفهم , إنما فيه تعليقات تانية مش فاهم أشيل منها إيه ولا إيه؟؟؟.

بس ديه أمثلة على تفاهة بعض الناس, هو ده إلي يقدروا عليها التهديد و قلة الأدب, بس!!!!.

و أحب أقول جتكم خيبة!!!.

الله فوق الكل و لا سلطان للتراب على شيء, فهمتوا يا شوية تراب!!!, كفاية عليكوا كده.

إقرأ المزيد... Résuméabuiyad GRAKOLLO

سليمان يتوقع!!!!!

سليمان يتوقع انقلاب عسكري ويحذر من تسليح الاخوان
مقال لعمر سليمان من فترة طويلة خالص, كان بيطلع إلي جواه.

و على كلام المحرر, فعمر سليمان كان موسوعة, مستني من رئيس مخابرات يكون إيه؟؟؟, بيتكلم في قصص ميكي.

طبعا على نفس الطريقة و القصة البايخة إياها , إن واحد من النظام السابق يدعي بالعداء للإخوان, قال يعني التعاون مابينهم كان سببه العداء؟؟؟؟, أو العكس.

ندخل في المقال و بعد كده نتكلم؛

حذر اللواء عمر سليمان رئيس جهاز المخابرات السابق من تشكيل جماعة الاخوان المسلمين لحرس ثوري لينتهي الامر الي حرب اهليه لاسيما في ظل تزايد فرص حدوث انقلاب عسكري قريبا وذلك طبقا لما قاله ونقله عنه الكاتب الصحفي الكبير والاعلامي جهاد الخازن في مقال له بصحيفة الحياه اللندنيه في عمود عيون واذان
يرى اللواء عمر سليمان، وزير الاستخبارات السابق، ان مصر الثورة تواجه ثلاث مشكلات رئيسية أهمها صعود التيار الديني وامتلاكه شرعية، فالتيار الديني لم تتح له فرصة من قبل ليزاول السياسة أو يفهم المجتمع، وقادته منغلقون على أنفسهم إذا وضعت مصر تحت حكمهم فستعاني كثيراً وقد تصل الى صدام مجتمعي وعنف وخطر حرب أهلية.

كانت لي جلسة مع اللواء في القاهرة زادت على ساعتين، وهي الاولى منذ خروجه من الحكم، ووجدته موسوعياً في معرفته بأمور مصر، كعادته، مع تحليل دقيق، ومساحة أوسع من الحرية في الكلام طالما انه «متقاعد». قال اللواء عمر سليمان ان اداء البرلمان في الاشهر القليلة الماضية كان سيئاً، اهتم بالقشور، وأصدر قوانين لا تخدم مصلحة الوطن.

وهو أبدى قلقه من استمرار هذا الوضع في الاشهر المقبلة، ومن احتمال اصدار قوانين خاصة بالمرأة تجعلها أسيرة بيتها، مع انه توجد حالياً قوانين انصفت المرأة.  التيار الاسلامي في رأيه لا يملك كوادر قادرة على ادارة مؤسسات الدولة، ومع ذلك يريد السيطرة على مقدرات البلاد. وبما ان 40 في المئة من المصريين فقراء فإنه يسهل خداعهم بمساعدات مثل تأمين الولادة لحامل أو تقديم رز وسكر وما الى ذلك من مواد غذائية.  اللواء عمر سليمان كان في مواجهة مع جماعة الاخوان المسلمين في الحكم وخارجه، وهو عندما رشح نفسه للانتخابات ثار الاسلاميون وهددوا بالعنف ادراكاً منهم انه صاحب الحظ الاوفر في الفوز، وأصدروا «قانون عمر سليمان» في اربعة ايام فقط من المناقشة. 

هو حذر من صراع مجتمعي اذا انتخب عضو في التيار رئيساً، واشار الى خفض حضانة الطفل ومحاولة خفض سن الزواج للفتيات، وقرارات اخرى تعكس الالتزام الديني لا حاجة المجتمع.

الرئيس من التيار هو المشكلة الثانية التي يراها اللواء، لأنه سيرأس دولة دينية لم يعرفها المصريون من قبل، وقد تعود جماعات كانت محسوبة علـيـهم في الـمـاضي مثـل الجهاد والـجماعة الاسلامية والـتـكـفـير والـهـجـرة.

والمرشح عبدالمـنـعم ابو الفـتـوح انـشـأ الجــماعة الاسـلامـية وهي موجودة الآن وعندها حرية العـمــل التنظيمي.

وبما ان الحدود مفتوحة مع ليبيا والسودان فهناك فـرصـة الحصول على السلاح، وهذا سيكون بأيـدي جـماعة تـهدد بالرجوع الى العنـف اذا لم يسر المجتمع كما يريدون. 

بكلام آخر، رئيس الاستخبارات السابق، يخشى من وضع يستورد فيه أيمن الظواهري مجموعة من المسلمين المصريين لتصبح مصر في نظر الغرب دولة تصدر الارهاب، ما يهددها بقطع المساعدات وبحصار وعقوبات.

في المقابل، الرئيس الليبرالي سيعاني منهم الا انه يظل قادراً على ان يعمل حكماً بين السلطات، ويوقف أي اتجاه يناهض حرية المجتمع، كما انه سيكون مقبولاً من المجتمع الغربي.  المشكلة الثالثة هي القضية الفلسطينية وانعكاساتها على علاقات مصر مع الولايات المتحدة.

واللواء عمر سليمان يرى ان علاقات مصر الاستراتيجية مع الاميركيين مهمة جداً لاستقرار مصر، كما حدث في السابق، وما هو مقبل. اذا ساءت العلاقة «سنبقى ألعن من باكستان وافغانستان، وينظر الينا كبلد يصدر الارهاب، ومن دون قرار سيادي فتخسر دورها ويخسر جيشها الذي تمثل الاسلحة الاميركية 70 في المئة مما لديه، ويضرب الاقتصاد، فهناك 500 مصنع ضمن برنامج كويز (مناطق صناعية عالية المستوى) لتصدير البضائع الى الولايات المتحدة يفترض ان تزيد». 

مع كل هذه الـخـلـفـية الاخـوان المـسـلمون يروّجـون لعـدائـهم مـع اميركا لاسـترضاء الشـعب، ويـلـمحون الـى الـغاء معـاهدة الـسـلام مع اسـرائيل.  سألت اللواء عمر سليمان هل يقع انقلاب عسكري؟ قال: ممكن، ممكن جداً. انما الاخوان مش هُبُل، لذلك يعدون أنفسهم عسكرياً، وخلال سنتين أو ثلاث سيكون عندهم حرس ثوري لمحاربة الجيش، وتواجه مصر خطر حرب أهلية مثل العراق
و ده كان المقال بتاع عمر سليمان, الغريبة إنه بيحذر من الإخوان و تضخمهم.

طيب هو الشاطر عمل فلوسه إزاي ؟؟؟, هو مش كان مقضي أغلبية عمره في السجون !!!!, و لا عمر سليمان كان بيصرفله تعويضات كل مدة عن سجنه؟؟؟.

طيب بلاش ديه, خد ديه مدير المخابرات بجلالة قدره مكانش يعرف بالتحويلات الداخلة و الخارجة من التنظيم الدولي للجماعة في مصر و العكس؟؟؟.

بلاش, مدير المخابرات ميعرفش إن فيه شركا في مشاريع الجماعة من النظام السابق, و عمليات غسيل الأموال, و الفلوس إلي كانت بتتهرب برة مصر؟؟؟.

كل ده و قال نظام مبارك كان بيحذر بشدة و خوف من الجماعة, إلي هما في الأساس شركا في حاجات كتيرة, و زاي ما قلت قبل كده إلي بيفتكر إن بموت عمر سليمان الصندوق الإسود مات , يبقى بيحلم, فيه بدل الصندوق صناديق سودا على دماغ النظام و الجماعة بإذن الله.

و الأجدع من ده, مدير مكتبه إلي بينكر كل حاجة عن عمر سليمان, عمره ماهيعض في سيده, ماهو الخير كان مغرقه.
إنما ماينساش إن إيده مليانة بالقذارة و الخسة, و لا نسى؟؟؟.

و بدل مايطلع و يقول إن عمر سليمان مات من حزنه على مصر و ده كدب و خيال, يطلع يعترف بغلطاته و غلطات رئيسه, إلي حول المخابرات العامة لعزبة خاصة!!!.

كفاية بقى, إنتوا إيه معندكمش إحساس, ضميركم ده مات موت نهائي , مفيش مرة يصحى و لو حتى لحظات؟؟؟, لازم تتحطوا في مصيبة عشان تتكلموا و تقولوا الحقيقة؟؟.

إقرأ المزيد... Résuméabuiyad GRAKOLLO

بدون عنوان

الموضوع ده إتكتب من فترة , مش فاكر على أنهيه جرنال.

إسترجعته لسبب, مرسي في القصر دلوقتي و أكيد محتاج شفرات الرياسة.

إقتراحي ليه روح لسوزان و خد نسخة, بدل مارجالتك في القصر بيدوروا لغاية دلوقتي على أوراق مش هيلاقوها أبدا.

التحقيق مع سوزان مبارك لسرقتها ملفات باكواد وشفرات رئاسية من مكتب المخلوع .. والكشف انها كانت تستخدمها للاتصال بالبيت الابيض اسبوعيا نشر في 12/02/2012    كتبت : لطيفة سالم 

بعد أن تمت مصادرة العديد من الملفات المهمة التى توجد فى مكتب سوزان مبارك التي قامت بنقلها بشكل غير قانونى من مؤسسة الرئاسة جري تحقيق معها بعد أن تم تفتيش مكتب مبارك الخاص بإدارة الأعمال وتتعلق هذه الملفات بأكواد وشفرات الاتصالات الرئاسية الخاصة برئيس الجمهورية التى يتبين أنها نقلت دون سند من القانون إلى مكتب سوزان ثابت بمصر الجديدة وأنها كانت تستخدم هذه الشفرات والأكواد للاتصال برؤساء الدول بالعالم حتى الأسبوع الماضي.

ترتيبا على هذه التطورات نفت سوزان ثابت عند سؤالها رسميا أن تكون تلك الملفات تابعة للقصر الرئاسي، وقالت إنها طلبت من أشخاص لا تتذكرهم نسخ ملفات محددة كانت تستخدمها فى مكتبها الخاص بالرئاسة أن الملفات التى تمت مصادرتها تابعة لمكتب سيدة مصر الأولى إبان حكم مبارك باعتبار أن أصدقاء زوجها هم أصدقاؤها على المستوى العالمي.

وأظهرت الملفات التى تم ضبطها بمكتب ومنزل سوزان ثابت أنها كانت تراسل وتخاطب البيت الأبيض بشكل أسبوعى على مدار العام الماضى وعلى الأخص مكتب وزيرة الخارجية الأمريكية هيلارى كلينتون وعدد من مستشارى الإدارة الأمريكية الكبار بخلاف مكاتب منظمات التمويل الأمريكية المحالة حاليا للمحاكمة، حيث قامت باطلاعهم أولا بأول بتقرير أسبوعى منها على تطورات الحالة الصحية لمبارك وصور الأشعة الخاصة به، كذلك أرسلت مذكرة قانونية مفصلة عن الشرعية الرئاسية فى الدستور والقانون المصرى أعدها محامون مصريون بناء على طلب مبارك لإثبات أن مبارك لايزال رئيساً للبلاد. 

أكيد أخدتوا بالكم من التاريخ, و طبعا لا حصل مداهمات لمنزل سوزان و لا يحزنون!!!.

لغاية دلوقتي الكرسي كبير على مرسي, بس مش كبير على المرشد.

مش عارف ياخد قرار بحكومة جديدة , عشان المرشد لسه مخلصش مشاورات, حتى لو مرسي قدم إستقالته من الجماعة, يا ترى مخه كمان قدم إستقالة؟؟؟.

عن نفسي أعرف إنه يكون منشق عن الجماعة, إنما مستقيل صعب شوية, أما بالنسبة لكشوف الشفرات بتاعت الرياسة فأكيد هي مع إتنين مالهمش تالت, سوزان و المرشد.

إقرأ المزيد... Résuméabuiyad GRAKOLLO

عمر سليمان إلى مزبلة التاريخ

وفاة عمر سليمان

خبر رئيسي في كل أنباء العالم, و إنقسمت أراء كتيرة مابين الموت الطبيعي و الموت إلي مش طبيعي.

معنه زايه زاي أي واحد في نظام مبارك يمتلك ملف كامل من أمراض الشيخوخة.

إيه هو الفكر بتاع ناس بقى على نظام إن الموت مابيجيش للشخصيات ديه؟؟؟.

الموت مفيش حد كبير عليه, الحقيقة الوحيدة الثابتة في حياتنا, بس بالنسبة لألهة نظام مبارك, نسوا الحقيقة ديه و إفتكروا إنهم دايمين إلى مالا نهاية!!!, غباء بشري!!!.

إفتكروا إن الحقن إلي عايشين بيها بطول في العمر, وبتدي شباب على طول, و لا يمكن الموت يقرب, دول ألهة!!!, يقولوا إمتى الشخص يموت أو مايموتش, و إزاي يموت كمان!!!.

عمر سليمان واحد من ألهة نظام مبارك, علاقاته الدولية متشعبة لأقصى قدر ممكن و ده كله لخدمة مبارك و بس, كان كلب مبارك الأليف!!!, بالرغم من سيطرته على مفاتيح كتيرة إلا إنه كان وفي لسيده لأخر يوم في عمره.

مكتب عمر سليمان في جهاز المخابرات , ينافس في فخامته مكاتب الملوك, مش الرؤساء, ملحق بيه حديقة خاصة منها يدي منظر طبيعي قدام مكتبه, و منها يقدر يستجم بعيد عن الفضول.

عائلته يتمتعون بنفوز الأب, قعد في منصبه أكتر من صلاح نصر الأب الروحي للمخابرات المصرية, مكتب صلاح نصر لا يماثل و لا صفر على الشمال من مكتب عمر سليمان, في عصر عمر سليمان أصبح الإنضمام للمخابرات العامة بالمحسوبية مش بالكفاءة.

عائلات في جهاز المخابرات, معن القانون يمنع ذلك, بس أنهي قانون يقف قدام أوامر مدير المخابرات.

إبن المسؤول الفلاني و العلاني من حقهم الدخول إلى عالم المخابرات, إنما الكفاءة فملهاش وجود!!!.

بعد دخول السادات للكنيست الإسرائيلي, ووجود تعاون معلن, دور المخابرات إنخفض و نشاطه أصبح محكم بالعلاقات الجديدة.
و ده ممنعش إن المخابرات المصرية تزرع جواسيس في إسرئيل, و المخابرات الإسرائيلية تجند موظفين كبار في النظام المصري.
الأمان و الثقة كانت مهزوزة مابين الطرفين!!!.

إنما في الأيام الأخيرة أصبح شغل المخابرات تأمين التوريث, و إلي يقول إن عمر سليمان كان معارض يبقى كداب و ستين كداب, كان زمان عمر سليمان لبس البيجامة من زمان و جابوا واحد تاني يحل مكانه و يبقى أليف و موالي ليهم.

أه و بالمناسبة, لما عمر سليمان كان معارض التوريث , كان بيصطحب جمال مبارك معاه ليه في زياراته لأمريكا؟؟؟, إيه كان بيفسحه هناك, مبارك وصاه إمسك إيد جمال و هو معدي الشارع؟؟؟؟.

المخابرات كان شغلها جمع التقارير من الشارع عن إشاعات إحتمال جمال يمسك الحكم, ده غير تأمين مبارك جوه و بره.

الغريب إن فيه ناس طالعة بتقول إن الصندوق الإسود مات!!!!. يا سلام , قال يعني مفيش غير عمر سليمان هو إلي معاه الأسرار؟؟؟, منظومة المخابرات بتعتمد على عدد معين من الأشخاص معاهم الأسرار , التقارير , المحادثات و كل حاجة, عشان لو حصل شيء مفاجيء يكون فيه تكملة مش وقوع!!!.

يعني الصناديق السودة لسه فيه منها تاني و على أكبر من عمر سليمان.

إمال وزير الدفاع يبقى إيه, رجالته في المخابرات العامة { نسبة رجال الجيش في المخابرات أعلى من رجال الشرطة}, و عنده المخابرات العسكرية و إلخ, يبقى مين الصندوق سليمان و لا طنطاوي, و بعد كده نقول مين الصندوق طنطاوي ولا عنان؟؟؟؟.

عمر سليمان ليه فضل كبير على البشرية!!!, أيون هو واحد من المسؤولين المعدودين لنظام التعذيب من أجل المعلومات, و إشتركت دول كتير من بتوع الديموقراطية عشان تظهر بس في دور حليف أمريكا.

تخيلوا بقى عمر سليمان مسؤول عن موت كام شخص ,تعذيب كام شخص و إختفاء كام شخص؟؟؟.

عشان الناس الكتير إلي كانت عاوزاه يبقى رئيس جمهورية , كنتوا هتسلموا سفاح القرن مفاتيح البلد على طبق من دهب!!!!.

أرجع تاني لدور المخابرات الرهيب, في حماية البلد بعد الثورة, طبعا عشان المحسوبية هي عنصر الإختيار المهم, فأكيد شفتم الكفاءة في القبض على الطرف التالت و الإيد الخفية, ده غير الفيلم الأخير بتاع حكاية وطن على ما أعتقد , كان الفخر كله في القبض على جواسيس و شبكات قبل و بعد حرب إكتوبر , العصر الذهبي للمخابرات العامة المصرية و الأسامي الرنانة للظباط الأكفاء.

إنما دلوقتي فالشعب كله جواسيس و شبكات في عيون المخابرات, و أيام مبارك كان المخابرات بتحمي مبارك و عيلته من الشعب العميل!!!.

و لسه الأيام إلي جاية هتكشف الناس ديه للكل و كيفية حماية مصالحهم الشخصية تحت بند الأمن القومي.

و في النهاية بوابة مزبلة التاريخ مش هتقفل بعد عبور عمر سليمان منها , لسه ياما هيعدي أمثاله منها, فعلا للجحيم و عذابه يا عمر سليمان.

هنا موضوع جميل جدا عن عمر سليمان لو تحب تكمل معرفة عن سفاح القرن

http://resbikt.blogspot.co.at/2012/02/blog-post_24.html

تحديث لما عمر سليمان بيقول إنه حارب الإخوان ووقف ضد مخططاتهم, ليه معرفش يوقف التضخم المالي عندهم؟؟؟. ليه ساب التحويلات تدخلهم و تطلع من حساباتهم؟. ليه ساب تغلغل الإخوان جوه أمن الدولة. للأسف كان فيه تعاون مابين أمن الدولة { بعض الظباط و على مستويات عالية } و قيادات الإخوان, و عمليا الإعتقالات كانت أفلام هيجي وقت فضحها قريب!!!.

إقرأ المزيد... Résuméabuiyad GRAKOLLO

الجيش السوري الحر

إحتل التفجير الأخير إلي قام بيه الجيش السوري الحر, كل أخبار العالم لإنه أدى لمقتل عدد من القيادات السورية, أهمها وزير الدفاع السوري و آصف شوكت.

طبعا الكل شاف على اليوتيوب أفلام كتيرة عن همجية الجيش السوري مع الناس الغلابة, و همجية الشبيحة المدعومة من منظومة المخابرات السورية.

بس السؤال هنا, بعد الإطاحة ببشار و عيلة الأسد كلها, ياترى إيه إلي هيحصل؟؟؟.

قدامنا أمثلة كتيرة مصر,العراق و تونس لغاية دلوقتي مش معروف راس من رجل, ياترى السوريين هيكون حظهم أفضل من دول الربيع العربي, أو الشرق الأوسط الجديد؟؟؟.

مش معنى كده إني بطلب بقاء بشار, أو المهادنة معاه.

أنا بطلب الحكمة من السوريين , يكونوا مستعدين بالتغيير في أي وقت.

و يتصدوا بحزم لتيار الإخوان المسلمين, إلي بيستعد دلوقتي لقفز على الحكم في أي وقت!!!.

و بكده يبقى نفس المشكلة إلي بيعاني بيها دول الربيع, أصبحت نسخة مقررة و ملهاش أي حل { غير العياط جنب الحيط و الإمنية الشهيرة برجوع الزمن لتصليح الأخطاء }, أكيد الظلم إلي إتعرضله الشعب السوري كبير, بس متجيبوش لنفسكم ظلم تاني أكبر, و ربنا يوفقكم في خطاكم.

تحديث

موت بشار أو حياته لن تغير شيء في حالة قفز الطامعين على السلطة!!!!.

إقرأ المزيد... Résuméabuiyad GRAKOLLO

مبارك رئيس مصر السابق و الحالي

طبعا الكل شاف أخرة كوميديا القرن ( محاكمة القرن )، إلي مبارك و العادلي أخد 25 سنة لكل منهم ، مع براءة كل المتهمين. 

و في أخر الجلسة القاضي قال الأسباب إلي هي في نفس الوقت دليل لبراءة مبارك في النقض هو و العادلي .

لدرجة تحس إن السبب في ضرب النار والقنابل كان السبب فيه البندقية إلي مع العسكري أو الظابط.

و الأوامر كانت بتصدر من القمر أو قيادات المجموعة المكوكية لزحل ، هم يضحك و يبكي .

 العجيب إن حسن عبد الرحمن أكبر راس في بيت الرعب ( الأمن الوطني حاليا و أمن الدولة سابقا ) ، ياخد براءة ؟؟ ، طيب إزاي؟؟؟، هي المحكمة ديه تختص بس عن أيام 25، 26 و 27 يناير ؟؟؟، يعني كل سنين العذاب و البهدلة و الإعتقالات راحت ؟؟؟.

 هي المحكمة ديه بس لحق الشهدا في فترة الثورة بس،بس، طيب و حق الشهدا لجهاز أمن الدولة في فترة العادلي و عبد الرحمن راحوا فين ؟؟؟.

بهدلة مبارك لشعب كامل على مدار 30 سنة راح فين ؟؟؟، بلاش الإعتقالات إلي كانت شغال على بطال إيه ؟؟؟، الأجهزة الأمنية أتلفتها زاي الأدلة الباقية ؟؟؟.

بصراحة زاي ماكان أبواب التاريخ مفتوحة للقاضي ، زاي برضوه لما أبواب مزبلة التاريخ لسه مقفلتش أبوابها !!.

 و عمر ما حياة و أعمار و دم الناس ماهيروح هدر ، هتفضل تصرخ لغاية لما ييجي القصاص ، مش بس دم 25 يناير لاء دم إلي الناس ميعرفوش عنهم حاجة و دول كتير قوي ، المعلن لغاية دلوقتي قليل .

و العسكري و مساعدينه في إدارة البلد دلوقتي مشتركين في كتم الأسرار لغاية دلوقتي !!. إيه السبب ؟؟؟، و لفايدة مين ؟؟؟، هما مش الإخوان برضوه على حد تعبيرهم إتبهدلوا و إعتقلوا و ماتوا في سجون النظام السابق ، طيب بيدافعوا عنهم ليه دلوقتي و فاضلين على العهد معاهم في كتم الأسرار ؟؟؟.

الإخوان ماشيين على نفس الخريطة إلي رسموها هما و أعضاء النظام السابق ، إلي لغاية دلوقتي بيحكموا البلد سواء علني أو خفي!!.

إتقوا الله في دمنا و عمرنا ، هتكسبوا حب الناس لو فضلتوا مع الناس،الناس، و هتكسبوا كره الناس لو فضلتوه مع النظام .

للأسف فساد السياسيين موجود في العالم كله ، أصحاب الكراسي بيعتقدوا إنهم هما منقزين الشعوب من كوارس يجهلها الناس، طيب ماتعلنوا الكوارس و خلوا الناس تختار ، ليه الملايين يبقى مصيرهم في إيد كام واحد؟؟؟. تفتكروا و الكلام ده لأصحاب المناصب و السياسيين ، سعادتكوا جيتوا منين ماإنتوا جيتوا من الناس ، بس للأسف المخ بينسى أو بيتناسى . لينا رب إسمه كريم .

إقرأ المزيد... Résuméabuiyad GRAKOLLO

الاخوان المسلمين أكبر كدبة في التاريخ

الاخوان المسلمين أكبر كدبة في التاريخ !!، السؤال دلوقتي محتاجين إيه تاني قالوا قبل كده مش عاوزين أغلبية مجلس الشعب و أخدوا الأغلبية !!، مش عاوزين وزارة ، و بعد كده نسمع إنهم بيحضروا الشاطر إنه يمسك الحكومة بعد إسقاط حكومة الجنزوري !!.

 مش عاوزين ندخل إنتخابات الرياسة ، دخلوا بواحد فشل راحوا مدخلين إستبن ليه و أهوه وصل للتصفيات و مش بعيد يكتسح و ياخد الرياسة !!.

( تعديل بسيط ، مرسي أخد الرياسة!!!.).


عن نفسي مش عارف مجلس الإدارة بتاع الجماعة عاوز إيه بالظبط ???.

إيه بيخافوا من الحسد و لا إيه؟؟، بيقولوا الحاجة و يعملوا عكسها !!، من الأخر عاوزين مصر كلها طيب ماتقولوا كده بصراحة من الأول بدل ماتاخدوا شقة في إسكندرية و التانية في أسوان و في الأخر عاوزين تفتاحوهم على بعض!!.

 المشكلة الأكبر هي كدب الجماعة على مر العصور ، كلمتهم عمرها ماكانت واحدة ، من أول لما إتنشأت لغاية يومنا هذا !!.

يكرهون الغرب و الحكومات الفرنجية و أمريكا بالطبع ، و هما أكتر جماعة عملت إجتماعات كتيرة مع المسؤولين الأمريكيين قبل و بعد 25 يناير !!.

على فكرة لو الجماعة مسكت الحكم ( تعديل بسيط ، الجماعة مسكت الحكم!!!)، الكرسي مش هيطلع منهم و لا بالطبل البلدي ، يعني واحد كان عاوزها لإبنه و التاني عاوزها لجماعته !!.

إيه الفرق ، مبارك عاش على قفانا 30 سنة و هما جايين يكملوا بقيت العمر في الكرسي !!.

و كله بالشرعية الثورية !! يا سلام و نعمة حلم الديمقراطية على رأي الله يمسيه بالخير القذافي " ديموا كراسي "  كتعريف للديمقراطية !!.

 الأجمل من كده إن فيه بعض السفهاء بيقولوا إن شفيق طلع على أكتاف الأقباط !!، بجد و نعمة التفكير ، قال إيه بنحلم بدولة مدنية ، طيب تيجي إزاي ؟؟؟، لما كل حاجة واخدنها مسيحي و مسلم ، مدنية إيه إلي بتقول عليها ديه!!.

 أه و قبل ماأنسى على نفس لسان السفهاء " لو شفيق كسب هنولع في البلد !!"، و " لو شفيق كسب يبقى الإنتخابات مزورة "، طيب لو الإخوان كسبوا مش هيبقى فيه تزوير خالص ، إيه جايين و معاهم الدولة المللإكية ، و لما يطلع مرشح للرياسة يقول " هدخل الأقباط الإسلام أو الجزية " مستنيين منهم ينتخبوا مين بتاع الجزية و الجواري !!.

حرام بقى إنتم فعلا زودتوها قوي ، الأقليات ليهم حق ، دول بني أدمين مش حيوانات ، دولة دينية يعني حق الأقليات راح !! ، و للأسف الكل عارف كده بس مطنشين أو سايبنها زاي ما تيجي !!.

و على فكرة نظام الإخوان مش زاي إلي بيعلنوه ، دول كدابين و أبو الكدابين ، و بكرة هتعرفوا إن الله حق .

 العجيب إن فيه ناس مغيبة بتقول إن حكم الإخوان أرحم من العسكر أو شفيق . معن كلهم واحد في النهاية ، شركا في كل حاجة !!.

ياريت بقى نفوق و سيبنا من قصة مسلم و مسيحي و نرجع نفكر في مصيرنا إلي بيتلعب بيه ، سواء من العسكر أو الإخوان أو شفيق ( ماهو شفيق بقى رمز الفلول )، معن ممكن يكون هو فعلا طوق النجاة في الوقت الحالي ؟؟؟ ، للأسف ممكن يكون معاه مفاتيح لحاجات كتير محتاجنها في الوقت الحالي !!.

( أعتذر ، كنت كاتب المقال ده ، قبل نتيجة الإنتخابات، أه و كمان ، عاش حكم العسكر و عاش حكم المرشد!!!، و يسقط يسقط حكم الشعب!!!).

إنما الإحساس ده مبيجيش أبدا مع الإخوان أبدا و مش ممكن يجيلي أي نوع من الراحة لو الإخوان مسكوا الحكم .

بكده فعلا إحنا نكون سلمناهم البلد، و بعد كده قوموا ب150 ثورة بعد كده و شوفوا هما هيعملوا إيه، مش هيسيبوا السلطة و لا بالطبل البلدي!!.

إقرأ المزيد... Résuméabuiyad GRAKOLLO