صاحب الحصان الأبيض

معلش إستحملوني أصلي قديم شوية و برجع للأخبار القديمة شوية كمان!!!.


كان فيه خبر من فترة طويلة شوية ظهر في جريدة المصري اليوم و كان بيقول:


التقى الدكتور عصام شرف، رئيس الوزراء، بمنزله ، ٦ من أعضاء ائتلاف شباب الثورة، فى لقاء تناول الدعوة لمظاهرة ٨ يوليو، التى تطالب بتطهير مؤسسات الدولة والقصاص لشهداء الثورة.

ووجّه الشباب الدعوة لرئيس الوزراء للمشاركة فى المظاهرة. وقال عضو الائتلاف: (إن اللقاء استمر قرابة الساعتين، تحدثنا فيه عن العقبات التى تواجه الثورة وتُفقدها الكثير من إنجازاتها، ومدى قوى الثورة المضادة وتأثيرها، ما يؤدى إلى إحباط الناس بسبب ما يرونه من نتائج سلبية بعد ثورة ٢٥ يناير). 

وأضاف: (استعرضنا أيضاً أداء المجلس العسكرى الذى يقف حائلاً أمام تحقيق مطالب الثورة من خلال تقييد حرية رئيس الوزراء نفسه فى اتخاذ القرارات الحاسمة، وطالبنا (شرف) بانتزاع صلاحياته لمراجعة القوانين التى صدرت من المجلس العسكرى، وتعيق تحقيق بقية مطالب الثورة)، لافتاً إلى أن الشباب طالبوا (شرف) بالنزول لميدان التحرير والكشف عما يواجهه من ضغوط أمام المصريين. 

وأكد أن رئيس الوزراء وعدهم بالتفكير فى الطلب ودراسته، وإن كان يعتقد أن نزوله فى هذا الوقت قد يكون دعماً لفصيل سياسى على حساب الآخرين، وهو ما لا تحتاجه البلد الآن، موضحاً أن (شرف) لايزال لديه الأمل فى تخطى العقبات التى تواجه حكومته من أجل صالح البلاد.

ضم وفد ائتلاف شباب الثورة عدداً من ممثلى الحركات والأحزاب السياسية مطالبة بسرعة محاكمة رموز النظام السابق، وتقديم الضباط المتورطين فى قتل المتظاهرين للمحاكمة العاجلة، وإقالة اللواء منصور عيسوى، وزير الداخلية، بعد فشله فى القضاء على حالة الانفلات الأمنى.


( نسيب نقطة إقالة العيسوي و نتكلم في المهم!!!).

طبعاً بقالنا فترة كويسة عشان نقيم أداء وزارة عصام شرف إلي هي مش تبع المؤسسة العسكرية خالص، و مش بتاخد أي تعليمات من العسكري!!!.


طبعاً إن رئيس وزراء مصر يقابل شباب الثورة في بيته ده قمة التواضع من رئيس الوزرا، لإن المقابلات في المكتب بتبقى خنقة، و محاطة بالرسميات، إنما بالبيجامة بتكون مريحة!!!!.


المهم قعدوا مع رئيس الوزرا و أخدهم الكلام لمدة ساعتين، ماهو جرنال لازم يفرد الموضوع و يكون جرنال ثوري يوصل للقراء الليلة بأمانة، عشان يخلي الشعب كأنهم موجودين في القاعدة ديه!!!!.


طبعاً المقال عبارة عن تلخيص لما جرى، عشان بقية الحوار بيمس الأمن القومي، و مينفعش الشعب يكون على معرفة بها، إنما بعض الشباب الثوري ممكن، و يبقى سر!!!!، و بعد كده نلاقيها فضايح على الويب!!!، سبحان الله.


طبعاً مطلب المحاكمات موجود حالياً بطريقة كوميدية!!!، و العسكري الويب مليان عنه وثائق من ويكيليكس إنه كان مع الثورة من قبل ما الشعب يفكر في الثورة على النظام!!!!، خلاص ويكيليكس بقت مرجع الثورة دلوقتي!!!.


أما الطلب الرهيب من شباب الثورة، إن شرف ينتزع خصائصه من العسكري!!!!!!!!!!!!، إزاي؟؟؟؟؟؟؟.


هو فيه حاجة شرف عملها من غير الرجوع للعسكري؟!؟!؟، طبعاً غير أخبار إن شرف قدم إستقالته و لكن العسكري حلفه بأغلى ماعنده إنه يرجع فيها تاني، بس شرف فضل مصمم على الإستقالة، راح العسكري رفض الإستقالة، أهه بقى!!!.


هو مين رئيس مين؟؟؟؟، شرف رئيس العسكري، و لا العسكري رئيس شرف؟؟؟؟.


و بعدين حتة تانية بعيدة عن شرف شوية، هو العسكري مش في الأول كان بيقول هيخليها دولة مدنية ديموقراطية!!!، إمال لما حد بيتكلم على العسكري بيحاكموه محاكمات عسكرية ليييييييييييييييه؟؟؟.


أنا أقولكم، ديه إسمها الديموقراطية العسكرية!!!!.


لغاية دلوقتي كل حاجة بالنسبة لشرف هيفكر و يدرس، و ربنا يسهل هيرد قريب جداً!!!، إمتى؟؟؟، هو نفسه ميعرفش!!.


من حكومة لاء، إلى حكومة حاضر ربنا يسهل، مفيش فرق بينهم!!!، يعني لاء كانت أرحم من الأمل!!، ناس كتيرة بتتصور إن شرف هو صاحب الحصان الأبيض إلي هينتشل مصر من الحفرة!!!.


يا ترى رايحة على فين يا مصر؟؟؟؟؟؟؟؟. 

و عجبني مقال منشور عن ( الناجون من مقصلة الثورة )، الكاتب عنده حق، الثورة مسكت ناس و سابت ناس تانية عايشة في نعييم دلوقتي!!!!.

يا ترى صاحب الحصان الأبيض، هيعمل إيه؟؟؟؟، هيسيبهم و لا هيجمعهم مع حبايبهم في بورتو طرة؟؟؟؟، و ياخدوا براءة كلهم مرة واحدة؟؟؟؟.

بعض الأسامي إلي جت في مقال ( الناجون من مقصلة الثورة )،و رأي الكاتب ليه الناس ديه ترجع لمقصلة الثورة أحسن:

اللواء عمر سليمان رئيس جهاز المخابرات

ارتكبت تحت سمعه وبصره جرائم قتل المتظاهرين وموقعة الجمل، فضلا عن دوره المعروف في محاولة تصفية المقاومة الفلسطينية وحصار غزة، ومقتل يوسف أبوزهرى شقيق سامى أبوزهرى القيادى بحماس تحت وطأة التعذيب بسجن برج العرب، كما وجهت إليه تهم بالضلوع بعمليات تعذيب ضد معتقلين لحساب المخابرات الأمريكية.
عمر سليمان - بحسب وزير الخارجية الليبي السابق عبد الرحمن شلقم - كان (رجل ليبيا في مصر) وتورط في اغتيال المعارض الليبي منصور الكيخيا الذى كان يقيم بالقاهرة، حيث نفذ عملية تسليمه للنظام الليبي خدمة للقذافى.

أحمد شفيق رئيس الوزراء السابق

الذي تعهد بتقديم( البنبون والشيكولاتة) للثوار في التحرير، في الوقت الذي ارتكبت فيه (موقعة الجمل) وراح ضحيتها العشرات دون أن يتحمل أية مسئولية رغم كونه رئيسا للحكومة آنذاك، فضلا عن بلاغات بإهدار المال العام وإجراء مناقصات وهمية، حينما كان وزيراً للطيران.

( طيب أنا راضي ذمتكم، فيه رئيس وزرا قبل كده عزم الشعب في الفورسيزون؟؟؟؟، أه يا ناكري الجميل!!!.)

اللواء محمود وجدى وزير الداخلية السابق 

شهدت فترة وزارته أكبر عملية فرم وحرق لوثائق ومستندات جهاز أمن الدولة، لكنه خرج من الواقعة كالشعرة من العجين، دون أن يعرف أحد حتى الآن من وراء حرق مستندات الجهاز، وهي العملية التي يبدو أنها ستقيد كالعادة ضد (الماس الكهربائى)!!.

( هو مش أيام العادلي، كان مسؤول على السجون، هو فيه معدات ترويق المساجين كانت بتدخل من غير علمه؟؟؟؟، ده المفروض ياخد شهادة نوفل للإختراعات الجديدة في السجون، ده مبتكر مصري صميم!!!.)

 

فاروق حسنى وزير الثقافة الأسبق

20 عاما فى نظام مبارك، برىء براءة الذئب من دم بن يعقوب، فالرجل الذى شهد عهده محرقة قصر ثقافة بني سويف وسرقة لوحة زهرة الخشخاش بتكلفة تصل إلى نصف مليار جنيه، وإهدار المليارات في مهرجانات واحتفالات عالمية فاشلة، وسرقة العديد من الكنوز الأثرية فى البلاد وسط تقديرات تشير إلى تهريب أكثر من عشرة آلاف قطعة أثرية، وغيرها من الجرائم، مازال حرا طليقا.

( هو فيه زاي فاروق حسني، ده الراجل أيام الثورة قال أنا متبرع بكل ثروتي لمصر، و أدي دقني!!!!.) 

زاهى حواس وزير الآثار السابق

الذى أخفى جريمة سرقة المتحف إبان أحداث الثورة، واستغل منصبه في التربح لصالح شركات دعاية عالمية، وراجت في عهده تجارة الآثار، وتلقى – بحسب صحيفة نيويورك تايمز الأمريكية - مكافأة سنوية من قناة (ناشيونال جيوجرافيك) الأمريكية نحو 200 ألف دولار كـ(مستكشف مقيم)، حيث يتحكم فى دخول المواقع الأثرية التى تتضمنها تقارير القناة.

( بصراحة عجبني منصبه في القناة، الأجانب دول عليهم شوية إختراعات!!!، عجب في التقنيين!!.)

وزير الإنتاج الحربى السابق سيد مشعل

على الرغم من تزوير نتيجة الانتخابات بدائرة حلوان لصالحه أكثر من مرة، فقد نجا هو الآخر من المقصلة، هذا بالإضافة إلى اتهامات تلاحقه بالفساد والتربح من وراء منصبه، فضلا عن معدات قضية الرشوة الفلندية، والتى طلب المدعى العام الفلندى من السلطات المصرية التحقيق فيها، وتم التعتيم على دوره فيها لحساسية موقعه.

 ممدوح مرعى وزير العدل السابق.

 أحمد أبوالغيط وزير الخارجية الأسبق. 

سمير زاهر رئيس اتحاد الكرة.

حسن صقر رئيس المجلس القومى للرياضة.

أما صاحب الحصان الأبيض سواء كان شرف أو المجلس العسكري، لغاية إمتى؟؟؟؟؟؟؟؟، سؤال محيرني فعلاً لغاية إمتى؟؟؟؟. 

إقرأ المزيد... Résuméabuiyad GRAKOLLO

بصراحة مش عارف أقول إيه

نفى الامام الاكبر د. احمد الطيب شيخ الأزهر ما ورد في وسائل الإعلام عن رفض اسلام فتاتي المنيا كريستين ونانسي، مؤكدا أن حديثه مع وفد الكنيسة ، القسيسين فيلوباتير جميل وأغابيوس سعد، لم يزد عن شرح قواعد إشهار الاسلام في مشيخة الأزهر.

وقال شيخ الأزهر إنه تحدث عن إشهار إسلام المصريين بلجنة إشهار الإسلام بالأزهر الشريف، وبيّن القواعد الإجرائية القانونية التي تحكم تسجيل إسلام المصريين والتي من بينها أنه لا يقبل تسجيل إشهار الإسلام ممن يقل سنه عن 18 عاماً، ولا من أجل الأغراض الشخصية، أو الضغوط العائلية، أو رغبات الزواج، وقد تمكث اللجنة في مراجعة الراغب في الإسلام أياماً حتى تتأكد من أنه يريد اعتناق الإسلام رغبة وطواعية.

وأكد أنه لم يتطرق أبداً ولو بكلمة واحدة حول عدم الاعتداد بإسلام هاتين الفتاتين من الوجهة الشرعية.

وأوضح إنه لم يرد في كلامه مع القسيسين مورد الإفتاء أو تقرير الأحكام الشرعية، مؤكدا انه لم يدل بأي فتوى شرعية في هذا الموضوع وأنه إذا أدلي بفتوى سيعلنها على الملأ وفي جميع وسائل الإعلام.

وأهاب شيخ الأزهر بوسائل الإعلام والصحافة أن تتحرى الدقة في كل ما تنشره من أخبار عن الأزهر وشيخه قبل أن تأخذه عن أي مصدر آخر وبخاصة فيما يتعلق بالأحكام الشرعية .  


أهه بسبب إتنين عيال قامت الدنيا و كانوا سبب لفتنة طائفية، منين شوية عيال عندهم المقدرة على تحديد مصيرهم و الأهم من كده على تحديد دينهم؟؟؟.


و طبعاً يعملوها العيال و يقعوا فيها الكبار!!!!.


و الصحف مش تلم الموضوع لاء، تكبره و تخليه موضوع الساعة، و الناس بقت فاضية بتقرا جرايد كتير.


و بقوم واحد فاضي بيقرا جرايد يوصل الخبر لواحد تاني فاضي مش بيقرا جرايد و تقوم الدنيا و تولع!!!.


و في الأخر بنقول إنها مؤامرة خارجية ضد قطبين الإمة!!!، بصراحة مش عارف أقول إيه؟؟؟.


طيب ده موضوع قديم و خلص، بس الجرايد عمرها ماهتخلص أخبار، يعني مقال تاني إتكتب في غزة - دنيا الوطن عن:

استعادت منتديات إلكترونية ومواقع التواصل الاجتماعي فتوى للشيخ السعودي صالح الفوزان تتيح للموظف قتل زميله في العمل إن لم يكن يصلي. 

وصدرت تلك الفتوى، بحسب تاريخ نشرها على يوتيوب في ديسمبر/كانون الأول 2009، وكان يرد فيها الشيخ الفوزان على سؤال حول طريقة التعامل مع الموظف مع زميله في العمل الذي لا يصلي.


وجاء رد الشيخ: "الذي لا يصلي ليس بمسلم لقوله صلى الله عليه وسم بين العبد والكفر ترك الصلاة.. والأدلة من الكتاب والسنة على كفر تارك الصلاة كثيرة".

وتابع في معرض رده حول الواجب فعله ضد تارك الصلاة: "يجب عزله بل يجب قتله إن لم يتب إلى الله ويحافظ على الصلاة.. فهو يستتاب وإن لم يتب وأصر على ترك الصلاة فإنه يقتل".

ويضيف: "من الأصل توظيف هذا الشخص خطأ لأنه لا يوجد تولية الكفار أمور المسلمين لأنه سيكون قدوة لغيره".



الشيخ عبدالعزيز بن باز يرى‘‘ أن من يترك الصلاة تهاوناً كافر.. ولكن من ينفذ حد القتل هو ولي الأمر، وليس العالم".

أهه بجد بقى مش عارف أقول إيه!!!!!!!!!!!!!!!!!!!!. 
  

إقرأ المزيد... Résuméabuiyad GRAKOLLO

تحياتي للشخص

جميل قصة محاكمة مبارك، يا ترى هتوصل لغاية فين؟؟؟، و هتنتهي إمتى؟؟؟؟، و هتنتهي على إيه؟؟؟.

و بعدين المفروض نفرج عن كل الجواسيس إلي في عصر مبارك!!!!، أه و إيه المشكلة؟؟؟؟، إزاي نحاكم جواسيس و نسيب أكبرجاسوس من غير محاكمة؟؟؟؟؟.

مبارك كان مسخر الجهاز الإعلامي لتشويه عقلية البني أدم المصري!!!!، هو الإعلام المصري مش كان على طول بيجيب مصايب الإحتلال الإسرائيلي؟؟؟، جميل طيب كان بيتعامل معاهم ليه على المستوى الشخصي؟؟؟، كان ليه بيصدر الغاز ليهم؟؟؟؟.

طيب أنا عندي قصة لشخص، أعتبره محترم أكتر من مبارك مليون مرة، حتى مع مشاكله الكتيرة جداً!!!!.

شخص، ده تعريف البني أدم إلي هتكلم عنه!!!!!.

غريبة التعريف ده صح ؟؟؟؟، و لا غريبة و لا حاجة، ده طلبه الشخصي.

لما حكالي حكاية مش معقولة، طلبت منه طلب، ممكن أكتب إلي حكاه عشان ناس تانية تاخد بالها و تحرس!!!!.

نبتدي الحكاية!!،

واحد قاعد في حاله، و بيفتح الميل بتاعه، عادي إيه المشكلة؟؟؟،

يلاقي ميل غريب!!!!، و إيه يعني أنا عن نفسي بلاقي ميلات غريبة كتير!!!.

بس الميل ده كان مبعوت من واحده!!!!، و راس الميل بتقول، أنا فلانه هل تبحث عني؟؟؟؟.

طبعاً عنوان يشد، أه نسيت أقول حاجة هذا الشخص كان بيشتغل في منصب حساس شوية!!!!، مش مشكلة قوي التفاصيل، بس المهم في إلي جاي.

المهم البنت إلي بعتت الميل، فضلت تكتب ببساطة عن شخصيتها إنها مديرة لإحدى المؤسسات!!!!!، و طالبة إنهم يتعرفوا على بعض الأول!!!!، ليه؟؟؟، و طلبت إنه يذكر هواياته و مواهبه و إلخ.... .

لغاية دلوقتي عادي، إمال إحترسوا و الكلام إلي في العنوان؟؟؟؟.

يا سيدي إصبر التقيل جاي!!!.

طبعاً الشخص مش عارف مين الشخصية إلي بتكلمه!!!، المهم طنش الميل و عادي، لكن إتبعت بعديه ميل تاني، كان بيتقال فيه بما معناه، إن البنت ديه مازالت مستنية الرد، و إنها على إستعداد بتعينه في المؤسسة بتاعتها!!!!، ليه؟؟؟، الشخص ده أصلاً مكانش بعت أي طلب وظيفة لأي حتة!!!، هو المؤسسات دلوقتي بتطلب الناس من غير مايبعتوه أي طلب؟؟؟؟.

طيب كان إيه لازمة طلب التعارف و الهوايات؟؟؟، و ليه إنتظار الرد؟؟؟.

المهم الشخص بعت ميل ظريف، بيعتذر فيه إنه ميعرفش الشخصية ديه، و إنه مطلبش شغل من أي مؤسسة!!!.

و إتبعتله ميل تاني بتطلب فيه ضرورة تحديد ميعاد للمقابلة؟؟؟؟، ليه؟؟؟؟.

صاحبنا رد المرة ديه رد قاسي شوية!!!، و طلب إنه ميتمش الإتصال بيه تاني، حقه!!!.

لكن إلي حصل بعد كده كان مقرف، إتصالات كتيرة على تليفونه المحمول!!، ميلات تانية و إلي أكتر من كده إتصال شخص بيه بيعرض عليه التعاون معاهم في مقابل أتعاب و الذي منه!!!!.

كل ده ليه؟؟؟، عشان كان بيشتغل في مكان حساس، بس دلوقتي خلاص، أو بمعنى أصح من فترة طويلة كان!!!.

المهم عشان أنا طولت، في الأخر خالص عرفوه بنفسهم إنهم من أحد الأجهزة الأمنية الإسرائيلية!!!!، قديمة إمال هيطلعوا إيه؟؟؟، سباكين مثلاً.

إلي خوف الشخص ده جداً، إزاي وصلوا لمكانه، و الأكتر لتليفونه الشخصي؟؟؟.

في الأخر خالص بعد ماغير مكانه و كل حياته، طلع إن واحد صاحبه كان بيثق فيه، باعه و باع نفسه ليهم!!!.

صاحبنا كان بيثق في صاحبه، و قاله كان بيشتغل فين!!!، يقوم التاني موصل لأحد الأجهزة الإسرائيلية المعلومات ديه، و باع صاحبه ليهم.

بس للأسف هو نسى إنه باع نفسه الأول، مقابل كلام فاضي.

صاحبي ، كبر في نظري لأنه كان ممكن يبيع نفسه هو كمان، بس طلع جدع، حتى و هو محتاج مفكرش يبيع نفسه.

للأسف تحذيري هو مفيش حد يستحق إنك تثق فيه، خلاص زمن الثقة راح!!!.

أما بالنسبة للأجهزة الإسرائيلية، فالغباء مستوطن فيهم!!!، مش أي حد يقدروا عليه!!!.

هما يقدروا بس على البني أدم الفاضي من جواه!!!.

أه و خليهم يفرحوا بالناس إلي باعت نفسها ليهم!!!!.

و تحياتي للشخص، و ربنا يوفقه في حياته.

إقرأ المزيد... Résuméabuiyad GRAKOLLO

مبارك زعيم الثورة

فريد الديب محامي الرئيس المخلوع، من عيلة كبيرة في إسكندرية، و مشهور من زمان، مش جديد على مهنة المحاماة، و لو حد يفتكر إنه كان من أعضاء لجنة إسترداد طابة.

الهم مش مدح في فريد الديب، بس فعلاً محامي مش سهل، هو يبان عليه إنه شكله طيب!!!، بس للأسف راجل يعرف القانون كويس، و تحت إيده طاقم كامل لا يستهان بيه.

و لما مبارك يختار محامي زاي فريد الديب، الواحد يبقى قلقان من خروج مبارك زاي الشعرة من العجينة!!!.

بس محدش قال هو أتعاب فريد الديب لدفاعه عن مبارك هياخدها من معاش مبارك و لا تبرع من أحباب مبارك، و لا يمكن من 8 مليون جنيه بتوع مبارك؟؟؟؟.

المهم فريد الديب بيقول إن هناك الملايين من مؤيدى مبارك فى مصر، طيب و إيه المانع لو كان ليه مؤيدين، أنا أفتخر إني من المعارضين!!!، عاوز إيه يعني؟؟؟.

لافتا إلى أنه ليس هناك أى مبرر على الإطلاق لوجود أى شكل من أشكال الإساءة لشخص حكم مصر طوال الفترة الماضية.

يا سلام، ليه إن شاء الله؟؟؟؟، هو مبارك إحترمني كبني أدم طوال 30 سنة حكم؟؟؟؟، لا إحترم أدميتي، لا إحترم خصوصية حياتي الشخصية، لا إحترم ..... لا إحترم ....... إلخ!!!!.

 

وأضاف الديب خلال حواره مع الإعلامى معتز الدمرداش فى برنامج (مصر الجديدة) أن مبارك أول من أيد الثورة!!!!، حيث قرر أن يرحل استجابة لمطالبها. 

طيب يا عم فريد، إرجع لخطابات مبارك و هتلاقيه كان بيتكلم على إن الثورة موجودة في بلد تانية غير مصر!!!!، كفاية إنه لو إستجاب لمطالب الناس، كان طلع هو بنفسه و قال جواب التنازل المزعوم، و أحب أكمل هو متنازلش، هو إتخلع حضرتك.

وقال الديب إن مبارك زعلان من الشعب بسبب الحملة الظالمة التى يتعرض لها، وهو ما أثر بشكل واضح على صحة الرئيس السابق الذى يقضى الكثير من الوقت فى حالة غيبوبة. 

طيب و إيه الجديد، ماهو مبارك أيام حكمه كان في غيبوبة برضوه!!!!، و بسبب الحملة الظالمة إلي كان قايم بيها على الشعب المصري، خلا 80 مليون بني أدم في غيبوبة تامة!!!!، الشعب كمان زعلان يا عم فريد.

السخرية حيث قال الديب أن مبارك هو أول من أيد ثورة 25 يناير، مدللا بقوله على أن مبارك استجاب لرغبة الشعب فى رحيله مضيفا من أراد التأكد من ذلك عليه الرجوع لخطابات مبارك أثناء الثورة.

أرجع و أقولك تاني، إرجع إنت للخطابات، ممكن تلاقيها على اليوتيوب!!!!، و شوف.

أه نسيت أقولك إنسى إنك فريد الديب و حط نفسك كمواطن مصري مهدور كرامته ل30 سنة، و قول إيه رأيك في الخطابات التاريخية النارية لمبارك!!!!.

مبارك يردد دائما (مفيش حاجة حلوة في 62 سنة خدمة) منتقدا ما اعتبره حملات للتشويه والسب والقذف التى يتعرض لها مبارك مبديا انزعاجه من تلك الحملات على الرغم من أن القضاء سيفصل فى الاتهامات الموجهه له. 

يا سيدي الفاضل، القضاء فاسد، ده أول القصيدة و عمر ماهيتم تنقية القضاء إلا بعد النظر في قضية مبارك و أعوانه، و بكررها تاني القضاء فاااااااااااااااااااااااااااااااااسد، و إلي عاوز يحاكمني على قولي إن القضاء فاسد يتفضل يحاكم!!!!.

بس للأسف هرفض المحاكمة تحت قضاء فاااااااااااااااااسد!!!!!!.

أما بالنسبة لسنين عمر مبارك في الحكم، فأحب أقولك إن أجمل حاجة عملها مبارك و أبدع فيها و حلوة بجد إنه خلانا نكرهه بجد، و هو كان فنان في كده!!!!.

أما بالنسبة إن مبارك في غيبوبة أو غيره، حتى لو فلت من محاكمات الدنيا كلها، هيروح فين من ربنا!!!!. 

 و لا نسيته إنه فيه ربنا، كل مشكلتكم إزاي مبارك يفلت من حكم البشر، طيب خليه يفكر كده هيقول إيه لربه يوم لما يموت!!!!. 

لا الديب و لا محامين الأرض كلهم هينفعوه ساعتها. 

 أحب أقول لمبارك متنساش فيه ملايين بيدعوا عليك كل يوم و كل ساعة و كل دقيقة و كل ثانية، هتروح من الدعوات ديه فين؟؟؟. 

إقرأ المزيد... Résuméabuiyad GRAKOLLO