كل ده بسبب صورة ميكي ماوس وهو يرتدي لحية و ميمي بلنقاب في إشارة للسلفيين!!!!.
و راحت ناس تانية طالعة و قالت ده تريقة على الزي الإسلامي و الدين الإسلامي!!!.
هي بقت كده، صورة موجودة على الويب من فترة، و لو أي حد حطها على الفيس بوك أو تويتر كانت عدت بسلام و لا حد كان هينطق!!!.
إنما إزاي واحد مسيحي يحط صورة زاي ديه، و مش أي مسيحي ده رجل أعمال و معاه فلوس!!!.
و إتحولت من الشعب عاوز يغير الشريحة، إلى الشعب يقاطع النصارى!!!!!!.
و إشتغلت الدعوات على الفيس بوك و تويتر لمقاطعة شركات ساويرس!!!!.
هو إلي شغال في الشركات ديه مسيحيين بس؟؟؟، لاء إنما الأغلبية في شركات ساويرس من المسلمين، و بعدين مقاطعة ليه؟؟؟؟.
جايين في الوقت ده، و عاوزين تقاطعوا!!!!!.
طيب إستنوا لما إم عجلة الإقتصاد ديه تمشي شوية، و بعدين قاطع براحتك.
و سؤال تاني هو ساويرس مصري؟؟؟، أه مصري.
بقى أقاطع واحد مصري مشغل عنده مصريين عشان صورة موجودة على الويب!!!!.
طيب متقاطعوا إلي عمل الصورة يكون أحسن!!!!.
و الأغرب من كده إن الراجل إعتذر 3 مرات!!!!، ليه؟؟؟؟.
عشان ميقطعش عيش ناس كتيرة، عايشة من الوظايف ديه، مش قاعدة في البيت، و لا لازم كل الناس تقعد في البيت!!!!.
الأجمل إن أعداد الجروبات التي طالبت بمقاطعة ساويرس وصلت إلى 15 مجموعة في أقل من 3 أيام، ده الناس فعلاً بقت قاعدة في البيت، يمسك بداية الخيط و يروح على طول عامل مجموعة!!!!.
و أهه يبقى مشروعه الصغير، بيضيع فيه وقته!!!!.
تضيع وقتك بقطع عيش الناس!!!!.
طيب خد ديه كمان
مجموعه من الناشطين طالبت كذلك بمقاطعة كل شخص يحمل شريحة موبينيل وعدم الاتصال به أو الرد عليه في حال اتصاله ولكن بعد تنبيهه برسالة نصية مفادها أن ساويرس أساء للإسلام وما فعلت ذلك إلا غضبةً لله ولرسوله.
طيب لو أبوك أو حد من عيلتك معاه موبينيل هتقاطعه؟؟؟، و لما تقاطعه هتاخد المصروف من مين يا فالح؟؟؟.
و لو حبيب القلب أو حبيبة القلب هتعملوا إيه؟؟؟.
هو فيه حد سمع عن المنافسة الشريفة و غير الشريفة؟؟؟.
هو مش ممكن يكون المنافس عمل كده؟؟؟.
و طبعاً العالم الفاضية هم الأداه للضرب و التنافس!!!!.
بس زاي مكانوا بيقولوا زمان الفاضي يعمل قاضي!!!!.