إتعودتوا على ضرب الجزم

زغرتي يا إم محمود , إلطمي يا إم سوسن , ليه كل ده ؟؟؟؟, مبارك أخد براءة!!!, بجد ؟؟؟.

بجد فعلاً شعب مصر قام بثورة فعلية ، شال مبارك و حاكمه و سجنه، و رجع حاكمه تاني ، و طلعه براءة!!!!.

ثورة ثورة !!!، طيب و ليه كل اللفة ديه كلها، مامن الأول كنتوا عملتولوا تمثال و ميدان و نافورة و خليتوا جمال رئيس و خلصنا.

بدل شوية إلي راحوا من غير تمن، و السرقات و البلطجية و الجيش طالع داخل، و مصاريف و نثريات و الذي منه!!!!.

بقى بذمتكوا مش لو سيبتوا مبارك يورث لجمال ، مكانش الأخوان هيطلعوا في برواز السلطة؟؟؟.

جميل خلينا في الواقع، المرشد رئيس جمهورية ، و مبارك رئيس جمهورية و الشعب هما هما الشعب!!!!.

ياخد بالجزمة و يقول كمان!!!.

ماإنتوا بقالكوا سنين طويلة متقدروش تعيشوا من غير الجزمة، قطع الجزمة فال وحش!!!.

واخد الكلام على نفسك ، حريتك الشخصية ، الباطحة واجعة سعادتك، مش مشكلتي.

إلي عجبني ، بصراحة ولاد مبارك ، مش علاء و جمال ، لاء ولاده إلي في الشارع، الغالبية النايمة، محسوش إن مبارك بيتحاكم غير اليومين دول، و طلعوا الشوارع و قطعوا الطريق، و راحوا المستشفى العسكري، و قاعدين يعيطوا و إلي عاوز يحرق و يولع في نفسه، يييييييييييييييييييييييه و حاجات كتيرة.

أحب أقولوكوا بكل فخر و إعتزاز، عندكم حق، أيون عندكم حق، و عندكم حق تعملوا أكتر من كده!!!!.

هتجيبوا منين كرامة يا عالم بلا كرامة، زعلانين على سفاح و حرامي و خسيس، سرقكم و صقفتولوا ، عطاكم بالجزمة و كنتم بتزغرتم، خلاكم زاي الحيوانات صقفة تلمكم و عصاية تجريكم.

بصراحة إنتوا متستهلوش غير الإخوان يحكموكم، و زعلانين إن الإخوان وصلوا الحكم، دول الوجه الأخر لمبارك،
طيزين في لباس واحد، زعلانين من الفردة اليمين ، و زعلانين على الفردة الشمال، ماهما الأتنين واحد بينهم الخرا و بس !!!!.

نفسي أعرف هو مفيش دماغ ، أو حاجة  جوه الجمجمة إسمها المخ، لسه مفهمتوش الفيلم ماشي إزاي، ده المفروض من كتر قعدتكم قدام المسلسلات التركية تكونوا هرستوا الفيلم.

بس مهما الناس ماتت و لا راحت في داهية عشان تعيشكم في كرامة ملهومش أي تمن!!!، و القضاء النزيه جداً بيحاكم مبارك على 3 أيام بس في ثورة 25 يناير الإخوانية.

و أولاده بيتحكاموا في قضايا فساد كوميدي ، بيتجاب قضايا في المسلسلات فيها أكشن أقوى من كده!!!.

هو مش ده برضوه علاء شريك المصريين في كل حاجة، هو مش ده جمال برضوه إلي إشترى شقة في أسوان و التانية في إسكندرية و حب يفتحهم على بعض!!!!.

إيه حتى النكت إتنسيت؟؟؟.

إمال لو مبارك إتحاكم على تلاتين سنة من حكمه، هيتعدم كام مرة؟؟؟.

الغريب إلي مش قادر أفهمه أو أحل رموزه، إن فيه مسؤولين أفظع من مبارك ، و حتى مشافوش السجن فيديو!!!، معادلة مش لاقي ليها أي حل!!!!.

ماعلينا.

أرجع لحبايب قلبي المرشد و جماعته، عاوز أتفرج أمريكا هتعمل إيه بعد الإنفجار الإخير مع الإخوان!!!!، غريبة مال الإخوان و مال التفجير؟؟؟؟.

إقرا ده و إنت تعرف، بس هقول ملخص سريع شوية، إلي عمل التفجير 2 من الشيشان، عادي !!!.

بس لو قريت إلي قلتلك عليه، هتعرف إن التنظيم الدولي للإخوان ، عامل مجالس إسلامية على مستوى إوروبا و سبحان الله هما البيج بوس بتوع المجالس الإسلامية و يندرج تحتهم المجلس الإسلامي الشيشاني و مايمت ليه من إسلاميين متشددين!!!،
( عشان كده أول دولة طلبت تقديم مساعدة في التحقيقات لأمريكا كانت روسيا ) وقفوا للجهاد ضد الروس، و منهم المجاهد خطاب
( إلي ميعرفهوش يدخل يوتيوب و يكتب الإسم فقط و هيعرف مين المجاهد خطاب )، بس بالنسبة لخطاب كان بياخد مساعدات من ألبانيا من مركز مساعدات مصري !!!، تم إنشاءه خصيصاً لتقديم العون لأهالي الشيشان !!!.

يطلع المركز ده تابع لمين ؟؟؟، تابع للإخوان المسلمين و كان مديره واحد مصري حامل للجنسية النمساوية، و فجأة بعد موت خطاب تم تصفية مركز المساعدات و عودة مديره إلى النمسا، و إنشاء فرع للمركز في مكان تاني بمسؤولية واحد تاني.

بالنسبة للمصري الحامل للجنسية النمساوية إلي كان مدير مركز المساعدات ، على علاقة وثيقة جداً بالسفارة المصرية في النمسا من أيام مبارك، و مازال حي يرزق بالنمسا.

ماعلينا نحط كام خط تحت عنوان زيارة مرسي لروسيا لدعم التعاون المشترك مابين البلدين!!!!، معن كان لسه وفد مصري رجع من روسيا بعد ماعمل إتفاقيات تبادل تجاري و تعاون مشترك، بس مرسي كان لازم يروح يبصم على الإتفاقيات!!!.

ده غير برنامج صبايا الخير، ريهام سعيد عملت حلقة 40 دقيقة في أنفاق غزة، إمال الغارات الجوية الإسرائيلية لتدمير الأنفاق، و زرع أجهزة حساسة على الحدود ، و مشروع بناء جدار عازل على الحدود، كل ده في البخ، و على فكرة المعبر مفتوح، يعني أيام مبارك الأنفاق موجودة بس المعبر مقفول، إنما أيام المرشد المعبر مفتوح و الأنفاق كمان!!!!.

طيب مبارك كداب، و المرشد كداب و إسرائيل كدابين ، و الجيش إلي مش بيتعامل مع الرئيس!!!! و ناوي في القريب العاجل الإنقلاب عليه و بيحافظوا على الأراضي المصرية، و الشعارات الرنانة، أحب أفرحكم و
أقولكم ضيفوه لقائمة الكدابين السابقة!!!!.

و طالع على ناس بيقولوا يا يوم من أيامك يا مبارك، حلكم عندي،

شوفوا صورة للمرشد شيلوا راسه و حطوا راس مبارك و بكده أيام مبارك و المرشد بقت واحدة، هيديكم برضوه بالجزمة!!!.

إقرأ المزيد... Résuméabuiyad GRAKOLLO

الربيع الإوروبي

من فترة مش بعيدة , إتملت الجرايد المصرية بأخبار عن بلغاريا , و إن الشعب البلغاري إنتفض عشان إرتفاع فواتير الكهربا!!!!.

و طبعاً الإخوان و جهازهم الإعلامي مش عاوزين يفتحوا عين الشعب .

أحب أفتح عين الشعب على الحقيقة, ليه البلغار إنتفضوا؟؟؟؟, قاموا بمظاهرات أدت لتنحي الحكومة بالكامل و البرلمان بالكامل, و إجراء إنتخابات نيابية جديدة، عشان تيجي حكومة جديدة.

حتى لو بلغاريا دولة فقيرة , إنما إوروبيين, مش إخوان, و بالمناسبة الحزب التركي إلي هناك صورة طبق الأصل من جماعة الإخوان في مصر و كل الوطن العربي، قصدي الربيع العربي!!!.

همهم الأول الوصول للحكم ثم الحكم ثم يأتي الحكم أيضاً و طوز في الشعب.

أرجع لموضوع ليه شعب بلغاريا عمل أعمال شغب و تحطيم لزجاج بعض المباني، ( مولعوش في البلد ), أحب أبتدي بحكاية بسيطة في الأول:

قبل ما البلغار يقوموا بحركتهم الثورية، إستوردت الداخلية البلغارية عربيات مكافحة الشغب ، لإن الشارع كان بيغلي بقاله فترة، و ده كان من حوالي شهر قبل الثورة البلغارية.

و فعلاً نزل الشعب البلغاري الشارع ، بس مش عشان زيادة الكهربا على حد الإعلام المصري، و لكن لإن معدل المعيشة متنيل، بيدفعوا تأمين صحي و مبياخدوش حاجة منه .

المرتبات متوسطها حوالي 300 يورو في الشهر ، و على فكرة عشان فيه ناس تروح ضربة ال300 × 10 = 3000 جنيه، لا يا عم الذكي ال300 يورو زاي ال 300 جنيه شوف تقدر تشتري إيه بل 300 جنيه ؟؟؟.

لا يوجد دعم من الدولة في أي شيء، معنها بترسل معونات مالية لليونان و أسبانيا و ليتوانيا نظراً لإنها من أعضاء الإتحاد، زاي عندنا بنصدر الكهربا و البضايع للجيران و الشعب مش لاقي!!!.

نقطة أحب أضيفها، يمكن الكل أو البعض شفها في التليفزيون ، محاولة قتل رئيس الحزب التركي، و على فكرة إلي كان بيحاول يقتله كان تركي برضوه ، حزب مكروه من الكل، و على فكرة أكتر كانت تمثيلية من الأخر، إتهرست في أفلام عربي و هندي كتييييير!!!.

و عشان الحزب التركي البلغاري نسخة من جماعة الإخوان، لما الناس نزلت و إبتدى النزول ده يجيب ثماره، راحوا هما نزلين يلموا الكاميرات و الأخبار و الإذاعة و المجلات، و يكونوا صوت الشعب إلي واصل للحكومة، و ده كله بعد ما الشعب البلغاري أسقط الحكومة .

نزل الحزب التركي يحصد مازرعه غيره!!!!، إخواااااااااااان بس على تركي!!!.

من ضمن الحاجات إلي سمعتها بخصوص الكهربا، شركة الطاقة العاملة في بلغاريا ، شركة نمساوية تنتج الكيلووات بحوالي 2 سنت و تبيعه بحوالي 30 سنت للكيلووات، و طبعا ده ذنب الحكومة إلي وافقت على التعاقد مع الشركة النمساوية.

و على فكرة كانت من أهم المباني إلي البلغار كسروا زجاجها.

أما الشرطة فحدث بلا حرج، ضرب، غازات مسيلة و إعتقالات، بس سبحان الله مفيش حد مات!!!!.

مش عندنا ينزل الناس يرجعوا ميتين، تخيلوا لو مكان كل شهيد عملنا نصب تذكاري مش هنلاقي مكان نمشي فيه أصلاً.

أرجع للحزب التركي  البلغاري ، على علاقة وثيقة جداً بجماعة الإخوان في مصر ، ألمانيا ، إنجلترا و فرنسا!!!، ده بجد مش هزار.

نقطة معروفة للبعض، جماعة الإخوان منتشرة جداً في ألمانيا ، فرنسا ، النمسا و إنجلترا (إمهم الروحية)، و عاملين مجلس إسلامي ، طبعاً جماعة الإخوان هم القيادة، و تقع تحت سلطة المجلس الإسلامي على سبيل المثال و ليس الحصر:

المجلس الإسلامي الشيشاني،

المجلس الإسلامي الألباني،

و إلخ من المجالس الإسلامية لجاليات و بلدان إوروبية كتيرة!!!!.

يعني هم الراس و متفرع منها الجسم!!!.

ده غير السلفيين إلي أصبحوا خطر جامد في ألمانيا و النمسا، و بالنسبة للداخلية الألمانية حطة أكتر من 4000 سلفي أو زيادة شوية تحت المراقبة ، ده غير مراقبة المساجد بالكامل.

فيه واحد في ألمانيا ( مش متذكر إسمه )، كانت بتدور حواليه الشبهات إنه منتمي للإسلاميين المتشددين، و البعض كان بيقول إنه راس كبيرة في التنظيم الدولي للإخوان ، و معرفوش يمسكوا عليه أي حاجة من الكلام ده كله، لغاية لما قامت ثورة 25 يناير المجيدة و أتت بالإخوان للحكم، و سبحان الله إتشال إسمه من قوائم ترقب الوصول، و أصبح يعلن في كل مكان إنه فعلاً من الإخوان و ممثلهم في ألمانيا، الأدهى من كده بيرعى أكتر من 700 مسجد و زاوية على مستوى ألمانيا ، الفلوس زاي الرز سعادتك!!!!.

إلي عاوز أوصله إن التنظيم الدولي للإخوان موجود فعلياً، معن فضلوا سنين طويلة ينكروا هذه المزاعم الكذابة!!!، و ليهم إستثمارات خارجية مهولة و تجمعات أصبحت معروفة للكل.

بلاش في النمسا فيه محافظة إسمها جراتس، ديه مركز الإخوان في النمسا، و العجيب إن ليهم مجلس إسلامي، طيب و ده عجيب ليه؟؟؟، لاء العجيب إنهم عملين مجمع إسلامي و كان بياخد دعم من السفارة المصرية من أيام مبارك إلى الأن!!!!.

و بعد كل الكلام ده أحب أوضحلكم إن الإخوان و أشباه جماعة الإخوان كتير و في دول كتيرة ، غير كده جماعة الإخوان متقدرش تعلن عن إستثمارتها أو ماديتها حفاظاً على التنظيم الدولي ، إلي شبكته الاستثمارية و المالية أقوى 10 مرات من شبكة القاعدة المالية و الاستثمارية.

و للأسف محدش لغاية يومنا هذا ، قادر يحدد بالظبط حجم فلوسهم و أنشطتهم و إستثماراتهم و تمويلهم ، حتى الدول الأوروبية إلي حطاهم تحت الميكرسكوب مش قادرين يوصلوا لأي خيط يوصلهم لأي حاجة .

الإخوان نقطوا المصريين و نقطوا العالم كله .

 

إقرأ المزيد... Résuméabuiyad GRAKOLLO

العدل أساس ........

هو الزمن ده فيه  عدل ؟؟؟؟، يعني لو رحت المحكمة هلاقي عدل؟؟؟.

أصل سعادتك القانون أعمى، طيب إيه العمل؟؟؟.

بص سعادتك ، زمان كان قاضي القضاة، أو أي كان مسماه بيحكم بإيه مش عارف، (أنا كلامي قبل الأديان.(

أما بعد نزول الأديان، أصبح القاضي هو مبعوث من الديان العادل.

بس هو دلوقتي نقدر نقول إن القضاة بتوع دلوقتي مبعوثين من فوق؟؟؟.

صعب يا محترم، كان زمان قوي قوي قوي، أما دلوقتي أو من فترة ليست بقريبة، أبوك مستشار سعادتك مستشار، أبوك وكيل نيابة سعادتك برضوه وكيل نيابة، منين هييجي العدل؟؟؟.

لما مفيش عدل في الإختيار، يبقى إلي قاعد بيحقق أو بيحكم هيجيب العدل منين؟؟؟.

سعادتك إلي بيحقق معاك أو بيحكم عليك، واخدها بالجينات الوراثية، أو بالجيوب المليانة.

يعني تبوس إيدك وش و دقن إنك مدخلتش محاكم، و ماشي تحت الحيطة.

نفسي أعرف اليافتة إلي ورا القاضي إيه لازمتها؟؟؟، لما ملهاش لازمة، زاي الحرامي إلي معلق يافتة " هذا من فضل ربي"، صحيح إيه الفرق؟؟؟.

على فكرة كلامي على كل القضاة الحاليين و السابقين، عشان مش كل شوية ، قلة هي إلي معندهاش بتنجان، كلهم سعادتك متعينين إما بالجينات أو بالجيوب، يعني كله شارب من مية البطيخ.

عندهم خبرة!!!، طيب ما لامؤاخذة الطالب إلي كان طالع بإمتياز في كلية الحقوق، و جه مكانه بتاع المقبول أبو جيوب و جينات، بتاع الإمتياز مكانش هيبقى عنده خبرة ؟؟؟، كان واخد إمتياز في تقشير البطاطا.

الكلام ده كله كان بداية للي جاي، إحنا بنطالب بالعدالة في كل شيء.

عدالة في المعيشة، الوظايف، الأكل، الشرب و إلخ.

طيب حل المعادلة ديه،

إلي بيفصل القوانين دافع دم قلبه من رشاوي و عمولات و الذي منه،

إلي بيفسر القوانين جاي بالخبرة الجينية،

إلي بيطبق القانون جاي بالجينات و الجيوب العمرانة.

و جاي تقولي عاوز ادالة ذا أخي أ............!!!.

قلتلكم قبل كده على الحل، أقوله تاني مش خسارة في طيبة قلبكم، إحنا ٩٠ مليون نعمل جمعية و ندور على واحد إبن حلال من القاعدة يتصرفلنا في حتة نووي و نفجر نفسنا و نخلص، و يجي بقى أي حد تاني يبني دولة من أول و جديد.

أه بالمناسبة سمعت كده خبر مش مؤكد، هو مرسي هيرجع حلايب و شلاتين؟؟؟، و موقع الإخوان مزل خريطة امصر من غيرهم؟؟؟؟.

لو الكلام ده صحيح، و هيرجع الجزء ده، يا ريت يرجع النوبة كمان، و يشيل سينا من الخريطة و يرجعها لإسرائيل، و تبقى من النيل للفرات.

و إم حرب أكتوبر، و إلي عملوها، و نخلص كمان من موضوع الضربة الجوية، و نلغي إم إحتفال ٦ أكتوبر، ونخلص بقى.

و على فكرة لما نرجع سينا لإسرائيل، فيها فايدة كبيرة لمصر ، هيبطلوا يقطعوا الكهربا، و تصديرها لغزة، و إسرائيل بقى تسكن إلي هي عوزاه، و تشيل همه.

أه و يجعله عامر ، عرفتوا بقى العدل أساس إيه؟؟؟؟.

إقرأ المزيد... Résuméabuiyad GRAKOLLO