بصراحة الواحد مش عارف هي الثورة مستمرة و لا
تم التشطيب .
يعني هي الناس عملت الثورة ليه ؟؟؟, إيه
الفرق؟؟؟؟.
شغل مفيش!!, كرامة و عيش و بطيخ مش
موجودين!!!, بس فيه منجة!!!, إيه الجديد؟؟؟.
أقولكم الجديد , بنعرف نمشي جنب القصر
الجمهوري, بنعرف نبلطج, بنعرف نبني أبراج بدون ترخيص و بنعرف نلعب بالبيضة و
الحجر.
زمان مكانش ينفع نتكلم عن العيلة الرئاسية,
عشان الدواعي الأمنية, أما بعد الثورة فبقى فيه قانون من غير دواعي أمنية لو
إتكلمت عن الريس و عيلته, يبقى ربنا يسامحك و تتعلق و تتحبس كمان!!!.
قبل الثورة كانت الإعتصامات تكاد تكون
منعدمة!!!, الموظفين و الفئات و الذي منه مكانوش بيحبوا الإصتدام بالأمن المركزي,
و يكملوا شغلهم.
بعد الثورةالأمن المركزي محتاج إلي يحميه,
بقى بيمشي جنب الحيط و تحته كمان, أما الإعتصامات فبقت كلتالي، الموظف يصحى في
ميعاده, بس مبيطلعش على الشغل, بيطلع على القصر الجمهوري عنده إعتصام دايم هناك، و
بيخلصه في ميعاد الشغل تمام, و يقوم لامم حاجته و راجع على البيت، لدرجة إن الأمن
المركزي محتاس، مش عارف الأعتصام من مين و بسبب إيه؟؟؟، في علمكم الأمن المركزي
عامل إعتصام هو كمان!!!, ماهو لازق في القصر الجمهوري على طول.
دلوقتي بقينا نسمع عن بطولات خارقة من الظباط
في مكافحة البلطجة!!!!، زمان كان البلطجي يشوف ظل عسكري يجري، النهاردة بعد الثورة
الظابط و العسكري و الوزير كمان يشوف ظل بلطجي يثبت مكانه!!!!، إحترام بقى!!!.
الظابط دلوقتي بينزل من بيته يا يرجع يا
ميرجعش، قبل الثورة كنا بننزل من البيت و نعدي من قدام القسم و ياعدينا يا للأسف
معدناش خالص، بنختفي من الوجود، و كان فيه ناس بتحاول تاخد طريق رأس الرجاء الصالح
تجنباً من المرور قدام القسم, و يا سلام لو كان مقر لأمن الدولة.
أهيه ديه بس خير من الثورة، بتاعت نعدي من
قدام القسم بسلام!!!.
قبل الثورة كان التلاميذ بيدرسوا حرب أكتوبر
و الضربة الجوية، ده غير مواضيع التعبير الخاصة بماما سوزان بس، و كان قريبا بابا
جمال بس للأسف ملاحقش, أما بعد الثورة فتم تعديل كبير في المناهج أصبحت تضاهي
التقدم الكبير إلي البلد وصلت ليه، بقوا بيدرسوا تاريخ الجماعة و تأثير الجماعة
على تكوين الفرد، و الجماعة هنا مش جماعة المؤمنين!!!، لاء ديه جماعة الإخوان
المسلمين.
قبل الثورة كان عندنا عيلة رئاسية، بعد
الثورة بقى عندنا جماعة رئاسية و عيلة رئاسية كمان!!!!.
قبل الثورة كان فيه الحزب الوطني و بس ممثل
للحكم، بعد الثورة فيه حزب الحرية و العدالة و النور و البطيخ و لاترمس و ....إلخ
ممثل للحكم بتاع الجماعة.
قبل الثورة كان أي مكان يروحوا رئيس
الجمهورية إلي بينظم و يأمن كان الحرس الجمهوري و الشرطة ...إلخ، بعد الثورة بقوا
شباب الجماعة هما إلي بيقوموا بكل ماسبق، أما الحرس و الذي منه ، بياكلوا مانجة من
الرخيص!!.
مجلس الشعب قبل الثورة كان موجود، هو كان كله
موافقات و ضنين كلمة لاء، حتى على الجماعة، بس بعد الثورة فيه تغيير كبير خالص،
مفيش مجلس شعب ، بس فيه عركة على العربية!!!. ده غير إن مجلس شعب الثورة كان بيدرس
قوانين تختص بشعب تاني غير مصر!!!.
ياريت الكل يدعي إن مجلس الشعب القادم، ده لو
جه، يخلص من أول جلسة في تحديد مصير العربية.
تفتكروا بقى هي الثورة ديه كانت ليه؟؟؟، عن
نفسي أسف نسيت , و معايا على فكرة ناس كتيرة نسيت!!!.
ده حتى الجماعة نسوا وصلوا للحكم إزاي!!!!،
على فكرة الشعب المصري ده يا شيخ محتاج تسليك ودان!!!، أيون تسليك ودان، فاكرين
خطاب عمر سليمان الشهير بتاع تنحي مبارك, أحب أقولهلكم تاني,
·
قرر الرئيس مبارك تخليه عن سلطة رئيس الجمهورية , و
تكليف الجماعة بإدارة شئون البالد, و الله الموفق*
حد
سمع الكلام ده قبل كده؟؟؟؟، طبعاً لاء ، بس هو ده التخيل الطبيعي للجماعة!!!.