فاكرين لما ياسر عرفات كان محتجز في مقره؟؟؟؟، و كل الرؤساء في العالم مابين شجب و حجب.
كان ساعتها مبارك طلب من عمر سليمان إنه يسيب عرفات يتأدب شوية في اﻹحتجاز إلي كان فيه!!!!.
مش عشان حب مبارك في إسرئيل و تأيده للبيحصل و إنما تخليص شوية شوائب في علاقتهم!!!.
معن السبب إلي عرفات وصل ليه، قصدي إنه يكون بطل كانت مصر، متنسوش إن في فترة عبد الناصر كان بيرعى حركات التحرر.
ﻹثبات للعالم إن ثورته هي بداية نشأة فكر جديد، فكر الحركات المتحررة، عبد الناصر راعى برضوه القذافي ، لدرجة إن عبد الناصر بعت مندوب عنه للقذافي لطلب ما ، كان رد القذافي " عبد الناصر مايطلبش، عبدالناصر يأمر"!!!.
نرجع لعرفات تاني، مبارك كان عاوز عرفات يمشي على النهج إلي مبارك بيرسمه، و لما عرفات يزرجن، يروح قارص ودنه، و إيد إلي بتقرص كانت إيد عمر سليمان لما ليه بنفوذ و تأثير كبير على الساسة الإسرائيليين.
بداية عرفات شاب طبيعي عاش معظم حياته في مصر، و قضية بلده، و حارب عشانها و إتحارب من أجلها، ووصل اﻷمر إنه إستغل اﻹرهابيين في قضيته، زاي المتسلق كارلوس!!!، و على فكرة نهاية كارلوس كانت على إيد عمر سليمان!!!!.
نبعد عن عرفات شوية، و نروح لقصة كارلوس، عاش دور إيد منظمة فتح للضغط على المجتمع الدولي، قتله لرجل أعمال يهودي، إحتجازه لوزراء النفط في منظمة اﻹوبك، أما الدور النمساوي في القصة ديه كان جبار، أهم حاجة كان يمشي من أراضيهم، و لما وصل ليبيا طلبوا الطيارة بتاعتهم!!!!، دور قوي بصراحة، إنما بجد دور بوتفليقة هو كان الدور الرئيسي في نهاية مشكلة وزرا اﻹوبك، خاصة إنقاذه لحياة وزير النفط السعودي، المهم مخابرات العالم مكانتش قادرة على القبض على كارلوس فبتالي طلبوا راسه بأي كان التمن، إنما عمر سليمان أصر إنه يسلمه للفرنسويين حي.
إتعرف إنه مقيم في السودان، المخابرات المصرية زقت عليه واحدة سودانية ، كارلوس حبها، خلته يشهر إسلامه، و طبعا كان لازم يعمل عملية طهارة، دخل المستشفى و أخد البينج على أساس هيقوم يعيش مع المحبوبة و يخلفوا صبيان و بنات ، صحى من البنج لقى نفسه وسط المخابرات الفرنسية و المصرية، و لغاية دلوقتي كارلوس مشرف في السجن مستني حد يعفي عنه زاي مرسي كده و هو شغال إعفاإات، بس للأسف فرنسا بتعتبره خطر على العالم و رفضه إطلاق صراحة.
تلاقيه بيندب حظه إنه متسجنش في مصر!!!، كان زمان مرسي مطلعله قصيدة إعفاء عشان دوره في القضية الفلسطينية.
أرجع تاني لعرفات، بصراحة القصص الجانبية ، إلي ماشية مع حيات عرفات كتيرة، زاي ماعرفات إستعان بالإرهاب، إستعان بالإخوان المسلمين، و كان بيعمل محاضرات للقضية الفلسطينية في مركزهم، و ساعدوه في حاجات كتيرة.
لكن إلي مش فاهمه ، حماس تبعهم، و للأسف فتح برضوه تبعهم، طيب كانوا موقعين الإتنين في بعض ليه؟؟؟.
مش عارف، بداية كل حركة تحرر مكانتش عن طريق دعم عبد الناصر، التاريخ طلع كداب!!!!.
الراعي الرسمي لإنقلاب 52 ، التحرر الليبي و القضية الفلسطينية، اﻹخوان المسلمين بدون منافس.
أعترف إن تنظيمهم إستمر بجدارة لما يقرب من قرن من الزمان ، و لكن أساتذة في اللعب من تحت الترابيزة، فكرهم إن اللعب من تحت الترابيزة زاي اللعب من فوقها، عشان كده إتغروا ، و كان نفسهم من زمان فرصة للوصول للكرسي العالي.
و لما وصلوا إكتشفوا إن الكرسي واسع قوي على لعيبة تحت الترابيزة، إفتكروا إن دعمهم ﻷشخاص بعينهم ، يكون عندهم الموهبة إن هما إلي يكونوا محل هذه اﻷشخاص.
دعموا مبارك، القذافي و عرفات و بعد كده قلبوا عليهم، دعموا إنقلاب 52 و قلبوا عليه، حاجة بسيطة عن عرفات، كان ليه نسبة من الجمارك إلي إسرائيل كانت بتاخدها على البضايع إلي بتدخل اﻷراضي الفلسطينية، حقوا و حق بلده إنهم يفرضوا جمارك على إلي داخل، بس لو كان بيدخل في حساب فلسطين مش في حساب عرفات.
ده ياإستاذي الفاضل رد عرفات جمايل اﻹخوان إنه سابلهم إقتصاد البلد يلعبوا بيه، و طبعا ليه الحصة بتاعته، أما الشعب فكان مشغول بالقضية بتاعته، على حساب إن فيه قائد يهتم بيهم، بس للأسف كان فيه قواد بيهتموا بالقضية الفلسطينية و تم إقصائهم عن طريق عرفات نفسه.
أرجع للسؤال إلي سألته ، ليه حماس ضد فتح، معن اﻹتنين واخدين رضا الجماعة ، فرق تسد على حركات التحرر
مصر بتتعرض لمؤامرات مستمرة، دول ورا المؤامرات!!!!.